ساۋدا ىستەرى مينيسترلىگىنىڭ ساندى مالىمەتىندە كورسەتىلۋىنشە، بيىل 1-ايدان 4-ايعا دەيىن ەلىمىزدىڭ شەتەلدەرگە فينانسقا جاتپايتىن تىكە قوسقان قارجىسى 289 ميلليارد 290 ميلليون يۋان بولىپ، وتكەن جىلدىڭ ۇقساس مەزگىلىندەگىدەن %26.6 ارتقان. ”ءبىر بەلدەۋ، ءبىر جول“ بويىنداعى ەلدەردىڭ فينانسقا جاتپايتىن تۇرلەرىنە ەلىمىز كاسىپورىندارىنىڭ تىكەلەي قوسقان قارجىسى 7 ميلليارد 530 ميلليون امەريكا دوللارىنا جەتىپ، وتكەن جىلدىڭ ۇقساس مەزگىلىندەگىدەن ％9 ارتىپ، ۇقساس مەزگىلدەگى جالپى سومانىڭ ％17.8 ىن يەلەگەن.

    جۇڭگو قوعامدىق عىلىمدار اكادەمياسى دۇنيە جۇزىلىك ەكونوميكا جانە ساياسي زەرتتەۋ ورنىنىڭ زەرتتەرمەنى گاۋ ليڭيۇن بىلاي دەدى: كولەم جاعىنان قاراعاندا، ەلىمىزدىڭ شەتەلگە قارجى قوسۋىندا ٴۇرتىس ارتۋ ەرەكشەلىگى جارىققا شىعىپ، ەلىمىز كاسىپورىندارى مەن قاتىستى قۇرىلىمدارىنىڭ سىرتقى ورتانىڭ ٴتيىمسىز ىقپالىن كۇش سالا جەڭىپ، كوپ نەگىزدى قارجى قوسۋ سەلبەستىگىن ىرىقتىلىقپەن ورىستەتكەندىگى ايگىلەندى؛ وڭىرلىك تۇرعىدان قاراعاندا، ەلىمىزدىڭ ٴبىر بەلدەۋ، ٴبىر جول بويىنداعى ەلدەرمەن اراداعى قارجى قوسۋ سەلبەستىگى ورنىقتى دامىدى، بۇل ەلىمىزدىڭ وزىندىك دامۋدى ٴبىر بەلدەۋ، ٴبىر جول بويىنداعى ەلدەردىڭ قاتار دامۋىمەن ۇشتاستىرىپ، ٴبىر بەلدەۋ، ٴبىر جول بويىنداعى ەلدەردىڭ ەكى بازار، ەكى ٴتۇرلى بايلىقتىڭ ىقپالداستىعىن جەبەۋگە زور ۇلەس قوسقاندىعىن ايگىلەدى.

    1-ايدان 4-ايعا دەيىن ەلىمىزدىڭ شەتەلدەردەن كوتەرمەگە العان ينجەنەريالارىندا ورىندالعان تيجارات سوماسى 287 ميلليارد 990 ميلليون يۋان بولىپ، وتكەن جىلدىڭ ۇقساس مەزگىلىندەگىدەن %10.6 ارتقان؛ جاڭادان قول قويىلعان توقتام سوماسى 406 ميلليارد 470 ميلليون يۋان بولىپ، وتكەن جىلدىڭ ۇقساس مەزگىلىندەگىدەن %2 ارتقان. ەلىمىز كاسىپورىندارىنىڭ ”ٴبىر بەلدەۋ، ٴبىر جول“ بويىنداعى مەملەكەتتەردە ينجەنەريا كوتەرمەگە الىپ ورىنداعان تيجارات سوماسى 23 ميلليارد 50 ميلليون امەريكا دوللارىنا جەتتى، جاڭادان جاساسقان توقتام سوماسى 29 ميلليارد 740 ميلليون امەريكا دوللارى بولىپ، جەكە-جەكە ۇقساس مەزگىلدەگى جالپى سومانىڭ %54.9 ىن جانە %50.2 ىن ۇستادى. گاۋ ليڭيۇن بىلاي دەدى: قازىر شەتەلدەردەن قۇرىلىس كوتەرمەگە الۋدى نەگىز ەتكەن شەتەلدەرمەن سەلبەستىكتە ىشكەرىلەي ىلگەرىلەۋ جاعدايى جارىققا شىقتى.

اۋدارعان: امانتاي مۇسايىپ ۇلى