ءوز حابارىمىز.  7-ايدىڭ 1-كۇنى ءبىز جۇڭگو كوممۋنيستىك پارتياسى قۇرىلعاندىعىنىڭ 103 جىلدىعىن قارسى الدىق. جەر-جەر ءتۇرلى فورمالارمەن پارتيانىڭ تۋعان كۇنىن قۇتتىقتاپ، جويقىن كۇش ۇيىستىردى. بەيجيڭ تيان - انمىن الاڭىندا بۇكىل ەلدىڭ جەر - جەرىنەن كەلگەن 40 مىڭنان استام پارتيا مۇشەسى مەن بۇقارا تۋ شىعارۋ سالتىنا قاتىناسىپ، پارتيانىڭ 103 جاسقا تولعان تۋعان كۇنىن قۇتتىقتادى. ج ك پ - نىڭ مەملەكەتتىك 1 - قۇرىلتايى ەسكەرتكىش سارايىندا، گۋاڭشيدىڭ بايسى كوتەرىلىسى ەسكەرتكىشى الاڭىندا، گۇيجوۋدىڭ زۇن - ي ءماجىلىس ورنىندا جاڭادان قابىلدانعان پارتيا مۇشەلەرى پارتيا تۋى الدىندا ايبىندى سەرت بەردى.

پارتياعا كىرۋ سەرتىن قايتا ەسكە الىپ، ەكپىندەي ىلگەرىلەيتىن كۇش-قۋات قابىلدادى. فۋجيان ولكەلىك توڭكەرىستىك تاريحي ەسكەرتكىش سارايى، لياۋشىن شايقاسىنداعى توڭكەرىستىك قۇربانداردى ەسكە ءتۇسىرۋ مۇناراسى، جياڭشي پيڭشياڭ، جياڭسۋ تايجوۋ سياقتى جەرلەردە جەر-جەردەگى پارتيا مۇشەلەرى پارتيا تاريحى تاربيەسى بازاسىنا بارىپ، توڭكەرىستىك تاربيەنى قابىلداپ، توڭكەرىستىك گەندى جالعاستىردى.

ماداق جىرى پارتياعا ارنالادى، جەر - جەر ءتۇرلى تاسىلدەر ارقىلى پارتيانىڭ 103 جاسقا تولعان تۋعان كۇنىن قۇتتىقتادى. حۋبيدىڭ ىنشى وبىلىسى جيانشى اۋدانىندا 2000 پارتيا مۇشەسى جانە بۇقارا پارتيا تۋى استىندا بىرگە ءان شىرقادى، گانسۋدىڭ حۇينيڭ اۋدانىنداعى قىزىل ارميا باس قوسقان بايىرعى جۇرتتا مىڭنان ارتىق ادام توڭكەرىستىك ولەڭدەر وقىدى ، جيلين ولكەسىنىڭ چاڭچۇن قالاسىندا « پارتيانىڭ سوزىنە قۇلاق اسۋ ، پارتياعا العىس ايتۋ ، پارتياعا ىلەسۋ » تاقىرىبىندا ون مىڭ ادامدىق حور ايتىلدى ، شاندۇڭ ولكەسىنىڭ ۋيفاڭ چاڭلى اۋدانىندا توڭكەرىستىك كلاسسيىك اندەردى ايتۋ جارىسى وتكىزىلىپ، ادامدى العا باسۋعا مەدەتتەندىردى؛ يۇننان ولكەسى موۋديڭ اۋداندىق كاسىپتىك ورتا مەكتەپتىڭ وقىتۋشى-وقۋشىلارى «ءجۇز جىلدىق پارتيا تاريحى اۋەلگى ماقساتتى نۇرلاندىردى» تاقىرىبىندا الىپ قاعاز ويماسىن سالىپ، پارتياعا دەگەن شەكسىز سۇيىسپەنشىلىگى مەن ىزگى تىلەگىن بەينەلەدى.

 

اۋدارعان: كۇلان ىرىسباي قىزى