ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

2022-جىلى گۋاڭدۇڭ-شياڭگاڭ-اۋمىن ۇلكەن شىعاناق رايونىنىڭ ەكونوميكا جالپى مولشەرى 13 تريلليون يۋاننان استى

来源:جۇڭگو قازاق راديو تورابى     |责编:古丽美热|     发布日期: 2023-03-23 09:52
 
ٴوز حابارىمىز. گۋاڭدۇڭ ـ شياڭگاڭ ـ اۋمىن ساناق تاراۋلارى تاياۋدا 2022 ـ جىلعى ەكونوميكالىق ساندى مالىمەتتەردى ىركەس ـ تىركەس جاريالادى. ساندى مالىمەتتە كورسەتىلۋىنشە، 2022-جىلى گۋاڭدۇڭ-شياڭگاڭ-اۋمىن ۇلكەن شىعاناق رايونىنىڭ ەكونوميكا جالپى مولشەرى 13 تريلليون يۋاننان اسىپ، جالپىلىق قۋاتى كورنەكتى كۇشەيىپ، حالىقاراداعى بىرەگەي شىعاناق رايونى مەن دۇنيە ٴجۇزى دارەجەلى قالالار شوعىرىن قۇرۋ نىساناسىنا قاراي جەدەل ىلگەرىلەگەن.
 
 «گۋاڭدۇڭ-شياڭگاڭ-اۋمىن ۇلكەن شىعاناق رايونىن دامىتۋ پلان پروگرامماسى» باسىلىپ تاراتىلعان 4 جىلدان استام ۋاقىتتان بەرى قوماقتى ناتيجە قولعا كەلدى. گۋاڭدۇڭ ولكەلىك ساناق مەكەمەسىنىڭ ساندى مالىمەتىندە كورسەتىلۋىنشە، 2022-جىلى ۇلكەن شىعاناق رايونىنداعى 9 قالانىڭ وڭىرلىك ٴوندىرىس جالپى ٴونىم قۇنى 10 تريلليون 468 ميلليارد 100 ميلليون يۋان بولعان؛ شياڭگاڭ ەرەكشە اكىمشىلىك رايونى ۇكىمەتىنىڭ ساناق تاراۋى جاريالاعان ساندى مالىمەتتە كورسەتىلۋىنشە، شياڭگاڭنىڭ وڭىرلىك ٴوندىرىس جالپى ٴونىم قۇنى 2 تريلليون 827 ميلليارد شياڭگاڭ يۋانىنا جەتكەن، 2022-جىلعى ورتاشا سىندىرىلىم بويىنشا ەسەپتەگەندە، شامامەن 2 تريلليون 428 ميلليارد يۋان حالىق اقشاسى بولعان؛ اۋمىن ەرەكشە اكىمشىلىك رايونى ۇكىمەتى جاريالاعان ساندى مالىمەتتە كورسەتىلۋىنشە، اۋمىننىڭ وڭىرلىك ٴوندىرىس جالپى ٴونىم قۇنى 177 ميلليارد 300 ميلليون اۋمىن يۋانى بولىپ، شامامەن 147 ميلليارد يۋان حالىق اقشاسىنا تەڭ كەلگەن. گۋاڭدۇڭ-شياڭگاڭ-اۋمىن ۇلكەن شىعاناق رايونىنىڭ ەكونوميكا جالپى مولشەرى 13 تريلليون يۋاننان اسقان.
 
 جۇڭشان داشۋەسىنىڭ وڭىرلىك ەسىك اشۋ جانە سەلبەستىك ىستەرىن زەرتتەۋ ورنىنىڭ باستىعى ماۋ يانحۋا: مۇنداي ارتۋ قارقىنى دۇنيە ٴجۇزى تۇرعىسىنان قاراعاندادا تاڭداي قاقتىرارلىقتاي،-دەپ قارادى. 
 
 گۋاڭدۇڭ ـ شياڭگاڭ ـ اۋمىن ۇلكەن شىعاناق رايونىنىڭ ەڭ جاڭا دۇنيە جۇزىلىك ساۋداگەر شاقىرۋ جينالىسى دۇنيە جۇزىندەگى 10 نەشە مەملەكەت پەن رايوننىڭ نەشە ٴجۇز بەتكە باسار كاسىپورنىن باۋراپ، ناق مايداندا 853 سەلبەستىك نىسانىنا قول قويىلدى، قوسىلعان قارجىنىڭ جالپى سوماسى 2 تريلليون 500 ميلليارد يۋانعا جەتتى. 
 
 
اۋدارعان: امانتاي مۇسايىپ ۇلى 
 

中央广播电视总台 央广网 版权所有

2022-جىلى گۋاڭدۇڭ-شياڭگاڭ-اۋمىن ۇلكەن شىعاناق رايونىنىڭ ەكونوميكا جالپى مولشەرى 13 تريلليون يۋاننان استى

جۇڭشان داشۋەسىنىڭ وڭىرلىك ەسىك اشۋ جانە سەلبەستىك ىستەرىن زەرتتەۋ ورنىنىڭ باستىعى ماۋ يانحۋا: مۇنداي ارتۋ قارقىنى دۇنيە ٴجۇزى تۇرعىسىنان قاراعاندادا تاڭداي قاقتىرارلىقتاي،-دەپ قارادى.