ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

بەسىنشى ايدا حالىق شارۋاشىلىعى ۇزدىكسىز جوعارىلاپ، جاقسارۋ جاعدايى جالپى جاقتان ورنىقتى بولدى

来源:جۇڭگو قازاق راديو تورابى     |责编:巴特勒|     发布日期: 2024-06-18 15:17
ءوز حابارىمىز. مەملەكەتتىك كەڭەستىڭ اقپارات كەڭسەسى 6-ايدىڭ 17-كۇنى احبارات جاريالاۋ ءماجىلىسىن اشتى، مەملەكەتتىك ساناق مەكەمەسىنىڭ قاتىستى جاۋاپتىسى تانىستىرىپ بىلاي دەدى: 5-ايدا حالىق شارۋاشىلىعى ءۇرتىس جوعارىلاپ، ءوندىرىس سالاسى ءۇرتىس قالپىنا كەلدى. مەملەكەتتىك ساناق مەكەمەسى جاريالاعان ساندى مالىمەتتە كورسەتىلۋىنشە، 5-ايدا كولەمدەنگەن ونەركاسىپتىڭ ارتقان قۇنى وتكەن جىلدىڭ ۇقساس مەزگىلىندەگىدەن% 5.6 ارتقان،%90 رايون ،%80 كاسىپ سالاسى ،%60 كە جۋىق ءونىم وتكەن جىلدىڭ ۇقساس مەزگىلىندەگىدەن ارتقان، مۇنىڭ ىشىندە جابدىق جاساۋ كاسىبى% 7.5 ارتىپ، "ورنىقتىرعىش" رولى ۇزدىكسىز ساۋلەلەندىرىلدى. قىزمەت وتەۋ كاسىبىنىڭ ءوندىرىس كورسەتكىشى وتكەن جىلدىڭ ۇقساس مەزگىلىندەگىدەن% 4.8 ارتىپ، الدىڭعى ايداعىدان 1.3 پايىز تەزدەدى.
مەملەكەتتىك ساناق مەكەمەسىنىڭ اقپارات مالىمدەمەشىسى ليۋ ايحۋا بىلاي دەدى: 5-ايدا قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى وتكەن جىلدىڭ ۇقساس مەزگىلىندەگىدەن% 3.7 ارتىپ، الدىڭعى ايداعىدان 1.4 پايىز تەزدەدى. قارجى قوسۋ جاعىنان قاراعاندا، 1-ايدان 5-ايعا دەيىن تۇراقتى مۇلىككە قوسىلعان قارجى وتكەن جىلدىڭ ۇقساس مەزگىلىندەگىدەن% 4.0 ارتقان. سىرتقى ساۋدادان قاراعاندا، يمپورت-ەكسپورتتىڭ ارتۋ قارقىنى تەزدەپ، الدىڭعى 5 ايداعى جيىنتىق كولەم تاريحتاعى ۇقساس مەزگىلدەگى ەڭ جوعارى دەڭگەيگە جەتكەن. بۇدان سىرت، زات باعاسى جالپى جاقتان ورنىقتى بولعان. ليۋ ايحۋا بىلاي دەدى: تۇتىنۋ باعاسىنان قاراعاندا، تاۋارمەن قامداۋ جەتكىلىكتى، تۇتىنۋ بازارىنىڭ اينالىمى ورنىقتى بولدى، 5-ايداعى تۇرمىستىق تۇتىنۋ جالپى سوماسى وتكەن جىلدىڭ ۇقساس مەزگىلىندەگىمەن قارايلاس بولدى، ونەركاسىپ ونىمدەرىنىڭ زاۆودتان شىعۋ باعاسى ۇقساس مەزگىلدەگىدەن جوعارىلادى، بۇل ەل ىشىندەگى ونەركاسىپ بۇيىمدارىمەن قامداۋ-قاجەتسىنۋ قاتىناسىنىڭ جاقسارعاندىعىن بەينەلەيدى. تاياۋدا حالىقارالىق ۇيىمدار مەن قۇرىلىمدار جۇڭگو ەكونوميكاسىنىڭ ارتۋ مەجەسىن ارت-ارتىنان جوعارىلاتىپ، حالىقارالىق قوعامنىڭ جۇڭگو ەكونوميكاسىنىڭ ارتۋ بولاشاعى جونىندەگى سەنىمىن تولىق ايگىلەدى. ليۋ ايحۋا بىلاي دەدى: كەلەسى ساتىداعى ءتۇرلى فاكتورلاردان قاراعاندا، ەكونوميكانىڭ ۇزاق ۋاقىت جاقسارعان نەگىزگى جاعدايى وزگەرمەيدى، ءوندىرىس قاجەتى، ساياساتتىق تىرەك سياقتى فاكتورلارعا تالداۋ جاساعاندا، ەكونوميكانىڭ ۇزدىكسىز قالپىنا كەلۋ جاعدايى جاقسارا تۇسەدى.
 
اۋدارعان: شالقار قازەز ۇلى

中央广播电视总台 央广网 版权所有

بەسىنشى ايدا حالىق شارۋاشىلىعى ۇزدىكسىز جوعارىلاپ، جاقسارۋ جاعدايى جالپى جاقتان ورنىقتى بولدى

بەسىنشى ايدا حالىق شارۋاشىلىعى ۇزدىكسىز جوعارىلاپ، جاقسارۋ جاعدايى جالپى جاقتان ورنىقتى بولدى