ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

لي كىچياڭ كۋبا كوممۋنيستىك پارتياسى ورتالىق كوميتەتىنىڭ ٴبىرىنشى شۋجيى، كۋبانىڭ مەملەكەت ٴتوراعاسى دياز.كانەلمەن كەزدەستى

来源:جۇڭگو قازاق راديو تورابى     |责编:古丽美热|     发布日期: 2022-11-26 11:36
 
ٴوز حابارىمىز. مەملەكەتتىك كەڭەستىڭ زۇڭليى لي كىچياڭ 11-ايدىڭ 25-كۇنى بەيجيڭدە كۋبا كوممۋنيستىك پارتياسى ورتالىق كوميتەتىنىڭ ٴبىرىنشى شۋجيى، كۋبانىڭ مەملەكەت ٴتوراعاسى دياز.كانەلمەن كەزدەستى. 
 
 لي كىچياڭ بىلاي دەدى: جۇڭگو مەن كۋبانىڭ ٴداستۇرلى دوستىعى تەرەڭ، ەكى جاق باستان-اياق ٴوزارا سەنىمدى بەكەمدەپ، تىعىز سەلبەستى. ٴتوراعا شي جينپيڭ سىزبەن كەڭەس وتكىزدى. جۇڭگو جۇڭگو-كۋبا قاتىناسىن دامىتۋعا باستان-اياق وسكەلەڭ ٴمان بەرىپ كەلەدى. شي جينپيڭ جولداستى ۇيتقى ەتكەن ج ك پ ورتالىق كوميتەتىنىڭ باسشىلىعىندا، جۇڭگو كۋبامەن دامۋ ستراتەگياسىن ۇشتاستىرۋدى جانە ەل باسقارۋ بيلىك جۇرگىزۋ تاجىريبەلەرىن اۋىستىرۋدى كۇشەيتىپ، جوعارى جىكتەگىلەردىڭ بارىس-كەلىسىن جيىلەتىپ، ناقتى سەلبەستىكتى كەڭەيتىپ، ٴبىر-ٴبىرىنىڭ وزەكتى مۇددەسى مەن ٴجىتى قاداعالاپ وتىرعان كەلەلى ماسەلەلەرىندە ٴبىرىن-ٴبىرى ۇزدىكسىز قولداپ، جۇڭگو-كۋبا قاتىناسىنىڭ تىڭ دامۋعا قول جەتكىزۋىن ىلگەرىلەتۋدى قالايدى. جۇڭگو كۋباعا شاماسىنىڭ جەتىسىنشە ۇزدىكسىز كومەكتەسۋگە جانە قولداۋ كورسەتۋگە پەيىل. 
 
 دياز.كانەل جۇڭگو جاقتىڭ كۋبانىڭ مەملەكەتتىڭ يەلىك ۇقىق تاۋەلسىزدىگىن قورعاۋ، ەكونوميكالىق، قوعامدىق دامۋدى جۇزەگە اسىرۋ، ىندەتكە قارسى تۇرۋ سياقتىلاردا پارمەندى قولداۋ كورسەتكەندىگىنە العىس ايتتى، كۋبانىڭ جۇڭگومەن ٴتۇيىندى سالالارداعى سەلبەستىكتى تەرەڭدەتىپ، سەلبەستىكتى تەرەڭدەتۋ ارقىلى كۇردەلى جاعداي مەن قاتاڭ سىن-سايىسقا اناعۇرلىم ويداعىداي توتەپ بەرىپ، ەكى جاق قاتىناسىنىڭ تىڭ ساتىعا كوتەرىلۋىن ىلگەرىلەتۋدى قالايتىندىعىن ٴبىلدىردى. 
 
اۋدارعان: گۇلنۇر قابىلقاق قىزى
 

中央广播电视总台 央广网 版权所有

لي كىچياڭ كۋبا كوممۋنيستىك پارتياسى ورتالىق كوميتەتىنىڭ ٴبىرىنشى شۋجيى، كۋبانىڭ مەملەكەت ٴتوراعاسى دياز.كانەلمەن كەزدەستى

ەكى جاق قاتىناسىنىڭ تىڭ ساتىعا كوتەرىلۋىن ىلگەرىلەتۋدى قالايتىندىعىن ٴبىلدىردى