جازعى ساياحات جاندانىپ، تۇتىنۋ بازارىنىڭ ومىرشەڭدىك كۇشى تاسقىندادى
来源:جۇڭگو قازاق راديو تورابى |责编：巴特勒| 发布日期: 2024-07-09 14:54
ءوز حابارىمىز: جازعى دەمالىس كەزىندە مادەنيەت ـ ساياحات بازارى جاندانا ءتۇستى. جەر-جەرلەر سالقىن جەرلەرگە بارىپ دەمالۋ، تۋىس ـ تۋعان، بالا ـ شاعامەن بىرگە سەيىلدەۋ، تۇنگى بازار سياقتى تۇتىنۋ تۇيىندەرىن ارقاۋ ەتىپ، ساياحات جەلىسىن ساپالاندىرىپ، ساياحات، سەيىل-سەرۋدەن تۇرلەرىن بايىتىپ، الۋان ءتۇرلى سۇرانىستى قاناعاتتاندىرىپ، تۇتىنۋ فورماسىندا ۇزدىكسىز جاڭالىق اشىپ، جازعى مادەنيەت ـ ساياحات ونىمدەرىمەن قامداۋدى كۇشەيتتى. ساياحات ساپارىنداعى تىڭ تۇيىندەر جانە تۇتىنۋدىڭ جاڭا فورمالارى جارىققا شىعىپ، تۇتىنۋدىڭ ومىرشەڭدىك كۇشىن ۇزدىكسىز تاسقىنداتتى.
جازعى ساياحاتتىڭ قاۋىرت ورلەۋىن قارسى الۋ ءۇشىن، حايناننىڭ سانيا قالاسىنداعى كوپتەگەن كورىنىس رايوندارى ايىرىقشا باۋراۋ قۋاتىنا يە ءبىر توپ ەرەكشە ساياحات ونىمدەرىن جوبالادى. كوپتەگەن كورىنىس وڭىرلەرى حايناننىڭ "ۇشاق بەلەتى مەن كورىنىس تۇيىندەرىنىڭ ەسىك بەلەتى جاعىنداعى جەڭىلدىك بەرۋ ناۋقانىنا" بەلسەنە قاتىناستى، قيمىل كەزىندە تيىمدىلىك ناۋقانىنىڭ ۇشاق بەلەتىن العان ساياحاتشىلار كەزەكشى ۇشاق ۇشقان كۇننەن باستاپ 15 كۇن ىشىندە ءاربىر كورىنىس وڭىرىنە ءبىر رەت تەگىن كىرە الادى. سانيا توڭكەرىستىك جەلەكتىلەر ارمياسى اتىنداعى كورىنىس رايونى ايگىلى ماركا جالپىلاستىرۋ ءبولىمىنىڭ باستىعى ۋاڭ كىپىڭ بىلاي دەدى: 7 ـ ايدىڭ 1 ـ كۇنىنەن باستاپ ۇشاق بەلەتىن ساتىپ الۋ ارقىلى تۇتاس باقشانىڭ ساياحات بەلەتىنەن يگىلىكتەنۋگە بولادى، جازدىق دەمالىس كەزىندە ورتا مەكتەپ وقۋشىلارى مەن جوعارى مەكتەپ وقۋشىلارى كورىنىس ءوڭىرىمىزدى تەگىن تاماشالاي الادى.
سانياداعى ءارقايسى قوناق ۇيلەر مەن ساياحات كومپانيالارى ءتيىمدى توپتىق بەلەت قيمىلىن، سونداي ـ اق " تۋىس ـ تۋعان، اكە ـ شەشە، بالا-شاعامەن سانيادا 5 كۇن سەيىلدەۋ» ءتيىمدىلىك قيمىلى سىياقتى يكەمدى شارالاردى اتقارىپ، ساياحاتشىلاردى باۋرادى. بەلگىلى مادەنيەت ساياحات توبى كاسپورنىنىڭ حاينان وڭىرىندەگى ساياحات ىستەرىنە جاۋاپتى قىزمەتكەرى شۇي جين بىلاي دەدى: بيىل جازعى دەمالىس كەزىندە، سانياعا كەلەتىن ۇشاق بەلەتى مەن قوناق ءۇي باعاسى توتەنشە ىڭعايلى بولۋدا، 100 گە جۋىق قوناق ءۇي 3-12 جاس ارالىعىنداعى بالالارعا جازدىق لاگەر ۇيىمداستىردى، ءار اپتاداعى ويىن تۇرلەرى ءبىر-بىرىنە ۇقسامايدى.
جازدىق دەمالىس مەزگىلىندە، جياڭسۋ ولكەسى نانجيڭ قالاسى شۋان - ۋ رايونى تاماشا سيفرلى ويىن جەلىسى ، گۇل تاماشالاۋ سىياقتى جاڭا مانگە يە 7 ساياحات لەنياسىن اشتى. شۋانۋ سيفرلى ساياحاتى مەن سەيىل ـ سەرۋەن كارتۋچكاسىنىڭ ەلەكتروندىق قاريتاسى دا قالا تۇرعىندارى مەن ساياحاتشىلارعا شىت جاڭا اسەر سيلادى. نانجيڭ قالاسى شۋان ـ ۋ رايونى مادەنيەت ـ ساياحات مەكەمەسىنىڭ باستىعى يە دۇڭمەي بىلاي دەدى: قالا تۇرعىندارى جاڭا ويىن ءادىسى جونىندە ىزدەنىس جاساۋمەن بىرگە، شۋانۋ ويىن تۇرلەرىندەگى جاڭاشا ۇلگى مەن عىلىم ـ تەحنيكالىق كەرەمەتتەردى شىنايى سەزىندى.
نانجيڭدەگى شيڭگۋاڭ كەشكى بازارىندا كەشقۇرىمنان باستاپ، سۋ كورىنىسىن تاماشالاۋعا جانە جەرلىك تاعامداردان ءدام تاتۋعا كەلگەن قالا تۇرعىندارىنىڭ اياعى ۇزىلمەدى، كەشكى بازار قالاداعى ەڭ دۋماندى جەرگە اينالدى. بازار ۇيىمداستىرۋشى حان مىرزا بىلاي دەدى: ساياحاتشىلار قۇشىرلانا تاماقتانۋمەن بىرگە، سۋ كورىنىستەرىنەن ءلاززات الىپ، راقاتقا بولەنەدى.
اۋدارعان: شالقار قازەز ۇلى
