ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

4-ايدا ەكونوميكانىڭ قۇلدىراۋ قىسىمى كۇشەيدى، سوندادا ۇزاق ۋاقىت جاقسارۋ نەگىزگى جاعدايى وزگەرگەن جوق

来源:جۇڭگو قازاق راديو تورابى     |责编:阿依娜|     发布日期: 2022-05-17 09:55


    ٴوز حابارىمىز. مەملەكەتتىك كەڭەستىڭ اقپارات كەڭسەسى 5 – ايدىڭ 16 – كۇنى اقپارات جاريالاۋ ٴماجىلىسىن اشىپ، بيىل الدىڭعى 4 ايداعى ەكونوميكانىڭ اينالىم جاعدايىن جاريالادى. بيىل جىل باسىنان بەرى، ەكونوميكانىڭ قۇلدىراۋ قىسىمى كۇشەيە ٴتۇستى، اسىرەسە، 4-ايداعى ىندەت جاعدايى ەكونوميكانىڭ اينالىمىنا ٴبىرشاما زور سوققى بولىپ ٴتيدى، الايدا تۇلعالىق جاقتان قاراعاندا، جۇڭگو ەكونوميكاسىنىڭ ورنىقتىلىق بارىسىندا جاقسارۋ، ۇزاق ۋاقىت جاقسارۋ نەگىزگى جاعدايى وزگەرگەن جوق، تيپىن وزگەرتىپ، دارەجەسىن جوعارىلاتۋ، جوعارى ساپالى دامۋ اۋقىمى دا اۋساي كەتكەن جوق.


    كولەمدەنگەن ونەركاسىپتىڭ ارتقان قۇنىنىڭ 4-ايداعى ارتۋ قارقىنى وتكەن جىلدىڭ ۇقساس مەزگىلىندەگىدەن %2.9 باياۋلادى، قىزمەت وتەۋ كاسىبىنىڭ ءوندىرىس كورسەتكىشى وتكەن جىلدىڭ ۇقساس مەزگىلىندەگىدەن %6.1 تومەندەدى، قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى وتكەن جىلدىڭ ۇقساس مەزگىلىندەگىدەن %11.1 ازايدى. مەملەكەتتىك ساناق مەكەمەسىنىڭ اقپارات مالىمدەمەشىسى، حالىق شارۋاشىلىعى جالپىلىق ساناق مەكەمەسىنىڭ باستىعى فۋ ليڭحۇي بىلاي دەدى: بۇلاردىڭ بارلىعى ىندەتتىڭ سوققىسىنان تۋىنداعان قىسقا مەرزىمدىك وزگەرىستەر، بارلىعى كەزەڭدىك سىرتقى وزگەرىستەر. 5-ايداعى ناقتى زات مولشەرى كورسەتكىشىنەن قاراعاندا، تۇلعالىق جاقتان جاقسارىپ، كاسىپورىندارعا كومەكتەسۋ، قيىنشىلىق قىسپاعىنان ارىلتۋ ساياساتتارى دا ۇزدىكسىز ٴونىم بەرۋدە، ەكىنشى توقساندا حالىق شارۋاشىلىعىنىڭ ٴالى دە ٴبىرشاما جاقسى ارتۋ جاعدايىن ساقتايتىندىعىنا سەنەمىز.


    تيپىن وزگەرتىپ، دارەجەسىن جوعارىلاتۋ جاعدايى جالعاسىپ، جاڭا قوزعاۋشى كۇشتەر ۇزدىكسىز جەتىلىپ زورايدى. 4-ايدا كومپيۋتەر، حابارلاسۋ جانە باسقا دا ەلەكتروندىق جابدىقتاردى جاساۋ كاسىبىنىڭ ارتقان قۇنى وتكەن جىلدىڭ ۇقساس مەزگىلىندەگىدەن %4.9 ارتتى، ينفورماتسيا جولداۋ، جۇمساق بولشەك جانە ينفورماتسيا تەحنيكاسى كاسىپتەرىنىڭ ٴوندىرىس كورسەتكىشى %10.3 ارتتى. 1-ايدان 4-ايعا دەيىن جوعارى تەحنيكالى كاسىپ سالالارعا قوسىلعان قارجى وتكەن جىلدىڭ ۇقساس مەزگىلىندەگىدەن %22 ارتتى.


    ەكونوميكانى ورنىقتى ارتتىرۋداعى تاعان بولعان تۇتىنۋدىڭ جالپى كولەمى زورايۋ، تۇتىنۋ قۇرىلىمى جوعارىلاۋ، تۇتىنۋ ۇلگىسىندە جاڭالىق جاراتىلۋ ەرەكشەلىگى ٴالى دە كورنەكتى بولۋدا. 1-ايدان 4-ايعا دەيىن ناقتى زاتتاردىڭ توراپتا بولشەك ساتىلۋ سوماسى وتكەن جىلدىڭ ۇقساس مەزگىلىندەگىدەن %5.2 ارتىپ، قوعامدىق تۇتىنۋ بۇيىمدارىنىڭ بولشەك ساتىلۋ سوماسىندا ۇستاعان سالىستىرماسى جوعارىلادى. فۋ ليڭحۇي مىنالاردى باسا دارىپتەدى: تۇتىنۋ، قارجى قوسۋ، ەكسپورت ەتۋ سىندى ٴۇش ۇلكەن سۇرانىستىڭ ارتۋ قارقىنىن ساقتاپ، ەكونوميكانىڭ سايكەستى ارتۋىنداعى تىرەكتىك رولىن جالعاستىرۋدان ٴۇمىت بار.

اۋدارعان: امانتاي مۇسايىپ ۇلى

中央广播电视总台 央广网 版权所有

4-ايدا ەكونوميكانىڭ قۇلدىراۋ قىسىمى كۇشەيدى، سوندادا ۇزاق ۋاقىت جاقسارۋ نەگىزگى جاعدايى وزگەرگەن جوق

مەملەكەتتىك كەڭەستىڭ اقپارات كەڭسەسى 5 – ايدىڭ 16 – كۇنى اقپارات جاريالاۋ ٴماجىلىسىن اشىپ، بيىل الدىڭعى 4 ايداعى ەكونوميكانىڭ اينالىم جاعدايىن جاريالادى