ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

شياڭگاڭدىق، اۋمىندىق، تايۋاندىق ءار سالا قايراتكەرلەر بىلاي دەستى: ج ك پ 20-كەزەكتى ورتالىق كوميتەتىنىڭ ءۇشىنشى جالپى ءماجىلىسى ۇلتتىڭ كوركەيۋىنە كۇش-قۋات توپتايدى

来源:جۇڭگو قازاق راديو تورابى     |责编:达吾力别克 |     发布日期: 2024-07-24 10:41
ءوز حابارىمىز. شياڭگاڭ، اۋمىن، تايۋانداعى ءار سالا قايراتكەرلەر بىلاي دەستى: ج ك پ 20-كەزەكتى ورتالىق كوميتەتىنىڭ ءۇشىنشى جالپى ماجىلىسىندە جۇڭگو ۇلگىسىندەگى وسىزامانداندىرۋ سىندى نەگىزگى تاقىرىپ مىقتى يگەرىلىپ، رەفورمانى ونان ارى جالپى بەتتىك تەرەڭدەتۋدىڭ ستراتەگيالىق شارالارى بەلگىلەنىپ، مەملەكەتتى قۇدىرەتتەندىرۋ قۇرىلىسى مەن ۇلتتىڭ كوركەيۋىنە كۇش-قۋات توپتادى.
 
شياڭگاڭ رايونىنداعى مەملەكەتتىك ساياسي كەڭەستىڭ مۇشەسى، شياڭگاڭ وقۋ-اعارتۋ داشۋەسىنىڭ باستىعى لي زىجيان بىلاي دەدى: ايبىندى جوبا العا باسۋ بەتالىسىنا جەتەكشىلىك ەتىپ، رەفورمانى ونان ارى جالپى بەتتىك تەرەڭدەتۋ بارىسىندا جۇڭگو ۇلگىسىندەگى وسىزامانداندىرۋدىڭ كەڭ بولاشاعىن اشادى. لي زىجيان بىلاي دەدى: جالپى ءماجىلىستىڭ مازمۇنداماسىنان شياڭگاڭ، اۋمىن قىزمەتىن ۇزدىكسىز ىلگەرىلەتۋدە مەملەكەتتىڭ شياڭگاڭعا باستان-اياق كوڭىل ءبولىپ، قامقورلىق جاساپ وتىرعانىن كورۋگە بولادى. شياڭگاڭ مەملەكەتتىڭ جۇڭگو ۇلگىسىندەگى وسىزامانداندىرۋدى ىلگەرىلەتۋىنەن تۋىنداعان ماڭىزدى ورايدى مىقتى يگەرىپ، «ءبىر ەل، ەكى ءتۇزىمنىڭ» وزگەشە باسىمدىعىن ويداعىداي ساۋلەلەندىرىپ، ەكونوميكا مەن قوعامنىڭ جوعارى ساپالى دامۋىن ىلگەرىلەتىپ، ەلىمىزگە ۇلەس قوسۋى كەرەك.
 
شياڭگاڭ ونەركاسىپ-ساۋدا سالاسىنداعى قايراتكەر چىن يۇيشۋ بىلاي دەدى: ءۇشىنشى جالپى ءماجىلىستىڭ مازمۇنداماسىندا سىرتقا ەسىك اشۋعا تاباندى بولۋ كەرەكتىگى ايقىن اتاپ كورسەتىلىپ، حالىقارالىق سەلبەستىكتى كەڭەيتۋ بارىسىندا ەسىك اشۋ قابىلەتىن جوعارىلاتۋ كەرەك، -دەپ باسا دارىپتەلدى. شياڭگاڭ حالىقارالىق فينانس ورتالىعى رەتىندە، «ءبىر ەل، ەكى ءتۇزىم» جاعدايىندا ەرەكشە باسىمدىققا يە. شياڭگاڭنىڭ ونەركاسىپ-ساۋدا سالاسى ورتالىق كوميتەتتىڭ ءۇشىنشى جالپى ءماجىلىسى شياڭگاڭ ەكونوميكاسىنىڭ دامۋىنا سەنىم جانە كۇش قوستى دەپ قارايدى.
 
اۋمىن ەرەكشە اكىمشىلىك رايونى مەملەكەتتىك حالىق قۇرىلتايىنىڭ ۋاكىلى، اۋمىن جۇمىسشى ۇيىمى بىرلەسكەن باس قوعامىنىڭ باستىعى حى شۋەچيڭ بىلاي دەپ قارايتىندىعىن ايتتى: ءتوراعا شي جينپيڭ جۇڭگونىڭ رەفورمانى ونان ارى جالپى بەتتىك تەرەڭدەتۋىنە جەتەكشىلىك ەتىپ، رەفورمانى جالپى بەتتىك تەرەڭدەتۋدى جەبەيتىن ءبىر قىدىرۋ جۇيەلى ورنالاستىرۋلار جاساپ، اۋمىن تۇرعىندارىن قامتىعان بۇكىل ەل حالقىنىڭ دامۋ سەنىمىن ارتتىردى. اۋمىن وسى ورايدى ويداعىداي يگەرىپ، دۇرىس جولدان كوز جازباي، جاڭالىق جاراتۋ رۋحىمەن ءتۇزىلىس مەحانيزمىن كەمەلدەندىرىپ، اۋمىننىڭ وزگەشە باسىمدىعىن ونان ارى ساۋلەلەندىرىپ، ۇلكەن شىعاناق رايونى مەن تەرەڭ توعىسقان رايون قۇرىلىسىنا بەلسەنە ات سالىسىپ، ەكونوميكانىڭ ۇيلەسىمدى، كوپ نەگىزدى بولۋىن ىلگەرىلەتۋمەن بىرگە، مەملەكەتتىڭ جوعارى دەڭگەيدەگى سىرتقا ەسىك اشۋدى كەڭەيتۋىنە دەم بەرۋى كەرەك.
 
اۋمىن ەرەكشە اكىمشىلىك رايونى زاڭ شىعارۋ كەڭەسىنىڭ مۇشەسى، اۋمىن عىلىم-تەحنيكا داشۋەسى باستىعىنىڭ ورىنباسارى پاڭ چۋان بىلاي دەدى: اۋمىننىڭ ءار سالاسى ءۇشىنشى جالپى ءماجىلىس رۋحىنىڭ جەتەكشىلىگىندە ەكونوميكانىڭ كوپ نەگىزدى دامۋىن جەبەپ، حالىق تۇرمىسىن ۇزدىكسىز جاقسارتىپ، گۋاڭدۇڭ-شياڭگاڭ-اۋمىن ۇلكەن شىعاناق رايونى قۇرىلىسىن بەلسەنە ىلگەرىلەتىپ، مەملەكەتتىڭ دامۋ جالپى جاعدايىمەن اناعۇرلىم توعىسادى. رەفورمانى جالپى بەتتىك تەرەڭدەتۋ ارقىلى جاڭا جاعدايداعى «ءبىر ەل، ەكى ءتۇزىمنىڭ» جاڭا امالياتىن اشۋعا ىزدەنىس جاساپ، مەملەكەتتى قۇدىرەتتەندىرۋ قۇرىلىسىنا، ۇلتتى كوركەيتۋ ۇلى ىسىنە تىڭ ۇلەس قوسۋعا قۇلشىنادى.
 
تايۋان بۇعازى ەكى جاعالاۋ ەكونوميكا-ساۋدا، مادەنيەت اۋىس-كۇيىس قوعامىنىڭ باس حاتشىسى دىڭ دايشيان بىلاي دەدى: مەنىڭشە، بۇكىل جەر شارى ەكونوميكاسىنىڭ ۇلكەن ورتاسى جاقسى بولماعان وسىنداي جاعدايدا ءۇشىنشى جالپى ءماجىلىستى اشىپ، بولاشاقتاعى ەكونوميكالىق دامۋعا نەگىز قالاۋ سىندى وسى ەڭ ماڭىزدى ساياسات پەن جوبا توتەنشە ماڭىزدى. 
 
تايۋان اقپارات قىزمەتكەرى حۋاڭ جىشيان بىلاي دەدى: رەفورما جاساپ، ەسىك اشقاننان بەرى تايۋان ۇلى قۇرلىقتىڭ دەمەۋىنەن بارىنشا يگىلىك كوردى. ەكى جاعالاۋ تىزە قوسا العا باسۋى، ىنتىماقتاسۋى كەرەك، ءبىز ەلىمىزدى ورتاق كۇش سالا دامىتۋىمىز، مەملەكەتتى بايىتىپ، ۇلتتى كوركەيتۋىمىز كەرەك. 
 
اۋدارعان: قاناتبەك جۇماباي ۇلى
 

中央广播电视总台 央广网 版权所有

شياڭگاڭدىق، اۋمىندىق، تايۋاندىق ءار سالا قايراتكەرلەر بىلاي دەستى: ج ك پ 20-كەزەكتى ورتالىق كوميتەتىنىڭ ءۇشىنشى جالپى ءماجىلىسى ۇلتتىڭ كوركەيۋىنە كۇش-قۋات توپتايدى

شياڭگاڭ، اۋمىن، تايۋانداعى ءار سالا قايراتكەرلەر بىلاي دەستى: ج ك پ 20-كەزەكتى ورتالىق كوميتەتىنىڭ ءۇشىنشى جالپى ماجىلىسىندە جۇڭگو ۇلگىسىندەگى وسىزامانداندىرۋ سىندى نەگىزگى تاقىرىپ مىقتى يگەرىلىپ، رەفورمانى ونان ارى جالپى بەتتىك تەرەڭدەتۋدىڭ ستراتەگيالىق شارالارى بەلگىلەنىپ، مەملەكەتتى قۇدىرەتتەندىرۋ قۇرىلىسى مەن ۇلتتىڭ كوركەيۋىنە كۇش-قۋات توپتادى.