ءوز حابارىمىز. ورتالىق اۋا رايى ستانسياسى 7-ايدىڭ 24-كۇنى تاڭەرتەڭ ساعات 6 دا نوسەرلى جاڭبىردىڭ سارى ءتۇستى ساقتىق ەسكەرتۋىن جالعاستى جاريالادى: مەجەمەن 7-ايدىڭ 24-كۇنى ساعات 8 دەن 25-كۇنى ساعات 8 گە دەيىن، شانشيدىڭ سولتۇستىك بولەگى، سانشيدىڭ ورتا بولەگى، حىبەيدىڭ باسىم كوپ بولەگى، بەيجيڭ، تيانجين، شاندۇڭنىڭ باتىس سولتۇستىك بولەگى، سىچۋان ويپاتىنىڭ باتىس بولەگى مەن وڭتۇستىك بولەگى، گانسۋدىڭ شىعىس بولەگى، جىجياڭنىڭ شىعىس وڭتۇستىك بولەگى، فۋجياننىڭ شىعىس بولەگى، تايۋان ارالى قاتارلى جەرلەردىڭ ءىشىنارا رايوندارىندا نوسەر جاۋادى، سۋ يگىلىگى مينيسترلىگى مەن جۇڭگو اۋا رايى مەكەمەسى 7-ايدىڭ 23-كۇنى ساعات 18 دە تاسقىن اپاتى جونىندە قىزىل ءتۇستى اۋا رايىنان الدىن الا ەسكەرتۋ بەردى. جەر-جەر، تاراۋلار اپاتقا بار كۇشپەن توتەپ بەرىپ، حالىق بۇقاراسىنىڭ ءومىرى مەن مال-مۇلكىنىڭ حاۋىپسىزدىگىنە شىنايى كەپىلدىك ەتۋدە. 

 

 شانشي ولكەسى 7-ايدىڭ 23-كۇنى كەشتەن باستاپ ەڭ كۇشتى نوسەرلى جاڭبىر كەزەڭىنە ءوتتى، شانشي ولكەلىك جاراتىلىستىق بايلىق مەڭگەرمەسى مەن شانشي ولكەلىك اۋا رايى مەكەمەسى گەولوگيالىق اپات، اۋا رايى حاۋىپ-قاتەرى جونىندەگى ساقتىق سيگنالىن بىرلەسىپ جاريالادى، جەر-جەر، قاتىستى تاراۋلار شارلاۋ-تەكسەرۋدى، ءبىر-بىرلەپ تەكسەرۋدى كۇشەيتىپ، ءبىرىنشى شەپتەگى سايكەسۋ مەحانيزمىن تياناقتاندىرىپ، ادامداردىڭ حاۋىپسىز جوتكەلۋىن بار كۇشپەن جاقسى ىستەۋلەرى كەرەك.

 

 «ميگى» اتتى 3-ءنومىرلى تايفيڭ داۋىلىنىڭ اسەرىنەن، ەلىمىزدىڭ تايۋان، فۋجيان، جىجياڭ قاتارلى ورىندارىندا بوران شاشىن كوبەيدى. فۋجيان ولكەسى شىعىس فۋجيان بالىقشىلىق الابى، ورتا فۋجيان بالىقشىلىق الابى، وڭتۇستىك فۋجيان بالىقشىلىق الابى، فۋجيان ولكەسىنىڭ ماڭىنداعى بالىقشىلىق الابىنا جانە دياۋيۇيداۋ ارالى تەڭىز ايدىنىنا ورنالاسقان بالىقشىلىق كەمەلەرىنەن، ءسوز جوق، 7-ايدى 24-كۇنى ساعات 12 دەن بۇرىن جاقىن ماڭداعى پورتتارعا بارىپ بوراننان ساقتانۋدى، كەمەدەگى ادامداردى تۇگەلدەي جاعاعا شىعارۋدى تالاپ ەتتى.

 

 مەجەگە قاراعاندا، 7-ايدىڭ 25-كۇنىنەن 26-كۇنىنە دەيىن جىجياڭ ولكەسىنىڭ تەڭىز جاعاسى رايوندارىندا نەداۋىر قاتتى جاڭبىر جاۋادى، ىشنارا رايونداردا ەرەكشە قاتتى جاڭبىر جاۋادى. جىجياڭنىڭ كوپ جەرى تايفىڭ داۋىلىنان ساقتانۋ شۇعىل جاعدايعا توتەپ بەرۋ شاراسىن ىسكە قوستى، بالىق شارۋاشىلىعى تاراۋلارى بالىقشىلىق كەمەلەرىنىڭ تايفىڭ داۋىلىنان ساقتانۋ قىزمەتىن ويداعىداي ىستەۋىنە قۋزاۋشىلىق ەتتى.

 

اۋدارعان: نازار ءارىپ ۇلى