ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

ۋحان دۇڭحۋ جاڭا تەحنيكالىق كوركەيتۋ رايونى عىلىم - تەحنيكادا ٴوز كۇشىنە سۇيەنۋ، ٴوزىن الۋەتتەندىرۋ جولىمەن ٴجۇردى

来源:جۇڭگو قازاق راديو تورابى     |责编:阿依娜|     发布日期: 2023-02-01 09:41

ٴوز حابارىمىز. باس شۋجي شي جينپيڭ: «عىلىم - تەحنيكادا ٴوز كۇشىنە سۇيەنۋ، ٴوزىن الۋەتتەندىرۋ-مەملەكەتتى قۇدىرەتتەندىرۋدىڭ نەگىزى، حاۋىپسىزدىكتىڭ ماڭىزدى فاكتورى»، «عىلىم-تەحنيكانىڭ جان تامىرىن ٴوز قولىمىزدا بەرىك ۇستاۋىمىز كەرەك» دەپ اتاپ كورسەتكەن بولاتىن. ۋحان دۇڭحۋ جاڭا تەحنيكالىق كوركەيتۋ رايونى __ الەمدەگى ەڭ ۇلكەن وپتيكالىق تالشىق، وپتيكالىق كابەل زەرتتەۋ ـ تاپقىرلاۋ، ٴوندىرۋ بازاسى، بۇل ارا ”جۇڭگونىڭ گۋاڭگۋى“ دەگەن تاماشا اتقا يە.


    پارتيانىڭ 18 ـ قۇرىلتايىنان بەرى، باس شۋجي شي جينپيڭ گۋاڭگۋعا 3 رەت بارىپ قىزمەت تەكسەرىپ، گۋاڭگۋ مەن بۇكىل ەلدىڭ عىلىم ـ تەحنيكادا جاڭالىق اشۋىنا جوبا ـ جوسپار جاساپ، ايقىن باعدار كورسەتتى. باس شۋجيدىڭ تاپسىرماسىن ەستە بەرىك ساقتاعان قالىڭ عىلىم ـ تەحنيكا قىزمەتكەرلەرى ٴىس جۇزىندىك ارەكەتتەرى ارقىلى اناعۇرلىم تاماشا ناتيجەلەرگە قول جەتكىزدى.


    جاڭا داۋىردەگى 10 جىلدا جۇڭگو عىلىم ـ تەحنيكادا جاڭالىق اشۋدا ەرلىكپەن العا باسىپ اتويلاپ الدا ٴجۇردى،«چاڭ-ى» اي شارىن بارلاۋ ينجەنەرياسى، «جەتى قاراقشى» جاساندى سەرىك جول نۇسقاۋ جۇيەسى، سۋ مەن قۇرلىقتا بىردەي ۇشىپ - قوناتىن ٴىرى تۇرپاتتى كۇنلۇڭ ايروپلانى قاتارلى دۇنيە ٴجۇزىن جالت قاراتقان وسىنداي ٴىرى ەلدىك ماڭىزدى جابدىقتاردىڭ جاسالۋى فوتو ەلەكترو كاسىبىنىڭ پارمەندى قولداۋىنان ايرىلا المايدى. جۇڭگونىڭ فوتو ەلەكترون كاسىبى ۋحاندا ەرەكشە دامىعان. بۇل اراداعى «جۇڭگو گۋاڭگۋىندا» ەلىمىزدىڭ تۇڭعىش كۆارتس وپتيكالىق تالشىعى العاش جاسالىپ، ەلىمىزدەگى تۇڭعىش وپتيكالىق ەلەكتر جەتكىزۋ جۇيەسى قۇرىلدى.


    ”گۋاڭگۋ“دىڭ دامۋى باس شۋجي شي جينپيڭنىڭ تەرەڭ ٴۇمىتىن ارقالاعان. 10 جىلدا باس شۋجي گۋاڭگۋدا 3 رەت قىزمەت تەكسەرىپ، تۇرلىشە دامۋ ساتىسىندا عىلىم ـ تەحنيكادا جاڭالىق اشۋعا ايقىن باعدار كورسەتتى.


    2013 ـ جىلى 7 ـ ايدا پارتيا 18 ـ قۇرىلتايىنان كەيىن باس شۋجي شي جينپيڭ گۋاڭگۋعا تۇڭعىش رەت بارىپ قىزمەت تەكسەردى. ول بىلاي دەپ اتاپ كورسەتتى: «ٴبىزدىڭ وسىنشاما ۇلكەن مەملەكەتىمىز باسقا مەملەكەتتەردىڭ تەحنيكاسىنا باعىنىشتى بولماۋى كەرەك. ٴسوز جوق، جۇڭگوشا دەربەس جاڭالىق اشۋ جولىمەن بۇلجىماي ٴجۇرۋ كەرەك.


    عىلىم - تەحنيكادا جاڭالىق جاراتۋدا، ەڭ اۋەلى، شەشۋشى تەحنيكا «بار ما، جوق پا» دەگەن ماسەلەنى شەشۋ قاجەت. باس شۋجيدىڭ تاپسىرماسىن ەستە بەرىك ساقتاعان ما شينچياڭ مەن ونىڭ ۇيىمى ايبىندى سەرت بەرىپ، لازەر جابدىقتارىن زەرتتەپ جاساۋدى توڭىرەكتەپ، ىلگەرىندى - كەيىندى 3 ميلليارد يۋان زەرتتەۋ - تاپقىرلاۋ قاراجاتىن قوسىپ، ەلىمىزدەگى تۇڭعىش سيفرلى مەڭگەرىلەتىن لازەرنۇرىمەن كەسۋ ماشيناسىن، تۇڭعىش جارتىلاي وتكىزگىشتى لازەر چيپىن جاساپ شىعىپ، 60 تۇردە ەل ىشىندەگى بىرىنشىلىكتى جاراتتى.


    2018 - جىلى باس شۋجي شي جينپيڭ گۋاڭگوۋعا تاعى دا بارىپ، كوپشىلىكتى بىلاي دەپ شابىتتاندىردى: ”عىلىم - تەحنيكادا جاڭالىق اشۋدا قۇر قيالدان ارىلىپ، وزىمىزگە سۇيەنۋىمىز كەرەك“، ”وزەكتى تەحنيكادا، ٴسوز جوق، ۇزدىكسىز تىڭ ناتيجە جاراتىپ، كاسىپ سالاسىن دامىتۋدىڭ جەتەكشىلىك ۇقىعىن مەڭگەرۋ كەرەك“.


    عىلىم ـ تەحنيكادا جاڭالىق اشۋدى ارقاۋ ەتىپ، 50 نەشە جوعارى مەكتەپ، 100 دەن استام عىلمي زەرتتەۋ قۇرىلىمى جانە سان مىڭداعان عىلىم ـ تەحنيكادا جاڭالىق اشۋ كاسىپورىندارى ۋحانداعى گۋاڭگۋعا جينالدى. دامۋدى جاڭالىق اشۋ ارقىلى جەبەۋ جولىندا، بۇكىل جەر شارىنا باعىتتالعان ءبىر توپ ”گۋاڭگۋ ٴتول جاسامپازدىعى“ ىركەس - تىركەس جارىققا شىقتى.


    2022 ـ جىلى 6 ـ ايدا باس شۋجي شي جينپيڭ گۋاڭگۋعا تاعى دا باردى، بۇل رەت ول عىلىم ـ تەحنيكادا جاڭالىق اشۋعا اناعۇرلىم تەرەڭ ٴمان ۇستەدى. باس شۋجي بىلاي دەپ اتاپ كورسەتتى: ”ەلىمىزدىڭ دامۋىنا، زورايۋىنا ىلەسە، شەشۋشى وزەكتى تەحنيكالارىن قامال الۋدى كەشەۋىلدەتۋگە استە بولمايدى، عىلىم - تەحنيكانىڭ جان تامىرىن ٴوز قولىمىزدا مىقتاپ يگەرىپ، ەلىمىز دامۋىنىڭ دەربەستىگىن، حاۋىپسىزدىگىن ۇزدىكسىز جوعارىلاتۋ كەرەك.


    10 جىلدىڭ الدىندا باس شۋجيعا بەتپە - بەت دوكلات جاساعان ما شينچياڭ وسى رەت باس شۋجيگە تاعى دا”شەشۋشى قيىن“ تەحنيكادا قامال الىپ، عىلىم - تەحنيكانىڭ جان تامىرىن يگەرگەندىگى جايلى دوكلات جاسادى. جاڭا ٴبىر جىلدا عىلم-تەحنيكا قىزمەتكەرلەرى اناعۇرلىم زور نىسانانى كوزدەپ، دۇنيە ٴجۇزى بويىنشا وزىق ەرەكشە جوعارى قارقىندى وپتيكالىق حابارلاسۋ جۇيەسىن زەرتتەپ جاساۋدا. اناعۇرلىم كەڭ سالادا قولدانۋدى بەتكە الىپ، ”گۋاڭگۋلىقتار“ وزدەرى جوبالاعان جابدىقتارمەن ەرەكشە وپتيكالىق تالشىقتى عارىش، تەڭىز-مۇحيت جانە ەمدەۋ سالالارىنا جالپىلاستىرادى.


    ٴتىپتى دە شالقار الەم كەڭىستىگىنە بەت العان «گۋاڭگۋلىقتار» جۇڭگو جاساندى سەرىگىنىڭ ٴتىپتى دە الىستى كورۋىنە، ٴتىپتى دە ٴدال ولشەۋىنە مۇمكىندىك جاساۋعا قۇلشىنۋدا.


    جاڭا جورىقتا، عىلىم - تەحنيكادا ٴوز كۇشىنە سۇيەنۋدى، ٴوزىن الۋەتتەندىرۋدى ماقسات ەتكەن عىلمي زەرتتەۋ جولىنداعى ىزدەنۋشىلەر ۋاقىتپەن جارىساتىن بورىشتىلىق سەزىممەن، جاۋاپكەرشىلىك سەزىممەن، كوكەي تەستىلىك سەزىممەن ٴىس جۇزىندىك ارەكەتتەرى ارقىلى جاڭالىق جاراتىپ، اناعۇرلىم كەرەمەت ناتيجەلەرگە قول جەتكىزۋگە قۇلشىنۋدا.


اۋدارعان: كۇلان ىرىسباي قىزى

中央广播电视总台 央广网 版权所有

ۋحان دۇڭحۋ جاڭا تەحنيكالىق كوركەيتۋ رايونى عىلىم - تەحنيكادا ٴوز كۇشىنە سۇيەنۋ، ٴوزىن الۋەتتەندىرۋ جولىمەن ٴجۇردى

ۋحان دۇڭحۋ جاڭا تەحنيكالىق كوركەيتۋ رايونى __ الەمدەگى ەڭ ۇلكەن وپتيكالىق تالشىق، وپتيكالىق كابەل زەرتتەۋ ـ تاپقىرلاۋ، ٴوندىرۋ بازاسى، بۇل ارا ”جۇڭگونىڭ گۋاڭگۋى“ دەگەن تاماشا اتقا يە.