ورتالىق راديو تەلەۆيزيا باس ستانسياسى مەن اۋمىن ەرەكشە اكىمشىلىك رايون ۇكىمەتى جاڭا كەزەكتى سەلبەستىگىن باستادى
ٴوز حابارىمىز. ورتالىق راديو-تەلەۆيزيا باس ستانسياسى مەن اۋمىن ەرەكشە اكىمشىلىك رايوندىق ۇكىمەت 8-ايدىڭ 15-كۇنى بەيجيڭدە جانە اۋمىندا سالت وتكىزىپ، جاڭا كەزەكتى سەلبەستىگىن باستادى.
باستالۋ سالتىندا « جۇڭگونىڭ اۋمىن رايونىن اۋەدەن سۋرەتكە الۋ»، «اۋمىن تاعامدارى» قۇجاتتى فيلىمدەرىنىڭ 2-ٴبولىمى سياقتى 4 تاڭداۋلى باعدارلاما جانە «2022- جىلدان 2023-جىلعا دەيىنگى ورتالىق راديو تەلەۆيزيا باس ستانسياسى مەن اۋمىن ەرەكشە اكىمشىلىك رايونىنىڭ جارىس ىستەرى جونىندەگى سەلبەستىك تىزىمدىگى» جاريالاندى.
اۋمىن ەرەكشە اكىمشىلىك رايونىنىڭ اكىمى حى ي-چىڭ، ورتالىق ۇگىت ٴبولىمىنىڭ ورىنباسار باستىعى، ورتالىق راديو ـ تەلەۆيزيا باس ستانسياسىنىڭ باستىعى، باس رەداكتور شىن حايشيۇڭ، ورتالىق حالىق ۇكىمەتىنىڭ اۋمىن ەرەكشە اكىمشىلىك رايونىندا تۇراتىن بايلانىس كەڭسەسىنىڭ مەڭگەرۋشىسى جىڭ شينسۇڭ قيمىلعا قاتىناستى ٴارى ٴسوز سويلەدى.
اۋدارعان: شالقار قازەز ۇلى