ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

ەلىمىزدىڭ جازعى استىق وندىرەتىن نەگىزگى رايوندارىندا 289 ميلليون مۋ جەردەگى ٴبيداي ورىلدى

来源:جۇڭگو قازاق راديو تورابى     |责编:古丽美热|     发布日期: 2022-06-20 09:35

 

ٴوز حابارىمىز. اۋىل شارۋاشىلىعى، اۋىل-قىستاق مينيسترلىگىنىڭ ٴبيداي ورۋ قارقىنى جونىندەگى ساندى مالىمەتىندە كورسەتىلۋىنشە، ەلىمىزدىڭ جازعى استىق وندىرەتىن نەگىزگى رايوندارىندا 289 ميلليون مۋ جەردەگىٴبيداي ورىلعان، شانشي ولكەسىنىڭ ٴبيداي ورۋ جۇمىسى اياقتاۋ كەزەڭىنە وتكەن، شاندۇڭ ولكەسىنىڭ ٴبيداي ورۋ قارقىنى % 90 تەن اسقان، سانشي ولكەسىنىڭ ٴبيداي ورۋ قارقىنى %90 كە، حىبەيدىڭ ٴبيداي ورۋ قارقىنى %70 كە تاياعان.

قازىر جازعى ەگىس جۇمىسىنىڭ قاربالاس كەزى، الايدا بىرنەشە كۇننەن بەرى ٴىشىنارا رايونداردا تەمپەراتۋرا ٴۇرتىس جوعارى بولىپ، قۋاڭشىلىق جايلاپ، جاۋىن-شاشىن از بولۋداي اۋا رايى ەگىس داقىلدارىنىڭ ەگىلۋى مەن وسۋىنە حاۋىپ ٴتوندىردى. جەر-جەر كوپ ٴتۇرلى شارانى قاتار قولدانىپ، شارۋالاردىڭ قۋاڭشىلىققا قارسى تۇرىپ، تۇقىم سىڭىرۋىنە كومەكتەستى.

حىنان ولكەسى ۋگاڭ قالاسى زاۋلين قالاشىعى چيانلي قىستاعىنىڭ اتىزىندا قىستاق تۇرعىندارى قۋاڭشىلىققا قارسى تۇرۋ ماشيناسىنان پايدالانىپ جەر سۋارىپ، تۇقىم سىڭىرۋمەن قاربالاس. زاۋلين قالاشىعى چيانلي قىستاعىنىڭ تۇرعىنى لي دىلين بىلاي دەدى: ەگىندى سۋارۋدا تۇگەلدەي ماشينالى قۇدىققا سۇيەنەمىز، ۇزاق ۋاقىت جاڭبىر جاۋماسا قۇدىق قازامىز، ورايدى مىقتى يگەرىپ، جۇگەرىنى ۋاعىندا ەگۋگە كۇش سالامىز.

ٴۇرتىس جوعارى تەمپەراتۋرا مەن قۇرعاق اۋا رايىنا توتەپ بەرۋ ٴۇشىن، حىنان ولكەسىنىڭ جەر-جەرى اۋىل شارۋاشىلىعى، سۋ يگىلىگى سياقتى تاراۋلاردى قۋاڭشىلىققا قارسى تۇرۋ قىزمەتىنە بار كۇشپەن قولداۋ كورسەتۋگە بەلسەنە ۇيىمداستىردى. حىنان ولكەلىك اۋىل شارۋاشىلىعى، اۋىل-قىستاق مەڭگەرمەسى استىق داقىلدارى باسقارماسىنىڭ ورىنباسار باستىعى چىڭ لين بىلاي دەدى: ٴبىز 10 گرۋپپا مەن 18 ماماندى سويا بۇرشاق پەن جۇگەرىنى بەلدەۋ فورمالى ەگۋگە قىزمەتىنە جەتەكشىلىك ەتۋگە ٴار قايسى قالا، اۋداندارعا جىبەردىك. قازىر جەر-جەر قۋاڭشىلىققا قارسى تۇرىپ، ەگىس قىزمەتىن شىنايى جاقسى ىستەۋدە.

انحۇي ولكەسى سۋجوۋ قالاسى داڭشان اۋدانى گۋانديمياۋ قالاشىعى شياۋۋاڭجۋاڭ قىستاعىنىڭ اتىزىندا جۇگەرى ەگۋ ماشيناسى ٴبىر جولدا ەگۋ مەن تىڭايتقىش بەرۋ جۇمىسىن قاتار ورىنداپ، قارقىنى تەز، ساپاسى جاقسى بولدى. قىستاق تۇرعىنى چىن سى: بىرنەشە قۇدىق قازىپ، ەگىندى ەگىپ الدىم،-دەدى.

.

اۋدارعان: سەرىك راقىم ۇلى

中央广播电视总台 央广网 版权所有

ەلىمىزدىڭ جازعى استىق وندىرەتىن نەگىزگى رايوندارىندا 289 ميلليون مۋ جەردەگى ٴبيداي ورىلدى

جياڭسۋ ولكەسى سۋچيان قالاسى سۋيۇي رايونى جيچيڭ الەۋمەتتىك اۋماعىنداعى قىستاق تۇرعىندارى جىلجىمالى سۋ ناسوسىنان پايدالانىپ كۇرىش اتىزىن سۋارىپ، مايسانىڭ ٴساتتى ٴوسۋىن قامتاماسىز ەتۋدە