اقسۋ ايماعى كۇشار قالاسى ۇچا قالاشىعى يۇڭكۋ جىنشيڭ قىستاعى ھقاۋىننان مول ٴونىم الاتىن مەزگىلگە ٴوتتى. قىستاق تۇرعىنى ٴيۇنۇس مامەت «يۇڭ تيان 5-ٴنومىرلى» قاۋىنىن ەكتى، يۇڭ دەگەن ٴسوز شينجياڭنىڭ كۇشارعا باعىتتامالى كومەكتەسكەن جىجياڭ ولكەسى نيڭبو قالاسىنىڭ قىسقاشا اتالۋى . كاسىپ سالاسىن گۇلدەندىرۋدە اۋىل ـ قىستاقتى باسقارۋ ىستەرى دە تەڭ قاداممەن جۇرىلۋدە. نيڭبو قالاسىنىڭ كورىكتى اۋىل ـ قىستاق قۇرىلىسىنىڭ تاجىريبەلەرىنەن ۇلگى الىپ، يۇڭكۋ جىنشيڭ قىستاعى دەڭگەيىن جوعارىلاتۋ قىزمەتىن پارمەندى ىلگەرىلەتتى. قازىر اۋىل ـ قىستاق ۇلكەن ساحناسى، كينوحانا، زەرتتەۋ ـ ۇيرەنۋ ورتالىعى سياقتى مادەنيەت ـ ساياحات نىساندارى قىستاقتا تياناقتانىپ ىسكە قوسىلدى، كوپتەگەن قىستاق تۇرعىنى جاقىن ماڭنان قىزمەت تاپتى.

    10 جىلدان بەرى، شينجياڭدا نەگىزدىك قۇرىلعىلار قۇرىلىسىنىڭ جۇرىلۋ اياق الىسى تەزدەدى. 2022 ـ جىلدىڭ سوڭىنا دەيىن، شينجياڭنىڭ تەمىر جول تاسىمال ارالىعى 9000 كيلومەتردەن استى، تاس جولدا اۆتوكولىك قاتىناۋ ارالىعى شامامەن 223 مىڭ كيلومەترگە جەتتى، بارلىق ايماق، وبلىس، قالالار جوعارى قارقىندى تاس جول داۋىرىنە قادام تاستاپ، 25 حالىقتىق تاسىمال اۋەجايى سالىنىپ، شينجياڭ بۇكىل ەلدەگى حالىقتىق اۋەجايلار ەڭ كوپ ولكەگە اينالدى. قاتىناس ـ تاسىمال مينيسترلىگى جالپىلىق جوبا مەكەمەسىنىڭ ورىنباسار باستىعى لي چۋانگۋاڭ بىلاي دەپ تانىستىردى: شينجياڭنان كىرىپ ـ شىعاتىن سولتۇستىك، ورتا، وڭتۇستىك 3 ارنادا جالپى جاقتان تەمىر جول مەن جوعارى قارقىندى تاس جول تۇتاستىرىلدى، G3018 مەملەكەت تاسجولىنىڭ جىڭ اۋدانىنان الاتاۋ ساعاسىنا دەيىنگى جوعارى قارقىندى تاس جول سياقتى ٴبىر توپ شەكارا وتكەل تاس جولدارى ىركەس ـ تىركەس سالىنىپ، شەكارادان كىرىپ ـ شىعاتىن جۇڭگو ـ ەۆروپا كەزەكشى پويەزدارىنىڭ سانى ورنىقتى ارتىپ، جىبەك جولى ەكونوميكالىق بەلدەۋىنىڭ وزەكتى رايونىن جوعارى ساپامەن قۇرۋعا پارمەندى تىرەك ازىرلەدى.

    شينجياڭعا باعىتتامالى كومەكتەسۋدە حالىق تۇرمىسى الدىمەن ەسكەرىلدى، ءارقايسى ولكە، قالا شينجياڭعا باعىتتامالى كومەكتەسۋ قارجىسىنىڭ %80ىن حالىق تۇرمىسى سالاسىنا جۇمسادى. گۋاڭدۇڭ، جياڭسۋ، حىنان قاتارلى ولكەلەر جۇپ قۇراپ سۇيەمەلدەۋ، تەحنيكالىق جاقتان تاربيەلەۋ سياقتى تاسىلدەر ارقىلى ٴبىر توپ جوعارى دەڭگەيدەگى وقۋ - اعارتۋ، ەمدەۋ دارىندىلار قوسىنىن جەتىلدىرىپ، نەگىزگى ساتى شيپاحانالارىنىڭ كوز اۋرۋ ٴبولىمى، ساۋىقتىرۋ ٴبولىمى، سالماقتى اۋرۋ ٴبولىمى سياقتى پاندەردىڭ بوستىعىن تولتىردى. قاشقار ايماعى كونەءشار اۋداندىق حالىق شيپاحاناسى سالماقتى اۋرۋلار مەديتسينا ءبولىمىنىڭ شيپاگەرى اكبار تۇراجان بىلاي دەدى: قاتىستى ەمدەۋ تەحنيكاسىن يگەرگەننەن كەيىن، ٴىشنارا قاتەرلى، سالماقتى ناۋقاستاردى شيپاحانامىزدا ەمدەدىك، باسقا جەرگە اپارىپ ەمدەتۋ مولشەرى كورنەكتى تومەندەدى.

    10 جىلدا ورتالىق پەن ولكە، قالالار شينجياڭعا كومەككە جيىنى 170 ميلليارد يۋانعا جۋىق قارجى بوساتىپ، 15 مىڭنان استام كاسىپورىندى شينجياڭعا كەلىپ ىرگە تەبۋگە باۋراپ، وسى زامانعى اۋىل شارۋاشىلىعى، مانەرلەۋ - جاساۋ، ەرەكشە ساياحات سياقتى كاسىپتەردىڭ ءبىرشاما تەز دامۋىن جەبەدى؛ وقۋ - اعارتۋ، عىلىم - تەحنيكا، مادەنيەت سياقتى سالالارعا شۇعىل قاجەت بولىپ وتىرعان 90 مىڭنان استام دارىندى ەنگىزىپ، باياندى دامۋدىڭ تىڭ قوزعاۋشى كۇشىن توپتادى. شينجياڭعا كومەكتەسۋدىڭ جالپىلىق ونىمدىلىگى ۇزدىكسىز كورنەكتىلەنىپ، ٴار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى. شينجياڭ ۇيعۇر اۆتونوميالى رايوندىق دامۋ جانە رەفورما كوميتەتىنىڭ ورىنباسار مەڭگەرۋشىسى لۋ پىڭ بىلاي دەدى: نازاردى رايونىمىزدىڭ نەگىز قالاۋ، ۇزاق بولاشاققا تيىمدىلىك جاساۋ قىزمەتىنە شوعىرلاندىرىپ، شينجياڭعا كومەك قارجىسىنان پايدالانىپ، دامۋداعى كورنەكتى ولقىلىقتار مەن ماسەلەلەردى شوعىرلى شەشىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن جوعارىلاتىپ، شينجياڭنىڭ ەرەكشەلىگى مەن ابزالدىلىعىن ايگىلەيتىن وسىزاماندانعان كاسىپ سالاسى جۇيەسىن جەدەل ورناتىپ، حالىق تۇرمىسىنا تىعىز جاناسىپ، جوعارى ساپالى دامۋدى ىلگەرىلەتەمىز.

اۋدارعان: كۇلان ىرىسباي قىزى