لۋگوۋچياۋ كوپىرىنىڭ بويىندا جۇڭگو حالقىنىڭ جاپون شاپقىنشىلارىنا قارسى سوعىس ەسكەرتكىش سارايى اسقاق ايبىنمەن بوي كوتەرىپ تۇر. تۇستەن بۇرىن ساعات 9دا ەسكە ءتۇسىرۋ سالتى ايبىندى مەملەكەت انىمەن باستالدى. استاناداعى وقۋشىلار ۋاكىلدەرى جاپون شاپقىنشىلارىنا قارسى سوعىس ولەڭدەرىن تەرەڭ سەزىممەن وقىدى. استاناداعى ستۋدەنتتەر حور ۇيىرمەسى "ىنتىماق _ _ كۇش" ، "كوممۋنيستىك پارتيا بولماسا ، جاڭا جۇڭگو بولماق ەمەس" ءانىن شىرقادى، ولار قاھارمان قۇربانداردىڭ رۋحىنا مۇراگەرلىك ەتىپ، جۇڭگو ۇلگىسىندەگى وسىزامانداندىرۋ قۇرىلىسىنا بەلسەنە ات سالىسىپ، مەملەكەتتى قۇدىرەتتەندىرۋ قۇرىلىسىن، ۇلتتىڭ گۇلدەنۋى ۇلى ءىسىن جاپپاي ىلگەرىلەتۋگە ۇلەس قوسۋعا بەل بۋعان بەرىك سەنىمىن بەينەلەدى.

وسىدان كەيىن ءار سالا ۋاكىلدەرى باسپالداققا باياۋ شىعىپ، رەت-رەتىمەن جاپون شاپقىنشىلارىنا قارسى سوعىس سارايىنىڭ العى زالىنا كەلىپ، قولدارىنا گۇل شوعىن الىپ، جۇڭحۋا ۇلتىنىڭ ىنتىماقتاسا جاپون شاپقىنشىلارىنا قارسى سوعىس جۇرگىزۋىنىڭ سيمۆولى بولعان "قۇرىش قورعاننىڭ" الدىنا قويدى ءارى جاپون شاپقىنشىلارىنا قارسى سوعىس قۇرباندارىنا ءيىلىپ قۇرمەت ءبىلدىردى.

 

اۋدارعان: شالقار قازەز ۇلى