مەملەكەتتىك كەڭەستىڭ اقپارات جاريالاۋ ماجىلىسىندە "كەندەردەگى ٴوندىرىس حاۋىپسىزدىگى قىزمەتىن ونان ارى كۇشەيتۋ جونىندەگى پىكىرگە" تۇسىنىك جاسالدى
ٴوز حابارىمىز. مەملەكەتتىك كەڭەستىڭ اقپارات كەڭسەسى 9-ايدىڭ 18-كۇنى وتكىزگەن اقپارات جاريالاۋ ماجىلىسىندە مەملەكەتتىك كەن حاۋىپسىزدىگىن باقىلاۋ-تەكسەرۋ مەكەمەسىنىڭ قاتىستى جاۋاپتىسى "كەندەگى ٴوندىرىس حاۋىپسىزدىگى قىزمەتىن ونان ارى كۇشەيتۋ جونىندەگى پىكىرگە" تۇسىنىك جاسادى. تانىستىرۋعا قاراعاندا، "پىكىردە" كەن حاۋىپسىزدىگىن جونگە سالۋ ۇلگىسىنىڭ الدىن الا ساقتانۋعا قاراي بۇرىلىس جاساۋى كۇش سالا ىلگەرىلەتىلىپ، كەن حاۋىپسىزدىگىنىڭ جوعارى ساپالى دامۋىنا تىرەك بولعان.
مەملەكەتتىك كەن حاۋىپسىزدىگىن باقىلاۋ ـ تەكسەرۋ مەكەمەسىنىڭ ورىنباسار باستىعى جاڭ شين بىلاي دەپ تانىستىردى: "پىكىردە" "ىستەن بۇرىن ساقتانۋ، تيپىن وزگەرتۋ" توڭىرەگىندە ٴبىر قىدىرۋ شارالار العا قويىلىپ، حاۋىپ-قاتەردى كومەسكى كىناراتتان بۇرىن شەشىپ، كومەسكى قاتەردى شىرعالاڭ تۋىلۋدان بۇرىن الاستاۋ ورتاعا قويىلدى. كەندەردەگى جاسىرىن اپات تۋدىراتىن فاكتورلاردى جاپپاي تەكسەرىپ، جونگە سالۋدى ۇدايىلاندىرىپ، تۇزىمدەندىرىپ، رايوندارعا ٴبولىپ باسقارۋدى، الدىن الا جونگە سالۋدى ىلگەرىلەتۋ كەرەك. تەكسەرىپ انىقتالماعاندارىنىڭ، جونگە سالىنباعاندارىنىڭ قازۋ جۇمىسىن جۇرگىزۋىنە بولمايدى. اشىق كەن بەتكەيلەرىن، قالدىق كەن قامبالارىن جەلىدە باقىلاۋ-ولشەۋ جۇيەسى قۇرىلىسىن جەدەلدەتىپ، شاحتانىڭ بارلىق جۇمىس ورىندارىن تۇگەلدەي باقىلاۋدى جالپىلاستىرۋ كەرەك.
كاسىپورىنداردىڭ تۇلعالىق جاۋاپكەرشىلىگىن كۇشەيتۋ جاعىندا "پىكىردە" كەنگە ساياتىن ورتالىق كاسىپورىنداردىڭ باس شتابى مەن كەنگە ساياتىن ٴىرى، ورتاشا كاسىپورىندارعا حاۋىپسىزدىك باس باقىلاۋشىسىن تاعايىنداۋ ايقىن تالاپ ەتىلدى، بۇل مەملەكەت دەڭگەيىندە تۇڭعىش رەت ورتاعا قويىلىپ وتىر. مەملەكەتتىك كەن حاۋىپسىزدىگىن باقىلاۋ-تەكسەرۋ مەكەمەسى كومىر كەنگە جاتپايتىن كەندەردىڭ حاۋىپسىزدىگىن باقىلاۋ - تەكسەرۋ مەكەمەسىنىڭ باستىعى لي فىڭ بىلاي دەدى: حاۋىپسىزدىك باس باقىلاۋشىسى ٴتۇزىمىن ورناتقان جانە كەمەلدەندىرگەن، حاۋىپسىزدىك باس باقىلاۋشىسىنىڭ رولىن تولىق ساۋلەلەندىرگەن، ٴوندىرىس حاۋىپسىزدىگى ونىمدىلىگى كورنەكتى بولعان ۇلگىلى كەن كاسىپورىندارىنان ٴبىر توبىن اشىپ، ۇلگى كورسەتۋدى، جەتەكشىلىك ەتۋدى كۇشەيتىپ، ٴتۇيىن ارقىلى كولەمگە جەتەكشىلىك ەتىپ، وسى شارانىڭ بۇكىل ەل كولەمىندە تياناقتانۋىن ىلگەرىلەتۋ كەرەك.
مەملەكەتتىك كەن حاۋىپسىزدىگىن باقىلاۋ ـ تەكسەرۋ مەكەمەسى حاۋىپسىزدىك نەگىزدىك مەڭگەرمەسىنىڭ باستىعى سۇن چيڭگو بىلاي دەپ تانىستىردى: "پىكىر" زاڭ-ەرەجە ولشەمىن كەمەلدەندىرىپ، كەندەردىڭ زەيىندەنۋ دەڭگەيى ٴبىركەلكى، تولىق بولماۋ سياقتى ماسەلەلەردى كۇش سالا شەشەدى. ٴوندىرىس قۋاتىن ارتتىرۋ، ٴوندىرىس حاۋىپسىزدىگىن ولشەمدەندىرىپ تۇراقتاندىرۋ، ٴوندىرىس حاۋىپسىزدىگى قاراجاتىن پايدالانۋ سياقتى جاقتاردا دالمەٴدال قولداۋ كورسەتىپ، زەردەلىلەنگەن جوعارى ولشەمدى قۇرىلىستى، ۇدايىلانعان اينالىمدى ٴتۇيىندى تۇردە ىلگەرىلەتەدى.
اۋدارعان: گۇلنۇر قابىلقاق قىزى
