قازىر جايىن بالىق بازارعا شىعارىلاتىن مەزگىل. سىچۋان ولكەسى نىيجياڭ قالاسى زىجۇڭ اۋدانى شۋاڭلۇڭ قالاشىعىنداعى بالىق باعاتىن ٴىرى وتباسى شيەجىگو ون نەشە قىستاق تۇرعىنىنىڭ اۋ تارتىپ بالىق اۋلاۋىنا جەتەكشىلىك ەتۋدە. بۇرىن كەسىرلى باسەكە، ٴبىر تەكتىلەنۋى كورنەكتى بولعاندىقتان، مۇنداعى جايىن بالىقتىڭ ساپاسى ٴبىر مەزەت تومەندەدى. سوڭعى جىلداردان بەرى، جەرگىلىكتى ۇكىمەت عىلمي زەرتتەۋ ورىندارى مەن مەكتەپتەرمەن سەلبەستىك جاساپ، ساپالى تۇقىم جەتىلدىرۋ ارقىلى جاساندى جولمەن ۇرىقتاندىرۋ تەحنيكاسىن قولدانىپ، شاباقتىڭ قاتارعا قوسىلۋ مولشەرىن جوعارىلاتىپ، جايىن بالىقتى كولەمدەندىرىپ باعۋداعى جانە جەتىلدىرۋ قيىن ماسەلەلەردىٴساتتى شەشتى. سونىمەن بىرگە كولەمدەنگەن، جوعارى تىعىزدىقتاعى ەكولوگيالىق اينالمالى باعىمشىلىقتى قالىپتاستىردى.

    جايىن بالىقتان سىرت، اپەلسين كاسىبى دە زىجۇڭ اۋدانىنداعى دامىعان كاسىپتەردىڭ بىرىنە اينالدى. سوڭعى جىلداردان بەرى،زىجۇڭ اۋدانى جاي پىساتىن اپەلسيىندى ەگۋ تەحنيكاسىن بارىنشا جالپىلاستىرىلىپ، اپەلسيننىڭ ٴدامى مەن قورەكتىگى جوعارىلادى. اپەلسيىندى كولەمدەندىرىپ ەگۋ، ولشەمدەندىرىپ ەگۋ زور كۇشپەن ىلگەرىلەتىلىپ، كوپتەگەن ديقاندار اپەلسيىنىن ەگۋگە كىرىستى.

    اۋىل شارۋاشىلىق ونىمدەرىن جىنتىكتەي مانەرلەۋدى ىلگەرىلەتىپ، اۋىل شارۋاشىلىق كاسىپ تىزبەگىن ۇزارتۋ كەرەك. زىجۇڭ اۋدانى جەرگىلىكتى جاعدايعا قاراي ەرەكشە باعىمشىلىق كاسىبىن، ەرەكشە ەگىمشىلىك كاسىبىن دامىتىپ، جەرگىلىكتى بۇقارانىڭ كىرىسىن ارتتىرىپ، اۋقاتتانۋىنا جەتەكشىلىك ەتتى. بولاشاقتا زىجۇڭ اۋدانى ەلەكتروندىق ينفورماتسيا سياقتى جاڭادان گۇلدەنگەن كاسىپتەردى ورنالاستىرىپ، چىڭدۋ ـ چۇڭچيڭ وڭىرىندەگى قوس قالا ەكونوميكالىق شەڭبەرى قۇرىلىسىمەن توعىستىرۋدى جەدەلدەتەدى.

نىيجياڭ قالالىق پارتكومنىڭ ورىنباسار شۋجيى، زىجۇڭ اۋداندىق پارتكومنىڭ شۋجيى لۋ سۇڭميڭ بىلاي دەدى : ەرەكشە اۋىل شارۋاشىلىق كاسىبىن دامىتىپ، تىزبەكتى شوعىردى كەڭەيتىپ، ازىق-تۇلىك، سۋسىندىق كاسىبىن وركەندەتىپ، اۋىل شارۋاشىلىعىنىڭ «التىن ماڭدايشالىعىن» جارقىراتۋمەن بىرگە، چىڭدۋ، چۇڭچيڭ ٴبىر ساعاتتىق ەكونوميكالىق شەڭبەرىندەگى قاتىناس وڭىرلىك باسىمدىعىن تياناق ەتىپ، ونەركاسىپتە بۇرىلىس جاساۋدى، كاسىپ دارەجەسىن جوعارىلاتۋدى، ساپالاندىرۋدى جۇزەگە اسىرىپ، چىڭدۋ-چۇڭچيڭ وڭىرىندەگى قوس قالا ەكونوميكالىق شەڭبەرىمەن جوعارى ساپامەن توعىستىرۋ كەرەك.

اۋدارعان: سەرىك راقىم ۇلى