2021-جىلى 9-ايدىڭ 21-كۇنى ٴتوراعا شي جينپيڭ ب م ۇ-نىڭ 76-كەزەكتى جينالىسىنىڭ جاي ايتىسىنا قاتىناسقاندا تۇڭعىش رەت الەمدىك دامۋ دارىپتەمەسىن العا قويدى. شي جينپيڭ بىلاي دەدى: جۇڭگو قاي-قاشان دا دۇنيە ٴجۇزى بەيبىتشىلىگىن قۇرۋشى، الەمدىك دامۋعا ۇلەس قوسۋشى، حالىقارالىق ٴتارتىپتى قورعاۋشى، الەۋمەتتىك ونىمدەرمەن قامداۋشى بولىپ، جۇڭگونىڭ جاڭا دامۋى ارقىلى دۇنيە جۇزىنە ۇزدىكسىز تىڭ وراي ازىرلەيدى.

 

 الەمدىك دامۋ دارىپتەمەسى－"ٴبىر بەلدەۋ، ٴبىر جولدى" بىرگە قۇرۋدان كەيىنگى جۇڭگو العا قويعان تاعى ٴبىر كەلەلى دارىپتەمە. ول ب م ۇ-نىڭ 2030-جىلعا دەيىنگى باياندى دامۋ كۇن ٴتارتىبىن ىلگەرىلەتۋدى جەبەپ، ادامزاتتىڭ تاعدىرلاس ورتاق تۇلعاسىن قۇرۋعا قۇدىرەتتى بىرىككەن كۇش ۇيىستىردى.

 

 2022-جىلى 6-ايدا وتكىزىلگەن الەمدىك دامۋ جونىندەگى جوعارى جىكتەگىلەردىڭ پىكىرلەسۋ ماجىلىسىندە، ٴتوراعا شي جينپيڭ الەمدىك دامۋ دارىپتەمەسىنىڭ تياناقتانۋىن ىلگەرىلەتۋ جونىندە ٴبىرسىپىرا ناقتى شارالاردى جاريالادى. جۇڭگو الەمدىك دامۋ سەلبەستىگىنە بايلىق قوسىلىمىن ارتتىرىپ، وڭتۇستىكتەگىلەر سەلبەستىگى كومەك قورىن بىرىكتىرىپ، «الەمدىك دامۋ جانە وڭتۇستىكتەگىلەر سەلبەستىك قورى» دەڭگەيىنە كوتەرىپ، جۇڭگو مەن ب م ۇ-نىڭ بەيبىتشىلىك جانە دامۋ قورىنا قوسىلىمدى ارتتىرىپ، الەمدىك دامۋ دارىپتەمەسى سەلبەستىگىن ورىستەتۋدى قولدايدى.

 

 حالىقارالىق قوعام الەمدىك دامۋ دارىپتەمەسىنە بەلسەنە ٴۇن قوستى، قازىر 100 دەن استام مەملەكەت پەن بىرلەسكەن مەملەكەتتەر ۇيىمىن قامتىعان كوپتەگەن حالىقارالىق ۇيىمدار دارىپتەمەنى قولدادى، 70 كە جۋىق مەملەكەت «الەمدىك دامۋ دارىپتەمەسىنىڭ دوستار گرۋپپاسىنا» قاتىناستى.

 

 بىلتىر 9-ايدا اشىلعان «دۇنيە جۇزىلىك دامۋ دارىپتەمەسى دوستار گرۋپپاسىنىڭ» مينيسترلەر دارەجەلى ماجىلىسىندە، لاوستىڭ ورىنباسار زۇڭليى، سىرتقى ىستەر مينيسترى شالۇنساي بىلاي دەدى: دۇنيە جۇزىلىك دامۋ دارىپتەمەسىنىڭ وزەكتى يدەياسى دامۋدى الدىڭعى ورىنعا قويۋ، حالىقتى وزەك ەتۋ، بىردە-ٴبىر مەملەكەتتى قاتاردان قالدىرماۋ، وسىنىڭ ٴبارى كەزەكتە ادامزات ٴدوپ كەلىپ وتىرعان وزەكتى ماسەلەلەرگە ۇيلەسەدى.

 

 تايلاندتىڭ ورىنباسار زۇڭليى، سىرتقى ىستەر مينيسترى دون بىلاي دەدى: جۇڭگو جاق العا قويعان الەمدىك دامۋ دارىپتەمەسىنىڭ ماقساتى دامۋدا الەمدىك ورتاق تۇلعا قۇرۋ، بۇل ب م ۇ-نىڭ باياندى دامۋ كەڭەس ٴتارتىبىن جەدەل جۇزەگە اسىرۋعا تاماشا وراي جاراتتى.

 

 دۇنيە جۇزىندەگى ەڭ ٴىرى دامۋ جولىنداعى ەل رەتىندە، جۇڭگونىڭ دامۋىنىڭ ٴوزى الەمدىك مانگە يە. جۇڭگو «بىرلەسكەن مەملەكەتتەر ۇيىمىنىڭ 2030-جىلعا دەيىنگى باياندى دامۋ كەڭەس تارتىبىندەگى» كەدەيلىكتى ازايتۋ نىساناسىن 10 جىل بۇرىن جۇزەگە اسىرىپ، دۇنيە ٴجۇزىنىڭ كەدەيلىكتى ازايتۋ ىستەرىنىڭ دامۋىنا جانە ادامزاتتىڭ دامۋىنا، العا باسۋىنا ماڭىزدى ۇلەس قوستى. 

 

 جۇڭگو تاعى جالپىعا ٴتيىمدى، سيىسىمدى بولۋ، بىرگە دامۋ تانىمىنان جازباي، وركەندەپ كەلە جاتقان ەلدەردىڭ ٴبىر توپ نەگىزدىك قۇرىلعىلار قۇرۋىنا كومەكتەسىپ، قىرۋار تەحنيكالىق سەلبەستىك ورىستەتىپ، وركەندەپ كەلە جاتقان ەلدەردىڭ حالىق تۇرمىسىن جاقسارتۋىن ىلگەرىلەتتى.

 

 جۇڭگو مەن يندونەزيا سەلبەسىپ سالعان جاكارتا-باندۇڭ جوعارى قارقىندى تەمىر جولى شىعىس وڭتۇستىك ازياداعى تۇڭعىش جوعارى قارقىندى تەمىر جول بولىپ، دامۋ جولىنداعى ەلدەردىڭ ٴوزارا پايدا جەتكىزىپ، تەڭ يگىلىككە كەنەلۋىنىڭ ۇلگىسىن قالىپتاستىردى. جۇڭگونىڭ يندونەزياداعى باس ەلشىسى لۋ كاڭ بىلاي دەدى: پويەز قاتىناعاننان كەيىن ادامدار مەن زات اينالىمىن پارمەندى تۇردە جەبەپ قانا قويماي، جەلى بويىنداعى ساۋدانى اشۋ مەن ساياحاتتىڭ دامۋىن دا جەبەپ، ٴتىپتى دە كوپ كاسىپتەنۋ ورايىن جاراتىپ، يندونەزيا ەكونوميكاسىنىڭ ارتۋىن پارمەندى ىلگەرىلەتەدى.

 

 جۇڭگونىڭ ساڭىراۋ قۇلاق تەحنيكاسى 100 دەن استام مەملەكەتكە جالپىلاسىپ، كوپتەگەن ەلدەردىڭ كەدەيلىكتى جويۋىنا دەم بەردى. جۇڭگونىڭ پاپۋا-جاڭا گۆينەياداعى باس ەلشىسى زىڭ فانحۋا بىلاي دەدى: ساڭىراۋ قۇلاق كاسىبىن جەرگىلىكتى بۇقارا "باقىت كاسىبى"، "اۋقاتتانۋ جولى" دەپ اتايدى، ساڭىراۋ قۇلاق پەن ٴشول كۇرىش تەحنيكاسىنىڭ ىشكەرىلەي قولدانىلۋىنا جانە جالپىلاسۋىنا بايلانىستى، وسى تەحنيكالاردىڭ پاپۋا-جاڭا گۆينەيانىڭ اۋىل شارۋاشىلىعى مەن اۋىل-قىستاق رايوندارىنىڭ باياندى دامۋىندا اتقارعان بەلسەندى جەبەۋ رولى بارعان سايىن كورنەكتىلەنەتىن بولادى.

 

 كليمات وزگەرىسىنە توتەپ بەرۋ، ەنەرگيا جانە استىق داعدارىسىنا توتەپ بەرۋ، ىندەتكە قارسى تۇرۋ جانە ۆاكسينا سەلبەستىگى، ورگانيزمدەردىڭ الۋان تۇرلىلىگىن قورعاۋ، حالىق تۇرمىسىن جاقسارتۋ سياقتى جاقتاردا جۇڭگو ناقتى ارەكەت ارقىلى دۇنيە ٴجۇزىنىڭ دامۋىنا بەلسەنە ۇلەس قوستى.

 

 پارتيا 20-قۇرىلتايىندا جۇڭگو ۇلگىسىندەگى وسىزامانداندىرۋدى ىلگەرىلەتۋ ۇيعارىلدى. جۇڭگو ۇلگىسىندەگى وسىزامانداندىرۋ جۇڭگونىڭ امالياتىن نەگىز ەتەدى ٴارى دۇنيە ٴجۇزىنىڭ جالپى جاعدايىمەن وسكەلەڭ قابىسادى، باس شۋجي شي جينپيڭ تاياۋدا جۇڭگو كوممۋنيستىك پارتياسى مەن دۇنيە جۇزىندەگى ساياسي پارتيالاردىڭ جوعارى دارەجەلىلەر كەڭەسىندە جۇڭگو ۇلگىسىندەگى وسىزامانداندىرۋدىڭ جاڭا تابىستارى ارقىلى دۇنيە ٴجۇزىنىڭ دامۋىنا تىڭ وراي جاراتۋعا قۇلشىناتىندىعىن ايتتى. شي جينپيڭ بىلاي دەدى: ٴبىز قالىڭ وركەندەپ كەلە جاتقان ەلدەردىڭ جەدەل دامۋىن باتىل قولداپ جانە وعان كومەكتەسىپ، ونەركاسىپتەندىرۋدى، وسىزامانداندىرۋدى جۇزەگە اسىرىپ، وڭتۇستىك پەن سولتۇستىكتىڭ پارقىن ازايتۋعا، بىرگە دامۋدى جۇزەگە اسىرۋعا جۇڭگو جوباسىن جانە جۇڭگو كۇشىن ازىرلەيمىز.

 

اۋدارعان: گۇلنۇر قابىلقاق قىزى