تاياۋدا بەيجيڭ قالاسى بۇكىل قالاداعى ٴار دارەجەلى پارتيا ۇيىمدارىنان 11-ايدىڭ 10-كۇنى باس شۋجي شي جينپيڭنىڭ بەيجيڭ، حىبەيدە اپاتتان كەيىنگى قالپىنا كەلتىرۋ، قايتا قۇرۋ قىزمەتىن تەكسەرگەندە سويلەگەن ماڭىزدى ٴسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، 2-توپتاعى نەگىزگى تاقىرىپتىق تاربيەنى اپاتتان كەيىنگى قايتا قۇرۋمەن تىعىز ۇشتاستىرىپ، ٴبىرىنشى شەپكە ىشكەرىلەي ارالاسىپ، ماسەلەلەردى اشالاپ، قيىن ماسەلەلەردى تەكسەرىپ انىقتاپ شەشۋدى تالاپ ەتتى. بەيجيڭ قالاسىنىڭ مىنتوۋگوۋ رايونى اپاتتان كەيىنگى قالپىنا كەلتىرۋ، قايتا قۇرۋدىڭ ٴبىرىنشى شەبىندە تەكسەرۋ-زەرتتەۋ جۇرگىزىپ، الەۋمەتتىك اۋماق پەن قىستاقتارعا جىبەرىلگەن كادرلار قاراستى رايوننىڭ جاعدايىن تەكسەرىپ انىقتادى، داتاي ٴمالى باسقارماسى قاراستى رايونداعى اپاتقا ۇشىراعان ۇيلەردى رەموتتاۋ قارجى قىسىمى زور بولۋ سياقتى ماسەلەلەرگە قاراتا ارناۋلى كەڭەس وتكىزىپ، ٴار دارەجەلى ساياساتتىق قولداۋعا يە بولۋعا كۇش سالدى.

 

 بۇقارانىڭ قىستان امان-ەسەن، جىلى وتۋىنە مۇمكىندىك جاساۋدى ارقاۋ ەتۋ جاعىندا، بەيجيڭ قالاسىنىڭ مىنتوۋگوۋ، فاڭشان، چاڭپيڭ سياقتى اپات جاعدايى ٴبىرشاما اۋىر رايوندار ارناۋلى قيمىلدى شوعىرلى ورىستەتىپ، قىزمەت گرۋپپاسىن قۇرىپ، شارۋالاردىڭ بۇلىنگەن 10 مىڭعا تاياۋ ۇيلەرىن جوندەپ، جىلۋمەن قامدايتىن 35 پار پەش پەن 67 جىلۋ پۋنكتىن شۇعىل قايتادان سالىپ، 38 مىڭ وتباسىنىڭ كومىردى تازا ەنەرگياعا وزگەرتۋ جاعىندا بۇلىنگەن قۇرىلعىلارىنىڭ ەلەكترمەن قامداۋ قۋاتىن تۇگەلدەي قالپىنا كەلتىردى.

 

 حىبەيدىڭ كوپ جەرى شي جينپيڭ جاڭا ٴداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ تاقىرىپتىق تاربيەسىن وراي ەتىپ، ۇيرەنۋ ونىمدىلىگى ارقىلى ٴوز قىزمەتىن ويداعىداي ىستەدى. تاسقىن كەزىندە شيڭتاي قالاسى نانحى رايونى دۇڭفان-تۇن قىستاعىنىڭ جىلۋمەن قامداۋ قۇرىلعىلارىنىڭ ۇشتەن ٴبىرى زيانعا ۇشىرادى. ٴبىر مەزگىلدەن بەرى قىستاق كادرلارى مەن جانار گاز سەرىكتىگىنىڭ قىزمەتكەرلەرى ٴار كۇنى جاڭادان جوندەلىپ ىسكە قوسىلعان قۇبىرلار مەن قىستاق تۇرعىندارىنىڭ گاز ىستەتۋ جاعدايىن تەكسەرىپ، احۋال ۇعىسىپ، بۇقارانىڭ گاز ىستەتۋ حاۋىپسىزدىگىنە كەپىلدىك ەتىپ، جۇرتشىلىقتىڭ گاز ىستەتۋ ماسەلەسىن شەشتى.

 

 حىبەي ولكەسىنىڭ باۋديڭ، شيڭتاي، شىجياجۋاڭ، لاڭفاڭ سياقتى اپاتقا اۋىر ۇشىراعان رايوندار نەگىزگى تاقىرىپتىق تاربيە مەن اپاتتان كەيىنگى قالپىنا كەلتىرۋ، قايتا قۇرۋدى تىعىز ۇشتاستىرۋدى بەلسەنە ىلگەرىلەتىپ، جەرگىلىكتى جاعدايعا قاراي جۇمىس ىستەپ، بۇقارانىڭ الاڭسىز تىرشىلىك ەتۋىنە، قىستان امان وتۋىنە تۇساۋ بولاتىن قيىن تۇيىندەردى ٴبىر-بىرلەپ شەشتى. جۋجوۋ قالاسى جىلۋمەن قامداۋ قۇرىلعىلارىن ارالاپ تەكسەرۋدى ۇيىمداستىرىپ، قالپىنا كەلتىرىلگەن جابدىقتاردى باقىلاۋ-مەڭگەرۋدى كۇشەيتىپ، جىلۋمەن قامداۋ تورابىنىڭ حاۋىپسىز، ورنىقتى اينالىمىنا كەپىلدىك ەتتى. لايشۇي اۋدانى تازا كومىر ارقىلى قىسقى جىلۋمەن قامداۋدى قاجەت ەتەتىن 10 تاۋلى رايون، ادىرلى وڭىرگە ورنالاسقان اۋىل-قالاشىقتار قاتىستى كاسىپورىنداردى ەرتە جوسپارلاپ، ەرتە سايكەسىپ، ەرتە دايىندىق جاساپ، جىلۋمەن قامداۋ ىستەرىن ويداعىداي ىستەۋگە قۋزادى. 

 

اۋدارعان: نازار ٴارىپ ۇلى