ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

ٴوزىنىڭ جاستىق كوكتەمىن ەسىرتكىشىلەرمەن ايانباي ارپالىسۋعا ارناعان ايەل ساقشى ۋاڭ شۋاي

来源:جۇڭگو قازاق راديو تورابى     |责编:古丽美热|     发布日期: 2022-09-24 17:17
 
ٴوز حابارىمىز. انحۇي ولكەسى ليۋ ـ ان قالاسى حوچيۋ اۋداندىق قوعام حاۋىپسىزدىگى مەكەمەسى چاڭجي ساقشى بولىمشەسىنىڭ ورىنباسار باستىعى ۋاڭ شۋاي كوپ جىلدان بەرى ەسىرتكىگە تيىم سالۋدىڭ ٴبىرىنشى شەبىندە ايانباي شايقاس جاساپ، ٴوزىنىڭ جاستىق كوكتەمىمەن جانە ماڭداي تەرىمەن جاۋاپكەرشىلىگىن ادا ەتىپ، ەسىرتكىگە تيىم سالۋ قىزمەتىندەگى مەملەكەتتىك وزات جەكە، مەملەكەتتىك 8 ـ ناۋرىز قىزىلتۋشىسى بولىپ ماراپاتتالدى. « ٴوزىنىڭ جاستىق كوكتەمىن ەسىرتكىشىلەرمەن ايانباي ارپالىسۋعا ارناعان ايەل ساقشى ۋاڭ شۋاي » دەگەن حابارعا قۇلاق تۇرىڭىزدەر. 
 
 ۋاڭ شۋاي قارشادايىنان ساقشى بولۋدى ارماندايتىن، 2012-جىلى ول حوچيۋ اۋداندىق قوعام حاۋىپسىزدىگى مەكەمەسىنە ەمتيحان بەرىپ ٴوتىپ، ىلە-شالا ٴوتىنىش بەرىپ ەسىرتكىگە تيىم سالۋدىڭ ٴبىرىنشى شەبىنە باردى. 
 
 ەسىرتكىگە تيىم سالۋ قىزمەتىمەن اينالىسقان 10 جىل ۋاقىتتا، قيىن-قىستاۋ جاعداي ونىڭ باسىنان از وتكەن جوق، كوپ رەتكى تۇتقىنداۋ ارەكەتى بارىسىندا ول مىلتىق ۇستاپ ساقتاندىرۋعا جاۋاپتى بولىپ كەلدى. بۇل ونىڭ، ٴسوز جوق، اتويلاپ الدا ٴجۇرىپ، توسىن جاعدايلارعا دالمە ـ ٴدال توتەپ بەرۋمەن بىرگە، ساپتاستارىنىڭ حاۋىپسىزدىگىنە كەپىلدىك ەتەتىندىگىنەن دەرەك بەرەدى.
 
 زاڭ اتقارۋ بارىسى كەسكىنگە تۇسىرىلگەن ٴبىر رەتكى سىرتقى ولكەگە بارىپ ناق مايداندا قىلمىستىلاردى ۇستاۋ ارەكەتى باستالعاننان كەيىن، ۋاڭ شۋاي قىزمەتتەستەرىمەن بىرگە ەسىكتى بۇزىپ كىرەدى، ال سول كەزدە قىلمىس كۇماندىسى بالتاسىن ەسىككە سەرمەيدى، باقىتقا جاراي ۋاڭ شۋاي مەن قىزمەتتەستەرى دەركەزىندە تاسالانادى، قىلمىس كۇماندىسى قاشىپ شىعۋعا وڭتايلانعاندا، ۋاڭ شۋاي اقىرىپ قالىپ ونى تىزەگە بۇگۋگە بۇيىرادى، قىلمىس كۇماندىسى كۇمىلجىپ قالعان ساتتە، قىزمەتتەستەرى قىمباتتى ورايدى قولدان جىبەرمەي تاپ بەرىپ ونى قولعا الادى. 
 
 ۋاڭ شۋاي بىلاي دەدى: مەنىڭ سول كەزدە ويلاعانىم-ەسىرتكىگە تيىم سالۋ جۇمىسىمەن اينالىسقان ايەل حالىق ساقشىسى بولعاندىعىم ٴۇشىن قورعالاتىن وبيەكتى بولماۋىم كەرەك، اتويلاپ الدىندا ٴجۇرۋىم كەرەك. 
 
 اتويلاپ الدا ٴجۇرىپ، كوبىرەك بوداۋ بەرۋ-ەجەلدەن ۋاڭ شۋايدىڭ وزىنە قويعان تالابى. ۋاڭ شۋايدىڭ كوپ جاقتى سايكەستىرۋىندە ەسىرتكىدەن تيىلىپ ساۋىعىپ شىققان 40 نەشە جەرلىك ادام كاسىپتىك تەحنيكاعا باۋلۋ كۋرسىنا قاتىناسىپ، سوڭىنان تاعى جۇمىسقا ورنالاسۋعا ٴجون سىلتەۋ ورنىنا باردى، ەسىرتكىدەن ٴماجبۇري ايىقتىرۋعا اپارىلعان 3 ادامنىڭ پەرزەنتتەرى وقۋعا ٴتۇستى. ۋاڭ شۋاي بىلاي دەدى: ەسىرتكىگە تيىم سالۋ جۇمىستارىمەن اينالىسقان 10 جىلدان بەرى كوزدەرىم جاسقا شىلانعان، ماڭدايىمنان تەر تامعان كەزدەر، كوڭىل-كۇيىم جابىرقاڭقى كەزدەردە بولدى، الايدا العان بەتىمنەن قايتقان ەمەسپىن. ەگەر جاستىق كوكتەمىمدى تاعى ٴبىر رەت تاڭداۋ ورايىم بار بولسا، ەش ويلانباستان تاعى دا ەسىرتكىگە تيىم سالۋ ساقشىسى بولامىن، بۇقارا مەنى قاجەت ەتكەن كەزدە دەرەۋ كەۋدە كەرىپ العا شىعامىن. 
 
اۋدارعان: امانتاي مۇسايىپ ۇلى
 

中央广播电视总台 央广网 版权所有

ٴوزىنىڭ جاستىق كوكتەمىن ەسىرتكىشىلەرمەن ايانباي ارپالىسۋعا ارناعان ايەل ساقشى ۋاڭ شۋاي

ۋاڭ شۋاي قارشادايىنان ساقشى بولۋدى ارماندايتىن، 2012-جىلى ول حوچيۋ اۋداندىق قوعام حاۋىپسىزدىگى مەكەمەسىنە ەمتيحان بەرىپ ٴوتىپ، ىلە-شالا ٴوتىنىش بەرىپ ەسىرتكىگە تيىم سالۋدىڭ ٴبىرىنشى شەبىنە باردى.