ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

مەملەكەت ءۇشىن دارىندى تاربيەلەپ، بورىش ارقالاپ، عىلىم-تەحنيكادا ەگەي ەل قۇرىپ، ۇلى ناتيجەلەر جاراتايىق-باس شۋجي شي جينپيڭنىڭ جۇڭگو عىلىم اكادەمياسىنىڭ اكادەميگى، چيڭحۋا داشۋەسىنىڭ پروفەسسورى ياۋ چيجىعا جازعان جاۋاپ حاتى كۇشتى اڭىس قوزعادى

来源:جۇڭگو قازاق راديو تورابى     |责编:达吾力别克 |     发布日期: 2024-06-14 14:08
ءوز حابارىمىز. باس شۋجي شي جينپيڭ تاياۋدا جۇڭگو عىلىم اكادەمياسىنىڭ اكادەميگى، چيڭحۋا داشۋەسىنىڭ پروفەسسورى ياۋ چيجىعا جاۋاپ حات جازىپ، ونىڭ اۋەلگى ماقساتتان كوزجازباي، ءوز ابزالدىلىعىن ساۋلەلەندىرىپ، جوعارى دەڭگەيدەگى عىلىم-تەحنيكادا ءوز كۇشىنە سۇيەنە الۋەتتەنۋدى جۇزەگە اسىرۋعا، وقۋ-اعارتۋدا ەگەي ەل قۇرۋعا تىڭ ۇلەس قوسۋىن ءۇمىت ەتتى. باس شۋجيدىڭ ىقىلاستى شابىتتاندىرۋى پارتيا ورتالىق كوميتەتىنىڭ دارىندىلار قىزمەتىنە وسكەلەڭ ءمان بەرەتىندىگىن، جوعارى دارەجەلى وقۋ-اعارتۋ ىستەرىنە دەگەن شىنايى ءۇمىتىن تولىق ايگىلەدى. كوپشىلىك مىنالاردى ءبىلدىردى: مەملەكەتتى قۇدىرەتتەندىرۋ قۇرىلىسى، ۇلتتى كوركەيتۋ ۇلى ءىسىن جۇزەگە اسىرۋ جولىندا العان بەتتەن قايتپاي ات سالىسىپ، وقۋ-اعارتۋدا ەگەي ەل قۇرۋدىڭ، عىلىم-تەحنيكادا ەگەي ەل قۇرۋدىڭ، دارىندىلار ارقىلى مەملەكەتتى قۇدىرەتتەندىرۋدىڭ جاڭا ءداۋىر داستانىن قۇلشىنا جازامىز.
 
چيڭحۋا داشۋەسى ايقاسپالى ينفورماتسيا زەرتتەۋ ورنىندا ياۋ چيجى ساباقتاستارمەن جاساندى زەيىن زەرتتەۋ ناتيجەلەرىنە قاتىستى ماسەلەلەر توڭىرەگىندە پىكىر اۋىستىرىپ، تالقى جۇرگىزۋدە. تاياۋدا ول باس شۋجي شي جينپيڭگە حات جازىپ، وتانعا ورالعان 20 جىلدان بەرى دارىندى تاربيەلەۋ، عىلمي زەرتتەۋ، جاڭالىق جاراتۋ سياقتى جاعدايلارىنان مالىمەت بەردى، باس شۋجيدىڭ جاۋاپ حاتى ياۋ چيجى پروفەسسوردى ايرىقشا شابىتتاندىردى. ول بىلاي دەدى: مەن باس شۋجيدىڭ جاۋاپ حاتىن وقىپ تەڭدەسسىز تەبىرەندىم. وتانعا ورالعان 20 جىلدان بەرى، مەن باستان-اياق وتاننىڭ دامۋىنا بەرىك سەنىم ارتىپ، وتاننىڭ ۇلى كوركەيۋى ىستەرى ءۇشىن ءوزىمنىڭ بولماشى كۇشىمدى سارقا جۇمساۋعا تىرىستىم، بۇل مەنىڭ ومىرىمدەگى ەڭ زور داڭق دەپ بىلەمىن. ەلىمىزدە دۇنيە جۇزىندەگى كولەمى ەڭ ۇلكەن جوعارى دارەجەلى وقۋ-اعارتۋ جۇيەسى بار، ءتۇرلى ىستەر دامۋىنىڭ كەڭ ساحناسى بار، ۇلى ۇستازداردى تاربيەلەپ شىعا الادى. مەن جانە زەرتتەۋ قوسىنىمداعىلار، ءسوز جوق، باس شۋجيدىڭ نۇسقاۋىنا بويسۇنىپ، ءورىس اشا جاڭالىق جاراتىپ، بار كۇشىمىزدى سالىپ، جوعارى دەڭگەيلى دارىندىلار باسەكەلىك ابزالدىلىعىن قالىپستاستىرىپ، جاساندى زەيىن جانە كۆانتتىق ەسەپتەۋ سياقتى وزىق عىلىم-تەحنيكا ستراتەگياسىنىڭ بيىك شىڭىن كوزدەپ، تىنباي كۇش قوسىپ، وقۋ-اعارتۋدا ەگەي ەل، عىلىم-تەحنيكادا ەگەي ەل قۇرۋدى جۇزەگە اسىرۋعا اناعۇرلىم زور تىڭ ۇلەس قوسامىز.
 
ياۋ چيجى دۇنيە جۇزىنە ايگىلى كومپيۋتەر عالىمى، كومپيۋتەر سالاسىنداعى ەڭ جوعارى سيلىق ءتۇرى-تۋريڭ سيلىعى بەرىلگەننەن بەرى سيلانعان بىردەن-ءبىر جۇڭگو تەكتى مامان. 2004-جىلى ول ا ق ش-ىنداعى ايگىلى مەكتەپتەگى ومىرلىك وقىتۋشىلىق مىندەتىن تاستاپ، چيڭحۋا داشۇەسىنە قايتىپ كەلدى. 20 جىلدىق كۇرەسكە تولى بارىستا ماڭداي تەرىن توگىپ وتانعا ۇلەس قوستى، ول جۇڭگو ءۇشىن دۇنيە ءجۇزى بويىنشا ماڭداي الدى كومپيۋتەر عىلىمىن اشتى ءارى دۇنيە ءجۇزى بويىنشا ەڭ الدىمەن توعىسپالى ينفورماتسيا زەرتتەۋ ورنىن قۇردى، تاياۋدا چيڭحۋا داشۋەسى جاساندى زەيىن شۇەيۋانىن قۇردى، ياۋ چيجى تۇڭعىش شۋەيۋان باستىعى بولدى. قۇرىلۋ جينالىسىندا ول: «جۇڭگو، ءسوز جوق، جاساندى زەيىن جاعىندا قامال الۋدى جەدەلدەتىپ، دامۋدىڭ ىرىقتىلىق ۇقىعىنا قول جەتكىزۋى كەرەك، سوندىقتان، بۇل ءبىزدىڭ باس تارتۋعا بولمايتىن بورىشىمىز»،-دەدى.
 
باس شۋجي شي جينپيڭ جاۋاپ حاتىندا ياۋ چيجى پروفەسسوردىڭ 20 جىلدان بەرى ءبىلىم بەرىپ دارىندى تاربيەلەۋدەگى، عىلمي زەرتتەۋدە جاڭالىق جاراتۋداعى مول تابىستارىن تولىق تۇراقتاندىردى ءارى ونىڭ كوپشىلىكتى باستاپ دارىندىلاردى دەربەس جەتىلدىرۋ ۇلگىسىندە ۇزدىكسىز ىزدەنىس جاساپ، پاندەردىڭ توعىسۋى مەن الدىڭعى لەكتە جاڭالىق جاراتۋدى ىلگەرىلەتۋىن، جوعارى دەڭگەيدەگى دارىندىلار تاربيەلەۋ جانە عىلىم-تەحنيكادا جاڭالىق جاراتۋ بازاسىن قۇرىپ، جوعارى دەڭگەيدەگى عىلىم-تەحنيكادا ءوز كۇشىنە سۇيەنە الۋەتتەنۋدى جۇزەگە اسىرۋعا، وقۋ-اعارتۋدا ەگەي ەل، عىلىم-تەحنيكادا ەگەي ەل قۇرۋعا تىڭ ۇلەس قوسۋىن ءۇمىت ەتتى.
 
چيڭحۋا داشۋەسى ايقاسپالى ينفورماتسيا زەرتتەۋ ورنىنىڭ دوتسەنتى شۇي ۋي بىلاي دەدى: باس شۋجيدىڭ ياۋ مىرزاعا جازعان جاۋاپ حاتى بىزگە زور شابىت بەردى، ءبىز، ءسوز جوق، جاساندى زەيىن وزەكتى تەحنيكاسىنان ۇزدىكسىز قامال الىپ، مەملەكەتكە قاجەتتى شەشۋشى سالالاردا ەرتەرەك قولدانۋدى ىسكە اسىرۋعا كۇش سالامىز.
 
چيڭحۋا داشۋەسى ايقاسپالى ينفورماتسيا زەرتتەۋ ورنىنىڭ كومەكشى پروفەسسورى يۋان ياڭ بىلاي دەدى: ياۋ مىرزا ماعان ءوز باسىنان ونەگە كورسەتىپ، مول ءبىلىم بەردى. ول ۇنەمى ادام ءوز ومىرىندە زور ىستەردى تىندىرۋعا تالپىنۋ كەرەك دەيدى. بۇل ءسوز ءبىزدىڭ جاس وقىتۋشىلارىمىزدى جەكە باستىق دامۋى مەن مەملەكەتتىڭ قاجەتىن تىعىز ۇشتاستىرىپ، ءىس جۇزىندىك ارەكەت ارقىلى باس شۋجيدىڭ ءۇمىتىن اقتاۋعا شابىتتاندىردى. 
 
باس شۋجيدىڭ جاۋاپ حاتىندا ياۋ چيجى پروفەسسوردىڭ وتانعا ورالعان 20 جىلدان بەرى ءبىلىم بەرىپ دارىندى تاربيەلەۋ جەتىستىكتەرى مەن عىلمي زەرتتەۋ، جاڭالىق جاراتۋ جولىنداعى ۇلەستەرى تولىق تۇراقتاندىرىلۋمەن بىرگە، قالىڭ وقۋ-اعارتۋ، عىلىم-تەحنيكا قىزمەتكەرلەرىنە زور شابىت بەردى. نانجيڭ داشۋەسى ەلەكترون عىلىمى جانە ينجەنەريا شۋەيۋانىنىڭ پروفەسسورى، اسقىن وتكىزگىش ەلەكترون عىلىمىن زەرتتەۋ ورنىنىڭ باستىعى ۋاڭ حۋابيڭ بىلاي دەدى: باس شۋجي شي جينپيڭنىڭ ياۋ مىرزاعا جازعان جاۋاپ حاتىن وقىپ، ەرەكشە شابىتتاندىم. مەن باس شۋجيدىڭ ىقىلاستى ءۇمىتىن ەستە بەرىك ساقتاپ، اعا بۋىنداردى ۇلگى ەتىپ، اۋەلگى ماقساتتان، بورىشتان كوزجازباي، وتانشىلدىق سۇيىسپەنشىلىكتى وتان ءۇمىتىن اقتاۋ ارەكەتىنە اينالدىرىپ، عىلىم-تەحنيكا، وقۋ-اعارتۋ ىستەرىنە ات سالىسىپ، جاڭالىقشىل دارىندىلار جەتىلدىرىپ، اسقىن وتكىزگىش كۆانتتىق عىلىم-تەحنيكا سالاسىندا ۇزدىكسىز ءورىس اشا جاڭالىق جاراتىپ، وقۋ-اعارتۋدا ەگەي ەل قۇرۋ ءۇشىن، عىلىم-تەحنيكادا ەگەي ەل قۇرۋ ءۇشىن اقىل-پاراسات جانە كۇش-قۋات قوسامىن.
 
بەيجيڭ داشۋەسى ەكولوگيالىق ورتا عىلىمى جانە ينجەنەريا شۋەيۋانىنىڭ زەرتتەۋشىسى ياڭ ۋلين بىلاي دەدى: ەكولوگيالىق ورتا سالاسىنداعى جاس وقىتۋشى رەتىندە، مەن باس شۋجيدىڭ تاپسىرماسىن ەستە بەرىك ساقتاپ، قاجىرلىلىقپەن زەرتتەۋ جۇرگىزىپ، تومەن كومىرتەكتى ەلەكتر-حيميالىق سۋدى ءبىر جاقتى ەتۋ تەحنيكاسى جونىندە ىزدەنىس جاساپ، ءورىس اشا جاڭالىق جاراتىپ، جاڭالىق جاراتۋ سيپاتتى ۇزدىك دارىندىلار تاربيەلەۋ جولىندا ىزدەنىس جاساپ، ەلىمىزدىڭ جوعارى ساپالى دامۋىنا جانە كوركەم جۇڭگو قۇرىلىسىنا جاس وقىتۋشىلار كۇش-قۋاتىن ارنايمىن.
 
اۋدارعان: قاناتبەك جۇماباي ۇلى
 
 

中央广播电视总台 央广网 版权所有

مەملەكەت ءۇشىن دارىندى تاربيەلەپ، بورىش ارقالاپ، عىلىم-تەحنيكادا ەگەي ەل قۇرىپ، ۇلى ناتيجەلەر جاراتايىق-باس شۋجي شي جينپيڭنىڭ جۇڭگو عىلىم اكادەمياسىنىڭ اكادەميگى، چيڭحۋا داشۋەسىنىڭ پروفەسسورى ياۋ چيجىعا جازعان جاۋاپ حاتى كۇشتى اڭىس قوزعادى

باس شۋجي شي جينپيڭ تاياۋدا جۇڭگو عىلىم اكادەمياسىنىڭ اكادەميگى، چيڭحۋا داشۋەسىنىڭ پروفەسسورى ياۋ چيجىعا جاۋاپ حات جازىپ، ونىڭ اۋەلگى ماقساتتان كوزجازباي، ءوز ابزالدىلىعىن ساۋلەلەندىرىپ، جوعارى دەڭگەيدەگى عىلىم-تەحنيكادا ءوز كۇشىنە سۇيەنە الۋەتتەنۋدى جۇزەگە اسىرۋعا، وقۋ-اعارتۋدا ەگەي ەل قۇرۋعا تىڭ ۇلەس قوسۋىن ءۇمىت ەتتى.