ءوز حابارىمىز. حۇڭ جياگۋاڭ-جۇڭگو اۆياتسيا موتور توبى شەكتى سەرىكتىگى شىنياڭ ليميڭ اۆياتسيا موتور شەكتى جاۋاپكەرشىلىك سەرىكتىگىنىڭ جوعارى دارەجەلى تەحنيگى. ادەتتەگى شاكىرتتەن «ءىرى ەل شەبەرى» بولىپ جەتىلگەنگە دەيىن، حۇڭ جياگۋاڭ ءىس جۇزىندىك ارەكەتى ارقىلى نەگىزگى ساتى پارتيا مۇشەلەرىنىڭ اۋەلگى ماقساتتى ۇمىتپاي، ۇدەرە العا تارتقان بورىشى مەن جاۋاپكەرشىلىگىن ايگىلەدى. 

 

شىنياڭ ليميڭ اۆياتسيا موتور شەكتى جاۋاپكەرشىلىك سەرىكتىگىنىڭ ءوندىرىس سەحىندا، حۇڭ جياگۋاڭ اۆياتسيالىق موتور بولشەكتەرىنە پايدالانىلاتىن تەحنيكالىق سايماندار مەن جابدىقتاردى زەرتتەپ جاساۋدا. اسا جوعارى دالدىك پەن نازىكتىك قاتاڭ ولشەمىنە جەتۋ ءۇشىن، حۇڭ جياگۋاڭ جاساعان ءتۇرلى كەسكىش اسپاپتار مىڭنان اسادى، مەيلى قانداي ۇساق بولشەكتەردى جاساسادا، ول لايىقتى كەسكىش اسپاپ  تاۋىپ الادى. ول بىلاي دەدى: كاسىپورىنعا جۇمىسقا تۇرعانىما 24 جىل بولدى، قيىنشىلىق الدىندا، ءسوز جوق، جاپادا الدا بولۋ، اتويلاپ الدا ءجۇرۋ، ەشقانداي شارت قويماۋ، جۇمىستى تاباندى جالعاستىرۋ كەرەك.    

 

2002-جىلدان باستاپ، حۇڭ جياگۋاڭ جانە ونىڭ توبى ايروپلان موتورىنىڭ قالاقشاسىن مايدالاۋعا ىستەتىلەتىن جابدىقتى زەرتتەپ جاساۋ سىندى جوعارى قيىندىقتاعى مىندەتتى ءساتتى ورىندادى. وسىدان كەيىن ولار تاعى تەحنيكالىق سايماندار مەن جابدىقتاردى زەرتتەپ جاساۋداعى 500 دەن اسا ماسەلەنى شەشىپ، ەلىمىزدىڭ اۆياتسيا موتورىن دەربەس زەرتتەپ اشۋىنا پارمەندى تىرەك ازىرلەدى. 

 

حۇڭ جياگۋاڭ تەحنيكالىق شەبەرلەر قىزمەت كەڭسەسىن تۇعىر ەتكەن ول ىلگەرىندى-كەيىندى كاسىپ ءىشى-سىرتىنان 2000 نان استام ادام رەت  كاسىپتىك شەبەرلىككە باۋلىدى. قازىر وندا نەشە ونداعان مەملەكەتتىك ەڭبەك وزاتتارى، تەحنيكا تىرەكتىلەرى تىكەلەي ساباق وقىتىپ، جەتەكشىلىك ەتەدى، كاسىپتىك جاس زاپاس دارىندىلاردى تاربيەلەۋ مەحانيزمى مەن دامىتۋ جۇيەسى قالىپتاستى. 

 

حۇڭ جياگۋاڭ بىلاي دەدى: ءبىز جۋشين پارتيا مۇشەلەرى جاڭا ۇزاق جورىقتاعى ەكپىندىلەر اترەتىن قۇرىپ، ءار جىلى 3 تە 4 پارتيا مۇشەسىنىڭ قۇرىلىس نىسانىن ورىنداۋىنا جەتەكشىلىك ەتىپ، ءاربىر نىساندا تەحنيكالىق ونەرلى جۇمىسشى-قىزمەتكەرلەردى گرۋپپا مۇشەسى جانە گرۋپپا باستىعى ەتىپ تاعايىنداپ، پارتيا مۇشەلەرىنىڭ اۆانگارد كۇشىن ۇيىستىردىق. ءبىز تاربيەلەگەن كەيبىر جاس جۇمىسشى-قىزمەتكەرلەر مەملەكەت دارەجەلى شەبەرلىك جارىسىندا  ىلگەرىندى-كەيىندى جاقسى ناتيجەگە قول جەتكىزدى. 

 

قازىر جۇڭگو اۆياتسيا موتور توبى شەكتى سەرىكتىگىنىڭ شىنياڭ ليميڭ اۆياتسيا موتور شەكتى جاۋاپكەرشىلىك سەرىكتىگىندە ەڭبەك وزاتتارىنان ۇيىمداسقان 22 قىزمەت كەڭسەسى، مەملەكەت دارەجەلى تەحنيكالىق شەبەرلەردىڭ 2 قىزمەت كەڭسەسى، ولكە دارەجەلى تەحنيكالىق شەبەرلەردىڭ 3 قىزمەت پۋنكتى بار. ولار شەبەرلىك رۋحىمەن ايروپلان موتورىنىڭ حاۋىپسىزىگىن قورعاپ، ۇيرەتۋ، كومەكتەسۋ جانە جەتەكتەۋ ارقىلى شەبەرلەر رۋحىن ۇرپاقتان ۇرپاققا جالعادى.

 

اۋدارعان: گۇلنۇر قابىلقاق قىزى