ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

مەملەكەتتىك ساياسي كەڭەس الىس ارالىقتى كەڭەس ءماجىلىسىن اشتى

来源:جۇڭگو قازاق راديو تورابى     |责编:达吾力别克 |     发布日期: 2024-06-29 12:17
 مەملەكەتتىك ساياسي كەڭەس الىس ارالىقتى كەڭەس ءماجىلىسىن اشتى، ماجىلىستە «شياڭگاڭنىڭ، اۋمىننىڭ ەلىمىزدىڭ اناعۇرلىم جوعارى دەڭگەيدەگى اشىق ۇستالعان ەكونوميكالىق جاڭا ءتۇزىلىسىن ورناتۋداعى رولىن ساۋلەلەندىرۋ» توڭىرەگىندە ۇكىمەت ءىسى كەڭەسىلدى، ۋاڭ حۋنيڭ ءماجىلىستى باسقاردى
 
ءوز حابارىمىز. مەملەكەتتىك ساياسي كەڭەس 6-ايدىڭ 28-كۇنى بەيجيڭدە الىس ارالىقتى كەڭەس ءماجىلىس اشتى، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ ءماجىلىستى باسقاردى. ول بىلاي دەدى: ج ك پ 18-قۇرىلتايىنان بەرى، باس شۋجي شي جينپيڭ شياڭگاڭ مەن اۋمىننىڭ مەملەكەتتىڭ سىرتقا ەسىك اشۋ جالپى جاعدايىنداعى رولىن ساۋلەلەندىرۋگە باسا ءمان بەرىپ، گۋاڭدۇڭ-شياڭگاڭ-اۋمىن ۇلكەن شىعاناق رايونى كەلەلى ستراتەگياسىن تىكەلەي جوسپارلاپ، ورنالاستىرىپ، ىلگەرىلەتىپ، شياڭگاڭ مەن اۋمىننىڭ مەملەكەتتىڭ دامۋ جالپى جاعدايىمەن اناعۇرلىم ويداعىداي توعىسۋىن پارمەندى جەبەپ، شياڭگاڭ مەن اۋمىننىڭ جاڭا دامۋ ارناسىن قالىپتاستىرۋعا قىزمەت وتەۋ، «ءبىر بەلدەۋ، ءبىر جولدى» ورتاق قۇرۋ، گۋاڭدۇڭ-شياڭگاڭ-اۋمىن ۇلكەن شىعاناق رايونى قۇرىلىسى سياقتى جاقتاردا اناعۇرلىم زور رول اتقارۋىنا جەتەكشىلىك ەتتى. حالىق ساياسي كەڭەسى باس شۋجي شي جينپيڭنىڭ شياڭگاڭ، اۋمىن قىزمەتى جونىندەگى ماڭىزدى بايىمداۋلارى مەن ج ك پ ورتالىق كوميتەتىنىڭ شەشىم-ورنالاستىرۋلارىن مۇقيات ۇيرەنىپ، دايەكتەندىرىپ، مىندەت وتەۋ بەتالىسى مەن كۇش سالۋ ءتۇيىنىن ءدال يگەرۋ كەرەك. 
 
ۋاڭ حۋنيڭ بىلاي دەدى: نازاردى شياڭگاڭ مەن اۋمىننىڭ ەلىمىز قۇرىلىسىنىڭ اناعۇرلىم جوعارى دەڭگەيدەگى اشىق ەكونوميكالىق جاڭا تۇزىلىستەگى رولىن ساۋلەلەندىرۋ سياقتى قاتىستى ءتۇيىندى ماسەلەلەرگە اۋدارىپ، زەرتتەۋدى ۇزدىكسىز تەرەڭدەتىپ، باعىتتامالىلىعى، يكەمدىلىگى كۇشتى شارالار مەن ۇسىنىستاردى العا قويىپ، مەملەكەتتىڭ شياڭگاڭ مەن اۋمىننىڭ دامۋىن قولداۋ ساياسات-شارالارىن تياناقتاندىرۋدى تىعىز توڭىرەكتەي، كۇش قوسىپ دەم بەرۋ كەرەك. «ءبىر ەل، ەكى ءتۇزىمنىڭ» شياڭگاڭ، اۋمىن امالياتىن ىلگەرىلەتۋىن تىعىز توڭرەكتەي، زەيىن-زەردە، كۇش-قۋاتتى شوعىرلاندىرىپ، جاڭا داۋىردەگى «ءبىر ەل، ەكى ءتۇزىم» اياسىنداعى شياڭگاڭ، اۋمىن حيكايالارىن، جۇڭگو حيكايالارىن ويداعىداي بايانداپ، ءار جاقتى شياڭگاڭ مەن اۋمىننىڭ مەملەكەتتىڭ دامۋ جالپى جاعدايىمەن اناعۇرلىم ويداعىداي توعىسۋىنا، جاڭا دامۋ ارناسىن قالىپتاستىرۋعا ات سالىسۋىنا دەم بەرۋگە جەتەكتەۋ كەرەك. 
 
مەملەكەتتىك ساياسي كەڭەستىڭ 12 مۇشەسى جەكە-جەكە مەملەكەتتىك ساياسي كەڭەس ورگانىنىڭ نەگىزگى ءماجىلىس مايدانىندا جانە فۋجيان، شياڭگاڭ، اۋمىن بولىمشە ءماجىلىس مايداندارىندا، سونداي-اق شاڭحاي، جىجياڭ سياقتى جەرلەردە بەينە ەكران فورماسىندا بايلانىس جاساۋ سياقتى تاسىلدەر ارقىلى ءسوز سويلەدى. ولار بىلاي دەپ ۇسىنىس ەتتى: گۋاڭدۇڭ، شياڭگاڭ، اۋمىن سىندى 3 جەردىڭ ەكونوميكالىق اينالىمىنىڭ ەرەجەسىن ۇشتاستىرۋدى، مەحانيزمىن ۇشتاستىرۋدى كۇشەيتۋ؛ شياڭگاڭنىڭ حالىقارالىق فينانس، تەڭىز تاسىمالى، ساۋدا ورتالىعى ورنىن بەكەمدەۋ؛ چيانحاي، نانشا، حىڭچين، حىتاۋ سياقتى سەلبەستىك تەكشەلەرىنىڭ الدىمەن ۇلگى كورسەتۋ رولىن ساۋلەلەندىرۋ؛ گۋاڭدۇڭ-شياڭگاڭ-اۋمىن ۇلكەن شىعاناق رايونى حالىقارالىق عىلىم-تەحنيكادا جاڭالىق جاراتۋ ورتالىعى قۇرىلىسىن جەدەل ىلگەرىلەتىپ، الەمدىك جاڭالىق جاراتۋ بايلىعىن شوعىرلاندىرىپ، الەمدىك باسەكەلىك قۋاتقا يە عىلىم-تەحنيكادا جاڭالىق جاراتۋ، ەسىك اشۋ ورتاسىن قالىپتاستىرۋ كەرەك. 
 
ورتالىقتىڭ شياڭگاڭ-اۋمىن قىزمەتى كەڭسەسىندەگى، عىلىم-تەحنيكا مينيسترلىگىندەگى، ساۋدا ىستەر مينيسترلىگىندەگى جاۋاپتى جولداستار قاتىستى جاعدايلاردى تانىستىردى ءارى ساياسي كەڭەس مۇشەلەرىمەن كەڭەسىپ، پىكىر اۋىستىردى. 
 
اۋدارعان: قاناتبەك جۇماباي ۇلى
 
 
 
 

中央广播电视总台 央广网 版权所有

مەملەكەتتىك ساياسي كەڭەس الىس ارالىقتى كەڭەس ءماجىلىسىن اشتى

مەملەكەتتىك ساياسي كەڭەس 6-ايدىڭ 28-كۇنى بەيجيڭدە الىس ارالىقتى كەڭەس ءماجىلىس اشتى، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ ءماجىلىستى باسقاردى. ول بىلاي دەدى