جۇڭگوعا جول باستاۋ: ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، اناعۇرلىم كوركەم دۇنيە ٴجۇزىن قول ۇستاسا قۇرايىق
来源:جۇڭگو قازاق راديو تورابى |责编:古丽美热| 发布日期: 2022-09-24 17:01
ءبىر اپتانىڭ الدىنداعى ورتا ازياعا ساپار-جاڭا تيپتى ايدارشا ۆيرۋسپەن جۇعىمدالعان وكپە قابىنۋ اۋرۋى تارالعاننان بەرى ءتوراعا شي جينپيڭنىڭ شەتەلگە تۇڭعىش رەت ساپارلاي بارۋى. 48 ساعات ىشىندە ٴتوراعا شي جينپيڭ 30 عا جۋىق قيمىلعا قاتىناستى، «تاعدىرلاس ورتاق تۇلعا» دەگەن ٴسوز كوپ ورىنداردا كوپ رەت اۋىزعا الىندى.
2013-جىلى 3-ايدا ٴتوراعا شي جينپيڭ موسكۆا حالىقارالىق قاتىناس شۇەيۋانىندا لەكسيا سويلەگەندە، ادامزاتتىڭ تاعدىرلاس ورتاق تۇلعاسى تانىمىن تۇڭعىش رەت العا قويدى. وسىدان كەيىن ٴتوراعا شي جينپيڭ كوپتەگەن ورىنداردا بۇل جونىندە ماڭىزدى تۇسىنىك جاسادى. ادامزاتتىڭ تاعدىرلاس ورتاق تۇلعاسى تانىمى ب م ۇ-نىڭ قاۋلىسى، حاۋىپسىزدىك القالار كەڭەسىنىڭ قاۋلىسى سياقتىلاردا ىلگەرىندى-كەيىندى جازىلىپ، قۇدىرەتتى ىقپال كۇش ايگىلەدى. ب م ۇ-نىڭ بۇرىنعى باس حاتشىسى پان جي-ۋىن بىلاي دەدى: ٴتوراعا شي جينپيڭ العا قويعان ادامزاتتىڭ تاعدىرلاس ورتاق تۇلعاسىن قۇرۋ تانىمى توتەنشە ماڭىزدى. وسى نىسانانى جۇزەگە اسىرۋ ٴۇشىن، ٴبىز قول ۇستاسا سەلبەسۋىمىز كەرەك.
تاياۋ جىلداردان بەرى، ادامزاتتىڭ تاعدىرلاس ورتاق تۇلعاسىن قۇرۋ امالياتىندا ۇزدىكسىز تىڭ ىلگەرىلەۋشىلىكتەرگە قول جەتتى. «ٴبىر بەلدەۋ، ٴبىر جولدى» ورتاق قۇرۋ ٴار ەلدىڭ نەگىزدىك قۇرىلعىلارىنىڭ ٴوزارا بايلانىس جاساۋ دەڭگەيىن جوعارىلاتۋمەن بىرگە، دۇنيە ٴجۇزىنىڭ ساۋدا، قارجى قوسۋ سەلبەستىگىنە ٴتىپتى كوپ وراي جاراتتى.
جۇڭگونىڭ «ٴبىر بەلدەۋ، ٴبىر جول» دارىپتەمەسى مەن جۇڭگو-لاوس تاعدىرلاس ورتاق تۇلعاسى قۇرىلىسىن تياناقتاندىرۋداعى بەلگى سيپاتتى ينجەنەريا رەتىندە، جۇڭگو-لاوس تەمىر جولى ىسكە قوسىلعان 9 ايدان استام ۋاقىتتان بەرى، حالىقارالىق زات تاسىمالىنىڭ جالپى قۇنى 10 ميلليارد يۋاننان اسىپ، التىن ۇلكەن ارنا رولى بارعان سايىن كورنەكتىلەندى.
جاڭا تيپتى ايدارشا ۆيرۋسپەن جۇعىمدالعان وكپە قابىنۋ اۋرۋى تارالعاننان بەرى، جۇڭگو جاڭا جۇڭگو قۇرىلعاننان بەرگى دۇنيە جۇزىندە كولەمى ەڭ زور بولعان ادامگەرشىلىك ارەكەت باستادى. ايروپلاندار، كەزەكشى پويەزدار ىندەتكە قارسى تۇرۋ سەلبەستىگى «ٴومىر جولىن» اشتى. 2022-جىلى 6-ايدىڭ سوڭىنا دەيىن، جۇڭگو قاتىستى ەلدەر مەن حالىقارالىق ۇيىمدارعا ىندەتكە قارسى تۇرۋعا ىستەتىلەتىن نەشە ٴجۇز ميلليارد يۋاندىق قۇنعا يە زاتتار، 2 ميلليارد 200 ميلليون يۋاننان استام قۇنعا يە ۆاكسينا بەرىپ، ٴوزارا قارايلاساتىن، بەينەت پەن زەينەتتى بىرگە وتكەرەتىن ادامزاتتىڭ تاعدىرلاس ورتاق تۇلعاسى تانىمىن جاندى ٴتۇسىندىردى. گرەتسيانىڭ ساياحات مينيسترى گيگيلياس بىلاي دەدى: جاڭا تيپتى ايدارشا ۆيرۋسپەن جۇعىمدالعان وكپە قابىنۋ اۋرۋى كەڭ تارالعان كەزدە، جۇڭگو بىزگە ەڭ شىنايى كومەك كورسەتتى جانە سەلبەستىك جاسادى. جۇقپالى اۋرۋدى جەڭۋ ٴبىز ٴۇشىن وڭاي ەمەس ەدى.
دۇنيە جۇزىندە 100 جىلدا بولماعان وراسان زور وزگەرىس تۋىلعان جاعداي مەن عاسىرىمىزدا تارالعان الاپات جۇقپالى اۋرۋدىڭ قوس قاباتتاسىپ، ەكونوميكانىڭ الەميلەنۋى كەرى اعىنعا تاپ بولعان كۇردەلى دە اۋىر جاعدايدا، جۇڭگو الەمدىك كاسىپ تىزبەگىنىڭ قامداۋ تىزبەگىنىڭ ورنىقتى، ىركىلىسسىز بولۋىن باتىل قورعاپ، دۇنيە ٴجۇزى ەكونوميكاسىنىڭ قالپىنا كەلۋىنە جانە ارتۋىنا جۇڭگو كۇشىن ارنادى.
بۇگىنگى تاڭدا، جۇڭگو بارعان سايىن كوبەيگەن دوس سەرىكتەرمەن ەكى جاقتى تاعدىرلاس ورتاق تۇلعا قۇرۋدا. وڭىرلىك كولەمدە ازيا-تىنىق مۇحيت ٴوڭىرى، جۇڭگو-شىعىس وڭتۇستىك ازيا ەلدەرى وداعى، جۇڭگو-افريكا، جۇڭگو-اراب ەلدەرى، جۇڭگو-لاتىن امەريكا ەلدەرى سياقتى تاعدىرلاس ورتاق تۇلعالاردا ورتاق تانىم ورنادى. جۇڭگو دۇنيە ٴجۇزى سالاسىندا ينتەرنەت اياسى، يادرو حاۋىپسىزدىگى، تەڭىز-مۇحيت، ادامزاتتىڭ دەنساۋلىق ساقتاۋ، سالاماتتىق ىستەرى سياقتى تاعدىرلاس ورتاق تۇلعانى قۇرۋدى دارىپتەپ، بارعان سايىن كەڭ كولەمدى تۇسىنىككە جانە قولداۋعا يە بولدى.
اۋدارعان: قاناتبەك جۇماباي ۇلى