ءوز حابارىمىز. بيىل الدىڭعى جارىم  جىلدا A جارنا بازارىنىڭ تۇڭعىش رەت اشىق جارنا جيناۋ جانە قارجى قۇراۋ كولەمى 310 ميلليارد يۋاننان اسىپ، بىلتىرعى سول مەزگىلدەگىدەن  %46 ارتتى. شاڭحاي شىنجىن اكسيا ايىرباس ورنى الدىڭعى جارىم جىلدا دۇنيە ءجۇزى بويىنشا تۇڭعىش رەت اشىق جارنا جيناۋ جانە قارجى توپتاۋ سوماسىنىڭ 1-2-ورنىن يەلەدى. 

 

IPO تۇڭعىش رەت اشىق جارنا جيناۋ دەپ تە اتالادى. كوپتەگەن حالىقارالىق بۇعالتىرلىق ىستەر باسقارماسى جاريالاعان مالىمەتتە كورسەتىلۋىنشە، بيىل الدىڭعى جارىم جىلدا A جارنا بازارىنىڭ  تۇڭعىش رەت جارنا جيناۋ جانە قارجى قۇراۋ كولەمى 310 ميلليارد يۋاننان اسىپ، قارجى قۇراۋ كولەمى بىلتىرعى ۇقساس مەزگىلدەگىدەن % 46 ارتىپ، تاريحتاعى ۇقساس مەزگىلدەگى ەڭ جوعارى دەڭگەيگە جەتكەن. 

 

فۋدان داشۋەسى فينانس زەرتتەۋ ورنىنىڭ اعا زەرتتەۋشىسى دۇڭ شيمياۋ بىلاي دەدى: بيىل جىل باسىنان بەرى، A جارنا بازارى جيناعان قارجى ناقتى ەكونوميكانىڭ دامۋىن پارمەندى قولدادى. بيىل الدىڭعى جارتى جىلدا A جارنا بازارىنىڭ قارجى قۇراۋ كولەمىنىڭ ارتۋى ءبىرشاما تەز بولىپ، كاسىپورىنداردىڭ قارجى قۇراۋىنا ءونىمدى قولداۋ كورسەتتى. بۇل كاسىپورىنداردىڭ تىكەلەي قارجى قۇراۋ سالىستىرماسىن جوعارىلاتۋعا ءتيىمدى بولىپ قالماستان، كاسىپورىنداردىڭ قارجى قۇراۋ وزىندىك قۇنىن دا تومەندەتتى.

 

ساناققا قاراعاندا، 6-ايدا 92 كاسىپورىن بەيجيڭ اكسيا ايىرباس ورىنى ارقىلى بازارعا شىعۋدى ءوتىنىش ەتكەن، بۇل بەيجيڭ اكسيا ايىرباس ورنى قۇرىلعاننان بەرى قابىلداعان ءوتىنىش  سانى ەڭ كوپ ءبىر اي بولدى. شاڭحايدا  ىندەت تۋىلعاننان كەيىن، شاڭحاي اكسيا ايىرباس ورنى دەر كەزىندە ءۇن قوسىپ، «30 تارماقتى» ءتيىمدى شارانى جولعا قويدى. شاڭحاي اكسيا ايىرباس ورنى قىزمەتكەرلەرىنىڭ تانىستىرۋىنشا، 3-ايدان 6-ايعا  دەيىن شاڭحاي اكسيا ايىرباس ورنى جالپى 49 كاسىپورىننىڭ تۇڭعىش رەت اشىق جارنا جينالۋىنا ءساتتى تاراتىلۋىنا كەپىلدىك ەتتى. كاسىپتىك جۇيەنى ۇدايىلاندىرۋ ارقىلى قىزمەتتەردى ويداعىداي ىستەپ، ءتۇرلى كاسىپتەردىڭ حاۋىپسىز اينالىمى قامتاماسىزداندىرىلدى.

 

اۋدارعان: سەرىك راقىم ۇلى