«پۋىر قالاسى جيڭمايشان تاۋىنداعى بايىرعى شاي ورمانى مادەني كورىنىس ٴوڭىرى» دۇنيە جۇزىلىك مۇراعاتتار تىزىمدىگىنە ٴساتتى ەنگىزىلدى
ٴوز حابارىمىز. «پۋىر قالاسى جيڭمايشان تاۋىنداعى بايىرعى شاي ورمانى مادەني كورىنىس ٴوڭىرىن» دۇنيە جۇزىلىك مۇراعاتتار تىزىمدىگىنە ٴوتىنىش بەرۋ نىسانى 9-ايدىڭ 17-كۇنى ب م ۇ وقۋ ـ اعارتۋ، عىلىم ـ تەحنيكا، مادەنيەت ۇيىمىنىڭ 45 ـ كەزەكتى دۇنيە جۇزىلىك مۇراعاتتار كوميتەتىنىڭ ماجىلىسىندە قاراپ ماقۇلدانىپ، "دۇنيە جۇزىلىك مۇراعاتتار تىزىمدىگىنە" ەنگىزىلدى. سونىمەن، ەلىمىزدىڭ دۇنيە جۇزىلىك مۇراعاتتار تىزىمدىگىنە ەنگەن مۇراعات سانى 57 گە جەتتى.
«پۋىر قالاسى جيڭمايشان تاۋىنداعى بايىرعى شاي ورمانى مادەني كورىنىس ٴوڭىرى»- يۇننان ولكەسى پۋىر قالاسى لانساڭ لاحۋ ۇلتى اۆتونوميالى اۋدانىنا ورنالاسقان، جاڭا ەرانىڭ 10- عاسىرىنان بەرى، بۋلاڭ ۇلتىنىڭ بايىرعى تۇرعىندارى جابايى شاي اعاشىن بايقاپ جانە تانىپ، ورمان ەكولوگيالىق جۇيەسىنەن پايدالانىپ، دايزۋ قاتارلى بايىرعى ۇلتتارمەن بىرگە "ورماندا شاي" ەگۋ تەحنيكاسىن تاپقىرلادى. مىڭ جىلدىق قورعاۋ مەن دامۋ ارقىلى ورمان مەن شاي بىتە قايناسقان، ادام مەن تابيعات جاراسىمدى وتاسقان ەرەكشە مادەنيەت كورىنىستەرى قالىپتاستى.
«پۋىر قالاسى جيڭمايشان تاۋىنداعى بايىرعى شاي ورمانى مادەنيەت كورىنىسىن» دۇنيە جۇزىلىك مۇراعاتتار تىزىمدىگىنە ٴوتىنىش ەتۋ بارىسى 13 جىلعا جالعاستى. 2010-جىلى ەلىمىزدىڭ شاي تاقىرىبىنداعى دۇنيە جۇزىلىك مادەنيەت مۇرالارىنىڭ بولماۋ ماسەلەسىنە مەڭزەس، مەملەكەتتىك مادەني مۇرالار مەكەمەسى جيڭمايشان بايىرعى شاي ورمانىن دۇنيە جۇزىلىك مادەني مۇراعاتقا ٴوتىنىش ەتۋدى تۇڭعىش رەت دارىپتەدى ٴارى 2012 - جىلى ونى "جۇڭگو دۇنيە جۇزىلىك مادەنيەت مۇرالارىنىڭ دايىندىق تىزىمدىگىنە" ەنگىزدى. 2013 ـ جىلى جيڭمايشان بايىرعى شاي باقشاسى مەملەكەتتىك ٴتۇيىندى مادەني مۇرا رەتىندە قورعالاتىن ورىن دەپ جاريالاندى، وسىدان كەيىن جەرگىلىكتى ورىننىڭ وسى مۇرانى قورعاۋ، باسقارۋ، كورمەگە قويۋ دەڭگەيى ۇزدىكسىز جوعارىلادى.2021 – جىلدان بەرى ەلىمىز دۇنيە جۇزىلىك مۇراعاتتار تىزىمدىگىنە ٴوتىنىش بەرۋ نۇسقاسىن جاساپ تاپسىردى، ٴارى حالىقارالىق ۇيىمداردىڭ ناق مايدان تەحنيكالىق باعالاۋىنان ٴساتتى ٴوتىپ، تىزىمدىككە ەنگىزىلدى.
اۋدارعان: شالقار قازەز ۇلى
