ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

جاڭا جورىقتا ەكپىندەي العا تارتىپ، جاڭا داۋىرگە ۇلەس قوسۋ ۇردىستەرى: ۇلى وزگەرىس — عارىش ىستەرىندە ەگەي ەل قۇرۋ جولىندا نىق قادام تاستالدى

来源:جۇڭگو قازاق راديو تورابى     |责编:达吾力别克 |     发布日期: 2022-07-06 10:14
ءوز حابارىمىز. باس شۋجي شي جينپيڭ: عارىش ارمانى — مەملەكەتتى قۇدىرەتتەندىرۋ ارمانىنىڭ ماڭىزدى قۇرامداس بولەگى، جۇڭگونىڭ عارىش ىستەرىنىڭ جەدەل دامۋىنا بايلانىستى، جۇڭگولىقتار عارىش ىزدەنىسىندە ءتىپتى دە زور قادام تاستاپ، ءتىپتى دە ۇزاق بولاشاققا سامعايدى،-دەپ انىق ايتتى. پارتيا 18-قۇرىلتايىنان بەرى، باس شۋجي شي جينپيڭنىڭ تىكەلەي جوسپارلاۋىندا جانە ورنالاستىرۋىندا، ەلىمىزدىڭ عارىش ىستەرى قارىشتاپ دامىدى، عارىش ىستەرىندە ەگەي ەل قۇرۋدا نىق قادام تاستالدى.
 
ءبىر ايدىڭ الدىندا، ەلىمىزدىڭ 3-توپتاعى عارىشكەر قۇراماسىنىڭ مۇشەلەرى چىن دۇڭ، ليۋ ياڭ، ساي شۇيجى شىنجوۋ 14-ءنومىرلى الەم كەمەسىمەن كەڭىستىك پۋنكتىنە جانە ونىڭ وزەكتى بولمەسىنە جەتتى. جوسپار بويىنشا شىنجوۋ 14-ءنومىرلى الەم كەمەسى وربيتادا 6 اي ۋاقىت ىشىندە 9 ءتۇرلى قۇراما دەنەنى بىرىكتىرۋ ارقىلى، ەڭ سوڭىندا كەڭىستىك بەكەتىنىڭ 3-بولمەسىنىڭ قۇراما تۇلعاسىن قۇرىپ شىعادى. 
 
جۇڭگولىقتاردىڭ ءوز كەڭىستىك پۋنكتىن قۇرۋ — عارىش ىستەرىندە ەگەي ەل، عىلىم-تەحنيكادا ەگەي ەل قۇرۋدىڭ ماڭىزدى بەلگىسى. پارتيا 18–قۇرىلتايىنان بەرى، شي جينپيڭ جولداس ۇيىتقى بولعان پارتيا ورتالىق كوميتەتى عارىش ىستەرىن دامىتۋعا ايرىقشا ءمان بەرىپ، عارىش ىستەرىندەگى ءبىرقىدىرۋ كەلەلى ينجەنەريا مىندەتتەردىڭ اتقارىلۋىن ىلگەرىلەتۋدى ورنالاستىردى. باس شۋجي ىلگەرىندى-كەيىندى 3 رەت شىنجوۋ 10-، 11-، 12-ءنومىرلى الەم كەمەسىندەگى عارىشكەرلەرمەن تەلەفوندا سويلەسىپ، ولاردى تىعىز سايكەسىپ، مىندەتتى تابىسپەن ورىنداۋعا شابىتتاندىردى. 
 
باس شۋجي شي جينپيڭنىڭ قامقورلىعى مەن جەبەۋىندە، ەلىمىزدىڭ عارىشقا ادام الىپ ۇشۋ ىستەرى جەدەل دامىدى: 10 جىلدا، الەم كەمە بولمەسى ىشىندە تاجىريبە جاساۋدان پۋنكىتتەن سىرتقا شىعۋ قيمىلىنا وتۋگە دەيىن؛ جەكە  الەم كەمەسىن ۇشىرۋدان قۇراما  تۇلعا الەم كەمەسىن ورنىقتى اينالىمعا تۇسىرۋگە دەيىن؛ 33 كۇن عارىش ورتاسىندا تۇرۋ مەزگىلىنەن 6 اي ۇزاق ۋاقىت عارىشتا تۇرۋعا دەيىنگى بارىستا جۇڭگولىقتاردىڭ عارىشتا «عارىش سارايىن» قۇرۋ ارمانى بىرتىندەپ رەالدىققا اينالۋدا. 
پارتيا 18-قۇرىلتايىنان بەرى، ەلىمىزدىڭ جۇلدىز ارالىق بارلاۋ سالاسىنداعى عىلىمي زەرتتەۋلەرى سەكىرمەلى دامىدى: چاڭ-ى 3-ءنومىرلى الەم كەمەسى اي شارىنا ءساتتى قوندى، چاڭ-ى 4-ءنومىرلى الەم كەمەسى ادامزاتتىڭ اي شارىنىڭ ارعى بەتىنە  بارلاۋ جۇرگىزۋىن تۇڭعىش رەت ىسكە اسىردى، چاڭ-ى 5-ءنومىرلى الەم كەمەسى اي شارىنان ماتەريا الىپ كەلدى. قازىر جەر شارىنان 240 ميلليون كيلومەتر قاشىقتىقتاعى مارستا «جۋ رۇڭ» اتتى  الەم كەمەسى مارس جۇلدىزىنىڭ بەتىندە 1921.5 مەتر  جول ءجۇردى. 
 
تىڭعىلىقتى قۇلشىنعاندا عانا جۇلدىزدار الەمىنىڭ سىرىن اشۋعا بولادى. قازىر ۇزاق جورىق جەلىلەس راكەتاسى 400 رەت ۇشىرىلىپ، ۇشىرۋدىڭ ءساتتى بولۋ مولشەرى، وربيتاعا كىرۋ دالدىگى دۇنيە ءجۇزى بويىنشا ۇزدىك ورەگە جەتتى. ەلىمىزدىڭ وربيتادا جۇمىس جۇرگىزەتىن ءتۇرلى جاساندى سەرىگى 500 دەن اسادى، جاساندى سەرىك ارقىلى حابارلاسۋ، جەتى قاراقشى ارقىلى جول نۇسقاۋ، جاساندى سەرىك ارقىلى الىستان مەڭگەرۋ  قاتارلىلاردىڭ جالپىلاسۋىنا ىلەسە، جۇڭگو عارىش ىستەرىنىڭ دامۋىنا بايلانىستى ءبىزدىڭ تۇرمىسىمىز ءتىپتى دە كوركەم بولا تۇسەدى. 
 
بولاشاق عىلىمىنىڭ بيىك شىڭىن كوزدەي ماڭگى تالماي تالپىنۋ بارىسىندا جۇڭگونىڭ عارىش ىستەرىندە جاڭا بيىك بەلەستەرگە شىعۋ كوزدەلگەن ۇلى جۇڭگو ىستەرى جوبالاۋدا. ۇساق قىدىرما جۇلدىزداردى بارلاۋ، مارستان ۇلگى الىپ قايتا ورالۋ، ەسەكقىرعان جۇيەسىن بارلاۋ سياقتى كەلەلى مىندەتتەر باستالدى، جۇڭگونىڭ عارىش ىستەرىندە جۇڭحۋا ۇلتىنىڭ عارىشقا ۇشۋ ارمانىنىڭ شىت جاڭا داستانى ۇزدىكسىز جازىلۋدا. 
 
اۋدارعان: قاناتبەك جۇماباي ۇلى
 
 
 
 
 

中央广播电视总台 央广网 版权所有

جاڭا جورىقتا ەكپىندەي العا تارتىپ، جاڭا داۋىرگە ۇلەس قوسۋ ۇردىستەرى: ۇلى وزگەرىس — عارىش ىستەرىندە ەگەي ەل قۇرۋ جولىندا نىق قادام تاستالدى

باس شۋجي شي جينپيڭ: عارىش ارمانى — مەملەكەتتى قۇدىرەتتەندىرۋ ارمانىنىڭ ماڭىزدى قۇرامداس بولەگى، جۇڭگونىڭ عارىش ىستەرىنىڭ جەدەل دامۋىنا بايلانىستى، جۇڭگولىقتار عارىش ىزدەنىسىندە ءتىپتى دە زور قادام تاستاپ، ءتىپتى دە ۇزاق بولاشاققا سامعايدى،-دەپ انىق ايتتى.