ءوز حابارىمىز. كەزەكتە بۇكىل ەل بويىنشا جوعارىدان تومەنگە دەيىن ەگىس ۋاقىتىن  مىقتى يگەرىپ، ءوندىرىستى جەبەپ، جازعى جيىن-تەرىن، جازعى استىقتى باپتاۋ تارتىپپەن ىلگەرىلەتىلىپ، اتىز باسىندا قاربالاس جاعداي جارىققا شىعىپ، مول ءونىم نەگىزى ۇزدىكسىز بەكەمدەلدى. 

 

بۇكىل ەلدەگى استىق وندىرەتىن ءىرى اۋدان سانالاتىن  جياڭشي ولكەسى جي-ان قالاسى جيشۇي اۋدانى ۋجياڭ قالاشىعىنداعى التىن ءتۇستى كۇرىش اتىزىندا كۇرىش مايسساسى جەلمەن بىرگە تەربەلىپ، 10 مىڭ مۋدان استام جەرگە ەگىلگەن ەرتە پىساتىن كۇرىش كومباينمەن تارتىپپەن ورىلىپ، استىق تيەۋ ماشيناسى ارقىلى كەپتىرۋ زاۆودىنا جەتكىزىلدى. استىق ەگەتىن ءىرى وتباسى جاڭ يوۋشياڭ تىلشىگە بىلاي دەدى: كۇرىش ەگۋدىڭ بارلىق جۇمىستارى ماشينالاستى، اۋىل شارۋاشىلىق ماشينالارىن ساتىپ الۋعا بەرىلەتىن قوسىمشا قاراجات جانە ەگىمشىلىك كۋرسى دا كوبەيدى. ورتا ەسەپپەن ءار مۋ جەردەن 100 دە 200 يۋان ۇنەمدەلەدى. 

 

بيىل جيشۇي اۋدانىندا ەرتە پىساتىن كۇرىش ەگىلگەن جەر كولەمى 550 مىڭ مۋعا جەتتى. قازىرگە دەيىن 100 مىڭ مۋ جەردەگى ەرتە پىساتىن كۇرىش ورىلىپ بولدى، مەجەمەن الداعى 15 كۇندە جالپى بەتتىك ورىلىپ بولادى. 

 

انحۇي ولكەسى انچيڭ قالاسى حۋاينيڭ اۋدانى جينگۇڭ قالاشىعىندا اۋىل شارۋاشىلىق تەحنيكتەرى كۇرىش ەگۋ جاعدايىن تەكسەرىپ، ديقانداردىڭ اتىزدى عىلىمي باسقارۋىنا جەتەكشىلىك ەتۋدە. بيىل حۋاينيڭ اۋدانىندا كۇرىش ەگىلگەن جەر اۋدانى 650 مىڭ مۋدان اسىپ، ” تاپسىرىس بويىنشا استىق ەگۋ مەن ءوندىرۋدى “كۇش سالا جالپىلاستىرىپ، استىق ەگۋ ونىمدىلىگىن جوعارىلاتتى. انچيڭ قالاسى حۋاينيڭ اۋدانى ەگىمشىلىك تەحنيكاسىن جالپىلاستىرۋ ورتالىعىنىڭ ورىنباسار مەڭگەرۋشىسى فىڭ يەحۇڭ بىلاي دەدى: ساپالى تۇقىم تاڭداۋ، عىلمي تىڭايتقىش بەرۋ، دەرت-دەربەزدەن ساقتانۋ-تىزگىندەۋ سياقتى تاسىلدەردەن پايدالانىپ جاڭا سورتتار مەن  جاڭا تەحنيكالاردى جالپىلاستىرىپ، استىق ەگەتىن شارۋالاردىڭ كىرىسىن مۇمكىندىكتىڭ بارىنشا ارتتىرۋ كەرەك. 

 

بيىل حۋنان ولكەسىندە 18 ميلليون 160 مىڭ مۋ جەرگە ەرتە پىساتىن كۇرىش ەگىلىپ، جوسپارداعىدان 160 مىڭ مۋ  ارتىق بولدى . ەرتە پىساتىن كۇرىشتى ورۋ قارساڭىندا، حۋنان ولكەسىنىڭ جەر-جەرى اۋىل شارۋاشىلىق ماشينالارىنا قىزمەت وتەۋ بولىمشە اترەتىن ۇيىمداستىرىپ، اۋىل شارۋاشىلىق ماشينالارىن كۇتىمدەۋ، رەتتەۋ، جوندەۋ سىندى  قىزمەت وتەۋمەن قامداپ، ماشينامەن ورۋدان تۋىلاتىن شىعىندى ەڭ تومەنگى شەككە ءتۇسىرىپ، حاۋىپسىز ءوندىرىس تانىمىن كۇشەيتتى. حۋنان ولكەسى يۇڭجوۋ قالالىق اۋىل شارۋاشىلىعى، اۋىل-قىستاق مەكەمەسى اۋىل شارۋاشىلىعىن ماشينالاندىرۋدى باسقارۋ ءبولىمىنىڭ باستىعى جياڭ گۋاڭچۋ بىلاي دەدى: اۋىل شارۋاشىلىق ماشينالارىنىڭ جۇمىس قاجەتىن دەر كەزىندە ۇعىسىپ، تۇرلىشە ءوڭىر، تۇرلىشە ەگىس ۋاقىتى، تۇرلىشە بۋىندارعا ساي، اۋىل شارۋاشىلىق ماشينالارىن دەر كەزىندە ورنالاستىرىپ،   جازعى استىقتى جيناپ الۋ  ءوندىرىسىن بار كۇشپەن قامتاماسىز ەتۋ كەرەك. 

 

بيىل حىنان ولكەسىنىڭ دىڭ جوۋ قالاسى ءبىر ميلليون 100 مىڭ مۋدان استام جەرگە كۇزگى استىق داقىلىن ەكتى، مۇنىڭ ىشىندە جۇگەرى ەگىلگەن جەر كولەمى 900 مىڭ مۋعا تايادى، قازىر مايسانىڭ ءوسۋ جاعدايى وتە  جاقسى. دىڭ جوۋ قالاسى شياۋياڭيىڭ قالاشىعىندا استىق ەگەتىن ءىرى وتباسى ليۋ في جۇگەرى اتىزىندا ارام شوپتەر مەن دەر-دەربەزدەردىڭ جاعدايىن بارلاۋدا. اۋىل شارۋاشىلىق جۇيەسى دەر كەزىندە زەردەلى باقىلاۋ جۇرگىزىپ، عىلمي تىرەكپەن قامدادى. ول بىلاي دەدى: دەرت-دەربەزدەردى باقىلاۋ جۇيەسى مەن شاعىن اۋا رايى پۋنكتى قوسىلىمدى ازايتىپ، جۇمىس ونىمدىلىگىن جوعارىلاتتى.

 

اۋدارعان: سەرىك راقىم ۇلى