پيڭلۋ كانالى گۋاڭشيدىڭ ناننيڭ قالاسى حىڭجوۋ قالاسى شيجين سۋ قويماسى رايونىنداعى پيڭتاڭجياڭ وزەنىنىڭ كومەيىنەن باستالىپ، چينجوۋ قالاسى ليڭشان اۋدانى لۋ-ۋ قالاشىعى ارقىلى چينجياڭ وزەنىن بويلاپ سولتۇستىك شىعاناققا كىرەدى، جالپى ۇزىندىعى 134.2 كيلومەتر، جوبالانعان جىلى وسى كانالدان تاسىمالدانعان تاۋار 89 ميلليون تونعا جەتتى. ينجەنەريا نەگىزىنەن سۋ جولى، سۋ جولى تورابى، سۋ يگىلىگى قۇرىلعىلارىن جاڭالاۋ، سونداي ـ اق جەلى بويىنداعى وزەن اتتاعان سايكەستى ينجەنەريا قۇرىلىسىن قامتيدى، ينجەنەرياعا مەجەمەن 72 ميلليارد 700 ميلليون يۋان جۇمسالادى.

    سالىنىپ بولعاننان كەيىنگى پيڭلۋ كانالى گۋاڭشيدىڭ دامۋىنا قولداۋ كورسەتىپ قالماستان، ەلىمىزدىڭ تاسىمال ارالىعى ەڭ قىسقا، ەڭ ۇنەمدى، تەڭىزگە شىعاتىن ەڭ قولايلى جولعا اينالادى. پيڭلۋ كانالى قۇرىلىسىنىڭ قازىرگى ارناداعى جۇك تاسىمال مولشەرىن جوتكەۋدەن تۋىنداعان تاسىمال قاراجاتى جىلىنا 5 ميلليارد 200 ميلليون يۋاننان استام تومەندەتىلىپ، بولاشاقتا ەلىمىزدەگى كوپتەگەن ولكەلەردىڭ سىرتقى ساۋدا ەكونوميكاسى مەن ىشكى سۇرانىم جۇك تاسىمال كاسىبىندە ماڭىزدى قولداۋ رولىن اتقارادى.

اۋدارعان: نازار ٴارىپ ۇلى