ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

بۇكىل ەل بويىنشا سۋ يگىلىگى ينجەنەريالارىنىڭ سۋمەن قامداۋ قۋاتى 890 ميلليارد تەكشەمەتردەن استى

来源:جۇڭگو قازاق راديو تورابى     |责编:古丽美热|     发布日期: 2023-03-23 09:50
 
ٴوز حابارىمىز. 22 ـ ناۋرىز _ _ 11 ـ كەزەكتى دۇنيە جۇزىلىك سۋ كۇنى، ەلىمىزدە ۇيىمداستىرىلعان "جۇڭگو سۋ اپتالىعىنىڭ" نەگىزگى تاقىرىبى "سۋ ەكولوگياسىن زاڭ بويىنشا جونگە سالۋدى كۇشەيتىپ، انا وزەندى قول ۇستاسا قورعاۋ كەرەك" دەپ تۇراقتاندىرىلدى. قازىر ەلىمىزدىڭ سۋ ەكولوگياسى ۇزدىكسىز جاقسارىپ، سۋ بايلىعىن ورنالاستىرۋ قۋاتى ۇزدىكسىز كۇشەيدى. سۋ يگىلىگى مينيسترلىگى جاريالاعان ەڭ جاڭا ساندى مالىمەتتە كورسەتىلۋىنشە، ەلىمىز سۋ ەكولوگياسىن قورعاۋدا ۇزدىكسىز تىڭ تابىستارعا قول جەتكىزگەن. وزەن ـ كول باستىعى ٴتۇزىمى جاپپاي اتقارىلعاننان بەرى، چاڭجياڭ وزەنىنىڭ جاعاسىنان 162 كيلومەتر اۋماق رەتتەلىپ، 12 ميلليون شارشى مەتردەن استام جەر قايتا جاسىلداندىرىلىپ، چاڭجياڭ ەكولوگياسى ورنىقتى جاقسارعان. حۋاڭحى وزەنىن قورعاۋ − جۇڭحۋا ۇلتىنىڭ ۇلى گۇلدەنۋىنە ساياتىن ماڭگىلىك ۇلى جوسپار، 4-ايدىڭ 1-كۇنى "حۋاڭحى وزەنىن قورعاۋ زاڭى" اتقارىلادى، حۋاڭحى وزەنىن قورعاۋ زاڭ بويىنشا جۇرىلەتىن بولادى. وڭتۇستىكتىڭ سۋىن سولتۇستىككە جەتكىزۋ ورتا جەلىسى ينجەنەرياسىنىڭ سۋ قاينارىن قورعاۋ وزەكتى رايونى تۇرعان حۋبەي ولكەسىنىڭ يۇنشي اۋدانىندا، تۇتاس اۋدانداعى ٴتۇيىندى سۋ ايدىندارىنا، سەزىمتال سۋ ايدىندارىنا بەينەكامەرا ورناتىلىپ، باقىلاۋ ـ مەڭگەرۋ جۇمىستارى جىنتىكتى جۇرگىزىلدى، قازىر تۇتاس وڭىردەگى 37 جەر بەتى سۋىن باقىلاۋ ـ ولشەۋ قيما بەتىنىڭ سۋ ساپاسىنىڭ ولشەمگە جەتۋ مولشەرى 100% كە جەتتى. سۋ يگىلىگى ينجەنەريالارىنىڭ ۇزدىكسىز اتقارىلۋىنا بايلانىستى، بۇكىل ەل بويىنشا سۋ بايلىعىن ۇلەستىرۋ قۋاتى دا ۇزدىكسىز كۇشەيدى. وتكەن ٴبىر جىلدا ەلىمىز سۋ يگىلىگى قۇرىلىسىنا ٴبىر تريلليون 89 ميلليارد 300 ميلليون يۋان قارجى قوسىپ، 2021 ـ جىلداعىدان 43.8% ارتىپ، تاريحي سيپاتتى دەڭگەي جاراتىلىپ، ٴبىر تريلليون يۋاندىق ساتىعا كوتەرىلدى. بۇكىل ەل بويىنشا سۋ يگىلىگى ينجەنەريالارىنىڭ سۋمەن قامداۋ قۋاتى 890 ميلليارد تەكشەمەتردەن اسىپ، مەملەكەتتىڭ ەكونوميكالىق حاۋىپسىزدىگى، استىق حاۋىپسىزدىگى، ەكولوگيالىق حاۋىپسىزدىگى جانە قالا-اۋىل تۇرعىندارىنىڭ سۋدان پايدالانۋ حاۋىپسىزدىگى پارمەندى قامتاماسىزداندىرىلدى. 
 
 
اۋدارعان: شالقار قازەز ۇلى 
 

中央广播电视总台 央广网 版权所有

بۇكىل ەل بويىنشا سۋ يگىلىگى ينجەنەريالارىنىڭ سۋمەن قامداۋ قۋاتى 890 ميلليارد تەكشەمەتردەن استى

مەملەكەتتىڭ ەكونوميكالىق حاۋىپسىزدىگى، استىق حاۋىپسىزدىگى، ەكولوگيالىق حاۋىپسىزدىگى جانە قالا-اۋىل تۇرعىندارىنىڭ سۋدان پايدالانۋ حاۋىپسىزدىگى پارمەندى قامتاماسىزداندىرىلدى.