ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

جەر-جەر پارتيا ءتارتىبىن ۇيرەنۋ-تاربيە قيمىلىن ۇزدىكسىز ىلگەرىلەتتى

来源:جۇڭگو قازاق راديو تورابى     |责编:巴特勒|     发布日期: 2024-06-17 14:27
ءوز حابارىمىز. پارتيا ءتارتىبىن ۇيرەنۋ تاربيەسىن قانات جايدىرۋ بارىسىندا شاڭحاي، حىنان، فۋجيان قاتارلى ورىندار دەن قويا ۇيىمداستىرىپ، تىڭعىلىقتى ىلگەرىلەتىپ، پارتيا مۇشەلەرىن جانە كادىرلاردى پارتيا ءتارتىبىن جالپى بەتتىك تۇسىنۋگە جانە اتقارۋعا جەتەكتەپ، ۇيرەنۋدىڭ ساپاسىنا، ناقتى ونىمدىلىككە كەپىلدىك ەتتى.
 پارتيا ءتارتىبىن ۇيرەنۋ تاربيەسى ورىستەتىلگەننەن بەرى، شاڭحاي قالاسى پىسىقتاۋ ساباعىمەن جانە وقىتۋشىلارمەن قامداۋ، توڭكەرىستىك بايلىقتى ساۋلەلەندىرۋ سياقتى شارالاردى العا قويدى ءارى 42 ءتۇرلى ناقتى مىندەتتى ەگجەي-تەگجەيلى جاساپ، پارتيالى كادرلاردىڭ ءتارتىپتى اناعۇرلىم جاقسى ۇيرەنۋىنە، ءتارتىپتى بىلۋىنە، ءتارتىپتى ايقىنداۋىنا، تارتىپكە بويسۇنۋىنا پارمەندى تىرەك ازىرلەدى. شاڭحاي قالالىق پارتكوم ۇيىمداستىرۋ ءبولىمى 1-باسقارماسىنىڭ باستىعى جاۋ جياچياڭ بىلاي دەدى:  «ساقتاندىرۋ تاربيەسى بازاسى ءتىزىمىن»، «وقىتۋشىلار، ساباق ءتۇرى تىزىمدىگىن» ۇزدىكسىز شىعارىپ، پارتيا ءتارتىبىن ۇيرەنۋ تاربيەسىن جوعارى ساپامەن ورىستەتىپ، ءتارتىپ تاربيەسىن شىنايى كۇشەيتىپ، پارتيالىلىقتى شىڭداپ، ءىس تىندىرىپ، شارۋاشىلىق قۇرۋدى ىلگەرىلەتەمىز. 
 پارتيا ءتارتىبىن ۇيرەنۋ تاربيەسىندە حىنان ولكەسى ساتىعا، تۇرگە ءبولىپ ىلگەرىلەتۋگە باسا ءمان بەرىپ، جەكەلەردىڭ وزدىگىنەن ۇيرەنۋى، شوعىرلى ۇيرەنۋى، نەگىزگى ساتى پارتيا ۇيىمدارىنىڭ ۇيرەنۋى سياقتىلاردى ويداعىداي ۇيىمداستىردى.
 حىناننىڭ حىبي قالاسى پارتيا ءتارتىبىن ۇيرەنۋ تاربيەسىن كۇندەلىكتى تۇرمىسپەن ساباقتاستىرۋعا باسا ءمان بەرىپ، نەگىزگى تاقىرىپتىق پارتيا كۇنى ءتۇزىمىن تياناقتاندىرىپ، ءار ايدىڭ 5 ـ، 15 ـ، 25-كۇندەرى نەگىزگى تاقىرىپتىق پارتيا كۇنى قيمىلىن وتكىزۋدى تۇراقتاندىردى. بۇدان سىرت، ءار ايدا «نەگىزگى تاقىرىپتىق پارتيا كۇنى پايدالانۋ ماتەريالىن»، پارتيا قۇرىلىسى مىندەتى تىزىمدىگىن تاراتىپ، پارتيا مۇشەلەرىن ەرەجەنى قاز-قالپىندا ۇيرەنۋگە ۇيىمداستىردى. حىبي قالالىق پارتكوم ۇيىمداستىرۋ ءبولىمىنىڭ ورىنباسار باستىعى ۋاڭ جيمين بىلاي دەدى: ءبىز قاتىستى مەحانيزمدەر جونىندە ۇزدىكسىز ىزدەنىس جاساپ جانە ونى كەمەلدەندىرىپ، پارتيا مۇشەلەرىنىڭ نەگىزگى تۇلعالىق ورنىن تولىق ايگىلەپ، پارتيا ءتارتىبىن ۇيرەنۋ تاربيەسىنىڭ ساناعا، جۇرەككە ۇيالاۋىنا، جان دۇنيەگە جەتۋىنە كەپىلدىك ەتەمىز.
 فۋجيانداعى ءار دارەجەلى تاراۋلار پارتيا ءتارتىبىن ۇيرەنۋ تاربيە نىسانا-تالابى مەن ۇيرەنۋ ءتۇيىنىن ارقاۋ ەتىپ، ءتۇرلى ارناۋلى ايدارلاردى اشىپ، ۇنامدى جاقتان جەتەكتەۋ مەن ۇنامسىز جاقتان ساقتاندىرۋدى ۇشتاستىرۋعا تاباندى بولىپ، تەكسەرىپ ءبىر جاقتى ەتىلگەن تارتىپكە، زاڭعا اۋىر قايشىلىق جاساعان تيپتىك دەلولاردى تۇرگە، سالاعا، دارەجەگە ءبولىپ ساقتاندىرۋ تاربيەسىن ورىستەتىپ، پارتيالى كادرلاردى ساقتانۋعا، تومەنگى شەكتى ايقىنداۋعا، يمەنۋگە تاربيەلەدى. فۋجيان ولكەلىك پارتكوم ۇيىمداستىرۋ ءبولىمى پارتيا مۇشەلەرىن تاربيەلەۋ باسقارماسىنىڭ باستىعى حۋ جىفاڭ بىلاي دەدى: قاز-قالپىندا ۇيرەنۋ، ساقتاندىرۋ تاربيەسىن كۇشەيتۋ، ءتۇسىندىرۋ مەن باۋلۋدى كۇشەيتۋ سياقتى 3 جاقتى 11 ءتۇرلى ءتۇيىندى شارانى اشالاپ، قالىڭ پارتيا مۇشەلەرىنىڭ تەمىردەي ءتارتىپتى سانالى تۇردە ەستە بەرىك ساقتاۋىنا، كوكەيىنە ۇيالاۋىنا مۇمكىندىك جاسالدى.
 شيامىن قالالىق پارتيا ستيلى، پاكتىك تاربيەسى بازاسىندا شيامىن قالالىق قوعام حاۋىپسىزدىگى مەكەمەسى پارتيالى باسشى كادرلاردى سۋرەت، جازۋ، كەسكىن، ناقتى زات كورسەتۋ، جاڭا مەديالاردىڭ ىقپالداستىعى سياقتى فورمالار ارقىلى پارتيا ءتارتىبىن ۇيرەنۋ تاربيەسىن ورىستەتۋگە ۇيىمداستىردى. شيامىن قالالىق قوعام حاۋىپسىزدىگى مەكەمەسى شياڭ-ان بولىمشە مەكەمەسى ساياسي باسقارماسىنىڭ مەڭگەرۋشىسى جياڭ حۋا بىلاي دەدى: حالىق ساقشىسى رەتىندە، مەن پارتيانىڭ ءتارتىپ بەلگىلەمەسى جونىندەگى تۇسىنىگىم مەن سەنىمىمدى ۇزدىكسىز تەرەڭدەتىپ، يدەيا مەن ارەكەتتى پارتيا ەرەجەسى، پارتيا ءتارتىبى ارقىلى دۇرىستايمىن. جاڭا ساپالى قوعام حاۋىپسىزدىگى جاۋىنگەرلىك قۋاتىن قالىپتاستىرۋدى اناعۇرلىم پارمەندى تارتىپپەن جانە ۇيىمدىق كەپىلمەن قامتاماسىزداندىرۋعا كۇش سالامىن.
 
اۋدارعان: گۇلنۇر قابىلقاق قىزى

中央广播电视总台 央广网 版权所有

جەر-جەر پارتيا ءتارتىبىن ۇيرەنۋ-تاربيە قيمىلىن ۇزدىكسىز ىلگەرىلەتتى

جەر-جەر پارتيا ءتارتىبىن ۇيرەنۋ-تاربيە قيمىلىن ۇزدىكسىز ىلگەرىلەتتى