ءوز حابارىمىز. پارتيا 20-كەزەكتى ورتالىق كوميتەتىنىڭ ءۇشىنشى جالپى ماجىلىسىندە پارتيا مەن مەملەكەت ىستەرى دامۋىنىڭ جالپى جاعدايى سىندى ستراتەگيالىق ورە شىعار ءتۇيىن ەتىلىپ، رەفورمانى ونان ارى جالپى بەتتىك تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ ماسەلەسى ءتۇيىندى تۇردە زەرتتەلدى. جەر-جەردەگى كادرلار جانە بۇقارا مىنالاردى ءبىلدىردى: جالپى ءماجىلىس رۋحىن ويداعىداي ۇيرەنۋ جانە دايەكتەندىرۋدى كەزەكتەگى جانە بۇدان كەيىنگى بىر مەزگىلدەگى ماڭىزدى ساياسي مىندەت دەپ ءبىلىپ، يدەيا مەن ارەكەتتى جالپى ءماجىلىس رۋحى بويىنشا شىنايى بىرلىككە كەلتىرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدى تىعىز توڭىرەكتەپ، رەفورمانى ونان جالپى تەرەڭدەتىپ تەرەڭدەتىپ، جاڭا داۋىردەگى رەفورما جاساۋ-ەسىك اشۋدىڭ تىڭ داستانىن ۇزدىكسىز جازۋعا كۇش سالامىز.

 

رەفورما جاساپ، ەسىك اشۋ—پارتيا مەن حالىق ىستەرىنىڭ ارشىندى قاداممەن داۋىرگە ىلەسۋىنىڭ ماڭىزدى اسىلى، زامانىمىزداعى جۇڭگونىڭ ەڭ كورنەكتى ەرەكشەلىگى، ەڭ ايبىندى بەينەسى. كوپشىلىك مىنالاردى ءبىلدىردى: جاڭا داۋىردەن بەرگى رەفورمانى جالپى بەتتىك تەرەڭدەتۋدىڭ تابىستى امالياتى مەن ۇلى تابىسى، تۇپتەپ كەلگەندە، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى رەتىندە جول نۇسقاپ، رول ۇستاعاندىعىنىڭ ارقاسىندا ىسكە استى، سونداي-اق ول شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ، «ەكىنى تۇراقتاندىرۋدىڭ» ءتۇرلى حاۋىپ-قاتەرلەر مەن سىن-سايىستارعا توتەپ بەرۋدە، جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋدە شەشۋشى مانگە يە ەكەندىگىن تولىق دالەلدەدى. ءۇرىمجى كەدەنى پارتكومىنىڭ شۋجيى حاۋ ۋيميڭ بىلاي دەدى: شينجياڭ سالىستىرمالى تۇردە تۇيىق ىشكى قۇرىلىقتان سىرتقا ەسىك اشۋدىڭ الدىڭعى شەبىنە اينالدى. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، «ەكىنى تۇراقتاندىرۋدىڭ» شەشۋشى ءمانىن تەرەڭ ءتۇسىنىپ، زەيىندەستىرىلگەن كەدەن قۇرىلىسىن جەتەكشى ەتىپ، اناعۇرلىم كوپ ناقتى رەفورما جەتىستىكتەرىن ۇزدىكسىز جارىققا شىعارىپ، مەملەكەتتىڭ سىرتقا ەسىك اشۋ جالپى جاعدايىنا بار كۇشپەن قىزمەت وتەيمىز. 

 

حىبەي شيۇڭ-ان جاڭا رايونى باسقارۋ كوميتەتى مەڭگەرۋشىسىنىڭ ورىنباسار ديڭ شياۋلۇڭ بىلاي دەدى: شيۇڭ-ان جاڭا رايونى—جاڭا داۋىردەگى رەفورما جاساپ-ەسىك اشۋدىڭ جاڭا بەلگىسى دەۋگە بولادى. ءبىز يدەيا مەن ارەكەتتى وسى رەتكى جالپى ءماجىلىستىڭ رۋحىمەن بىرلىككە كەلتىرىپ، ءتۇزىلىس مەحانيزمى رەفورماسىن ونان ارى تەرەڭدەتۋىمىز كەرەك. رەفورما توقتامايدى، ەسىك اشۋ توقتامايدى. باس شۋجي شي جينپيڭنىڭ رول ۇستاپ جول نۇسقاۋىندا، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە، جۇڭگو ۇلگىسىندەگى وسىزامانداندىرۋدا ءسوز جوق، كەڭ بولاشاق اشىلادى. 

 

جالپى ءماجىلىستىڭ ەڭ ماڭىزدى تابىسى «ج ك پ ورتالىق كوميتەتىنىڭ رەفورمانى ونان ارى جالپى بەتتىك تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ جونىندەگى قاۋلىسىن» قاراپ ماقۇلداۋ بولدى. «قاۋلىدا» 300 دەن استام ماڭىزدى رەفورما شاراسى ورتاعا قويىلىپ، رەفورمانى جالپى بەتتىك تەرەڭدەتۋگە جۇيەلى ورنالاستىرۋ جاسالدى. تيانجين قالاسى بينحاي جاڭا رايونىنىڭ باستىعى شان زىفىڭ بىلاي دەدى: ءبىز جالپى ءماجىلىستىڭ ءتۇرلى شەشىمدەرى مەن ورنالاستىرۋلارىن باتىل تياناقتاندىرىپ، رەفورما جاساۋ-ەسىك اشۋدا الدىمەن اتقارىلاتىن رايون قۇرىلىسى ينجەنەرياسىن ىشكەرىلەي جۇرگىزىپ، عىلىم-تەحنيكادا جاڭالىق جاراتۋ، كاسىپ سالاسىن جاڭارتۋ، ەركىن ساۋدا جاسامپازدىعى، قالانى جاڭالاۋ سياقتى ءتۇيىندى سالالاردا تاعى ءبىر توپ كەلەلى رەفورما شارالارىن كۇش سالا جوبالاپ، بازار نەگىزگى تۇلعالارى رەفورماسى، تيجارات-ساۋدا ورتاسى رەفورماسى جانە باسقارۋ ءتۇزىلىسى رەفورماسى سياقتى شەشۋشى سالالاردا اناعۇرلىم كوپ تىڭ تابىستارعا قول جەتكىزۋگە كۇش سالامىز.

 

ىشكى موڭعۇل اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى باستىعىنىڭ ورىنباسارى لي ۋىنگاڭ بىلاي دەدى: ءبىز ماسەلەدەن تايسالماي، ماسەلەنى كوزدەي وتىرىپ تۇزەتىپ، بۇقارانىڭ مۇڭ-مۇقتاجىن ويداعىداي شەشىپ، جوعارى ساپالى، تولىق جۇمىستاندىرۋدى جەبەۋدى تىعىز توڭىرەكتەي، جۇمىسقا ورنالاستىرۋ ءتۇزىلىس-مەحانيزمى رەفورماسىن تەرەڭدەتىپ، تاراۋلار سايكەستى بىرلەسىپ قيمىلدايتىن، قوعام جالپى بەتتىك ات سالىساتىن جۇمىستاندىرۋ قىزمەت جۇيەسى قۇرۋعا كۇش سالۋدامىز.

 

رەفورما جەلكەن جايىپ، نىق قاداممەن العا تارتتى، جورىق دابىلى قاعىلىپ، تاعى دا تىڭ ساپار باستالدى. كوپشىلىك مىنالاردى ءبىلدىردى: جالپى ءماجىلىستىڭ رۋحىن ويداعىداي ۇيرەنۋ-دايەكتەندىرۋدى كەزەكتەگى جانە بۇدان بىلايعى ءبىر مەزگىلدەگى كەلەلى ساياسي مىندەت ەتىپ، شەگە قاعۋ رۋحىمەن رەفورمانىڭ ءتۇرلى مىندەتتەرىن تياناقتاندىرۋدى، ناقتىلاندىرۋدى ويداعىداي يگەرىپ، رەفورمانى ونان ارى جالپى بەتتىك تەرەڭدەتۋدىڭ ستراتەگيالىق ورنالاستىرۋىن جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ قۇدىرەتتى كۇشىنە اينالدىرامىز.

 

حىنان ولكەلىك اۋىل شارۋاشىلىعى، اۋىل-قىستاق مەڭگەرمەسى پارتگرۋپپاسىنىڭ شۋجيى سۇن ۋيفىڭ بىلاي دەدى: جالپى ماجىلىستە: قالا مەن اۋىلدىڭ توعىسپالى دامۋى-جۇڭگو ۇلگىسىندەگى وسىزامانداندىرۋدىڭ تابيعي تالابى دەپ العا قويىلدى. حىنان ولكەسى ءسوز جوق، باتىلدىقپەن ىزدەنىس جاساپ، ءتۇرلى بەلسەندى فاكتورلاردى اۋىل شارۋاشىلىعى، اۋىل-قىستاق سالاسىنا جۇيەلى شوعىرلاندىراتىن ءتۇزىلىس مەحانيزمىن ورناتىپ، قالا مەن اۋىلدى ءبىر تۇلعالاندىرۋ جوباسىن، اۋىل-قىستاقتى ءبىر تۇلعالاندىرىپ قۇرۋدى، ەگىمشىلىك پەن باعىمشىلىقتى ءبىر تۇلعالاندىرىپ اينالىمعا سالۋدى ىلگەرىلەتىپ، استىق حاۋىپسىزدىگىن باتىل تۇردە ورنىقتىرۋ سىندى اۋىر مىندەتتى باتىل ارقالاپ، اۋىل-قىستاقتى جالپى بەتتىك كوركەيتۋدى ۇزدىسكىز ىلگەرىلەتەدى.

 

چيڭحاي ولكەلىك دامۋ جانە رەفورما كوميتەتى ەكولوگيالىق وركەنيەت قۇرىلىسى باسقارماسىنىڭ باستىعى پۋ شياۋبو بىلاي دەدى: جالپى ماجىلىستە ەكولوگيالىق وركەنيەت ءتۇزىلىسى رەفورماسىن ونان ارى تەرەڭدەتۋگە جۇيەلى ورنالاستىرۋ جاسالدى.ءبىز مەملەكەت جەرى كەڭىستىگىن اشۋ، ەكولوگيالىق ورتانى وڭاۋ، مەملەكەتتىك باقشا باسقارۋ، جاسىل، تومەن كومىرتەكتى دامۋ سياقتى ءتۇيىندى سالالارداعى رەفورما مەن تۇزىمدە شوعىرلى تۇردە جاڭالىق جاراتۋدى ىلگەرىلەتىپ، ەكولوگيالىق وركەنيەت نەگىزىن ۇزدىكسىز بەكەمدەپ، ادام مەن تابيعاتتىڭ جاراسىمدىلىعىن جەبەپ، چيڭحاي-شيزاڭ ءۇستىرتىن ەكولوگيالىق وركەنيەت بيىگىنە اينالدىرۋعا قۇلشىنامىز. 

 

اۋدارعان: قاناتبەك جۇماباي ۇلى