يدەيانى ۇيرەنىپ، پارتيالىلىقتى كۇشەيتىپ، امالياتقا ٴمان بەرىپ،تىڭ ۇلەس قوسايىق
ٴوز حابارىمىز. سىچۋان ولكەسى «چىڭدۋ - چۇڭچيڭ ٴوڭىرى قوس قالا ەكونوميكالىق شەڭبەرى قۇرىلىسىن» ارقاۋ ەتىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىمەن ۇشتاستىرىپ، تەكسەرۋ - زەرتتەۋدى تىڭعىلىقتى ورىستەتىپ، قوس قالا ەكونوميكالىق شەڭبەرىن قۇرىپ، وڭىرلىك سايكەستى دامۋدىڭ اناعۇرلىم جوعارى دەڭگەيدەگى جولى مەن بەتالىسى جونىندە ىزدەنىس جاساپ جانە وعان جەتەكشىلىك ەتىپ، مەملەكەت ستراتەگياسىنىڭ تەرەڭدەۋىن، ناقتىلانۋىن ىلگەرىلەتتى.
سىچۋان مەن چۇڭچيڭنىڭ شەكارالاسقان جەرىندەگى سىچۋان- چۇڭچيڭ- گاۋجۋ جاڭا رايونىندا سىچۋان ولكەلىك دامۋ جانە رەفورما كوميتەتىنىڭ «چىڭدۋ - چۇڭچيڭ رايونى قوس قالا ەكونوميكالىق شەڭبەرى قۇرىلىسىن ىلگەرىلەتۋ كەڭسەسىنىڭ» قىزمەتكەرلەرى جاڭا رايون قۇرىلىسىنا قاتىستى ونەركاسىپ - ساۋدا ىستەرىن تىزىمگە الۋ، كاسىپورىنداردىڭ تيجارات جاعدايى سياقتى ٴتۇيىندى بۋىنداردا جاعداي ۇعىسىپ، ماسەلەلەردى تەكسەرىپ زەرتتەدى.
سىچۋان - چۇڭچيڭ-گاۋجۋ جاڭا رايونى سىچۋان ولكەسى مەن چۇڭچيڭ قالاسى بىرگە بەكىتىپ قۇرعان ولكە اتتاعان جاڭا رايون بولىپ، مەملەكەتتىڭ «ەكونوميكالىق رايون مەن اكىمشىلىك رايوندى لايىقتى ٴبولۋ رەفورماسى جونىندە ىزدەنىس جاساۋدىڭ» جاڭالىق اشۋ مىندەتىن ارقالاپ وتىر. اتالعان رايون 2020 ـ جىلى قۇرىلعاننان بەرى، سىچۋان ولكەسى مەن چۇڭچيڭ قالاسى بازار باقىلاۋ ـ باسقارۋ، قاتىناس ـ تاسىمال، ەكولوگيالىق ورتا، باجى سياقتى ٴتۇيىندى سالالاردا بىرلەسىپ قيمىلداۋ، سايكەستىرۋ مەحانيزمىن بەلگىلەپ، قىزمەتتەردى ٴبىر تۇتاس ىلگەرىلەتتى، دەي تۇرعانمەن، رەفورمانىڭ ۇزدىكسىز تەرەڭدەۋىنە بايلانىستى، كەيبىر جاڭا ماسەلەلەر، تىڭ قۇبىلىستار دا ۇزدىكسىز جارىققا شىقتى.
سىچۋان ولكەلىك دامۋ جانە رەفورما كوميتەتى قوس قالا ەكونوميكالىق شەڭبەرى قۇرىلىسىن ىلگەرلەتۋ كەڭسەسى ٴبىر تۇتاس جوسپارلاۋ باسقارماسىنىڭ ورىنباسار باستىعى حۋ شىۋي بىلاي دەدى: كەيبىر كاسىپورىندار: قاتىناس جاعىندا چۇڭچيڭگە جاقىن بولعانىمەن تەز جەتە المايمىز، زات اينالىمى تاسىمالىنىڭ وزىندىك قۇنى جوعارى، ٴىشىنارا باجى - اقى ساياساتىنىڭ اتقارىلۋ ولشەمى بىركەلكى ەمەس سياقتى ماسەلەلەردى ورتاعا قويدى. وسى ماسەلەلەردى كوزدە ۇستاي وتىرىپ، ٴبىز قاتىستى تاراۋلاردى ۇيىمداستىرىپ، جاڭا رايونىمەن بىرگە مۇقيات زەرتتەۋ جۇرگىزىپ، ناقتى، جارامدى شارالار مەن ادىستەردى العا قويماقشىمىز.
ٴمالىم جەلىم جاساۋ كاسىپورنىنىڭ جاۋاپتىسى جاۋ چۇنجيان تەكسەرۋ ـ زەرتتەۋ گرۋپپاسىنىڭ قىزمەتكەرلەرىنە: جاڭا رايون كولەمىنىڭ ۇزدىكسىز كەڭەيۋىنە بايلانىستى، قاتىستى سايكەستى قۇرىلعىلاردا ولقىلىقتار جارىققا شىقتى. -دەدى.
احۋال ۇعىسۋ ارقىلى تەكسەرۋ - زەرتتەۋ گرۋپپاسى: نەگىزدىك قۇرىلعى قۇرىلىسى جانە ەمدەلۋ، وقۋعا ٴتۇسۋ سياقتى الەۋمەتتىك قىزمەت وتەۋ سالاسىندا، جاڭا رايوندا ٴالى دە كەيبىر ولقىلىقتار مەن ٴالسىز بۋىندار ورىن تەۋىپ وتىرعاندىعىن بايقادى.
تاياۋدا سىچۋان ولكەلىك حالىق ۇكىمەتى مەن چۇڭچيڭ قالالىق حالىق ۇكىمەتى چىڭدۋ - چۇڭچيڭ رايونىنداعى قوس قالا ەكونوميكالىق شەڭبەرىنىڭ 2023-جىلعى «ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالاندىرۋ» رەفورماسىنداعى ٴتۇيىندى قىزمەت مىندەتتەرى تىزىمدىگى، سىچۋان مەن چۇڭچيڭنىڭ «ٴبىر ٴىستى ٴبىر جولدا ٴبىتىرۋ» ىستەرى تىزىمدىگى، سىچۋان مەن چۇڭچيڭنىڭ «كۋالىكسىز ٴبىتىرۋ» ىستەرىنىڭ تىزىمدىگى قاتارلىلاردى جاريالاپ، سىچۋان ـ چۇڭچيڭ ٴوڭىرى قوس قالا ەكونوميكالىق شەڭبەرىندەگى ٴتۇرلى ٴتۇيىندى شارالاردىڭ تۇتاسۋىن، توعىسۋىن، سايكەستى اتقارىلۋىن ىلگەرىلەتتى.
اۋدارعان: شالقار قازەز ۇلى
