ءوز حابارىمىز. ەلىمىزدىڭ جەر-جەرىندەگى كادرلار مەن بۇقارا پارتيا 20-كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن مۇقيات ۇيرەنۋدە. كوپشىلىك ءبىر اۋىزدان مىنالاردى ءبىلدىردى: جالپى ماجىلىستە رەفورمانى ونان ارى جالپى بەتتىك تەرەڭدەتۋگە، جۇڭگو ۇلگىسىندەگى وسىزامانداندىرۋدى ىلگەرىلەتۋگە ءبىرسىپىرا ستراتەگيالىق ورنالاستىرۋلار جاسالىپ، رەفورمانى سوڭىنا دەيىن جۇرگىزەتىن بەرىك بەكىم مەن تاريحي جاۋاپكەرشىلىك ايگىلەندى. جاڭا ءداۋىر، جاڭا جورىقتا يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، تىڭعىلىقتى ءىس جۇزىندىكتى ەكونوميكانىڭ جوعارى ساپالى دامۋىنا دەم بەرەتىن ومىرشەڭدىك كۇش، قوزعاۋشى كۇش ەتىپ، جاڭا داۋىردەگى رەفورما جاساۋ-ەسىك اشۋدا تىڭ تاراۋ جازۋعا قۇلشىنامىز.

 

پارتيا 18-قۇرىلتايىنان بەرى، باس شۋجي شي جينپيڭ ۇلى تاريحي ىرىقتىلىق رۋحىمەن، وراسان زور ساياسي باتىلدىقپەن، كۇشتى جاۋاپكەرشىلىكپەن رەفورمانى جالپى بەتتىك تەرەڭدەتۋگە كەلەلى ستراتەگيالىق ورنالاستىرۋ جاساپ، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن باستاپ، بۇرىن بولماعان تەبىنمەن ىستەرىمىزدىڭ دامۋىنا تىڭ ءورىس اشتى. قالىڭ كادرلار مەن بۇقارا مىنالاردى ءبىلدىردى: باس شۋجي شي جينپيڭنىڭ رول ۇستاپ، جول باستاۋىندا ەلىمىز كوپتەگەن سالالاردا تاريحي وزگەرىستى، جۇيەلىلىكتى قايتا سومداۋدى، جالپى تۇلعالىق سيپاتتى قايتا تۇلعالاۋدى جۇزەگە اسىرىپ، رەفورمانى جالپى بەتتىك تەرەڭدەتۋدە تاريحي ۇلى تابىستارعا قول جەتكىزدى.

 

شاندۇڭ ولكەلىك پارتكوم باس حاتشىسىنىڭ ورىنباسارى، رەفورما كەڭسەسى مەڭگەرۋشىسىنىڭ ورىنباسارى جاڭ زوتيڭ بىلاي دەدى: پارتيا 18-قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى رەفورمانى جالپى بەتتىك تەرەڭدەتۋدى بۇرىن بولماعان بەكىممەن جانە تەبىنمەن ىلگەرىلەتىپ، كەدەرگىلەردى الاستاپ، كىناراتتاردى جويىپ، بوگەتتەردى ارىلتىپ، رەفورمانى جالپى بەتتىك تەرەڭدەتۋدى ىلگەرىلەتۋدە تاريحي سيپاتتى، توڭكەرىس سيپاتتى، جاسامپازدىق سيپاتتى تابىس تابىستارعا قول جەتكىزدى.ءبىز، ءسوز جوق، باس شۋجي شي جينپيڭنىڭ رەفورمانى جالپى بەتتىك تەرەڭدەتۋ جونىندەگى ءبىرسىپىرا جاڭا يدەيالارىن، جاڭا كوزقاراستارىن، جاڭا تۇجىرىمدارىن تەرەڭ ءتۇسىنىپ، «قاۋلىداعى» كەلەلى ورنالاستىرۋلارمەن سالىستىرىپ، دايەكتى تياناقتاندىرۋدى جالپى بەتتىك مىقتى يگەرۋىمىز كەرەك.

 

گۋاڭشي جۋاڭزۋ اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى پارتگرۋپپاسىنىڭ شۋجيى، مەڭگەرمە باستىعى ۋاڭ يۇڭچاۋ بىلاي دەدى: باس شۋجي شي جينپيڭنىڭ رەفورمانى جالپى بەتتىك تەرەڭدەتۋدى تىكەلەي جوسپارلاپ، تىكەلەي ورنالاستىرىپ، تىكەلەي ىلگەرىلەتۋىندە، ەلىمىزدىڭ ەكونوميكاسى مەن قوعامىندا دۇنيەنى جالت قاراتقان ۇلى تابىستارعا قول جەتتى. وسى كەزەكتى جالپى ءماجىلىستىڭ رەفورمانى ونان ارى جالپى بەتتىك تەرەڭدەتۋ جونىندەگى قاۋلىسى پارتيا 18-كەزەكتى ورتالىق كوميتەتىنىڭ ءۇشىنشى جالپى ماجىلىسىنەن بەرگى رەفورمانى جالپى بەتتىك تەرەڭدەتۋ ءامالياتىنىڭ جالعاسى، سونىمەن بىرگە جاڭا جورىقتا جۇڭگو ۇلگىسىندەگى وسىزامانداندىرۋدى ىلگەرىلەتۋدەگى ءداۋىردىڭ تىڭ تاراۋى، ول شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ رەفورمانى سوڭىنا دەيىن جۇرگىزەتىن بەرىك بەكىمى مەن كۇشتى جاۋاپكەرشىلىگىن تولىق ايگىلەيدى. جالپى ماجىلىستە جاڭا كەزەكتى رەفورما مىندەتتەرى جۇڭگو ۇلگىسىندەگى وسىزامانداندىرۋدى تىعىز توڭىرەكتەي جوسپارلاندى جانە ورنالاستىرىلدى،   جولى، بەتالىسى ايقىن بولدى، ول جاڭا ءداۋىر، جاڭا جورىقتا رەفورمانى ونان ارى جالپى بەتتىك تەرەڭدەتۋدىڭ ارەكەت باعدار كورسەتكىشى، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ داۋىرلىك جاڭا تاراۋى.

 

انحۇي ولكەسى حىفي قالاسى شينجان جوعارى جاڭا تەحنيكا رايونى ەكونوميكا جانە دامۋ مەكەمەسى باستىعىنىڭ ورىنباسارى ليۋ شينشين بىلاي دەدى: ءبىز پارتيا 20-كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن ىشكەرىلەي ۇيرەنىپ، رەفورمانىڭ كەلەلى ءمانى مەن نىسانا مىندەتىن دۇرىس ءتۇسىنىپ، جاڭا ساپالى وندىرگىش كۇشتەردى جەدەل جەتىلدىرىپ جانە دامىتىپ، حالىقارالىق باسەكەلىك قۋاتقا يە دۇنيە جۇزىلىك دەڭگەيدەگى جاڭاشا ەكران ونىمدەرى كاسىبى شوعىرىن قۇرۋعا كۇش سالامىز.

 

يۇننان ولكەسى كۇنميڭ قالالىق ەكولوگيالىق ورتا مەكەمەسى باستىعىنىڭ ورىنباسارى جاڭ كاي بىلاي دەدى: ءبىز پارتيا 20-كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتەندىرىپ، شي جينپيڭنىڭ ەكولوگيالىق وركەنيەت يدەياسىنىڭ جەتەكشىلىگىندە، جۇيەلى كوزقاراسقا تاباندى بولىپ، ەكولوگيالىق وركەنيەت ءتۇزىلىسى رەفورماسىن ونان ارى تەرەڭدەتىپ، ەكولوگيانى الدىمەن ويلاستىرۋدان، جاسىل دامۋ جولىمەن جۇرۋدەن اۋىتقىماي،   باتىس وڭتۇستىك ەكولوگيالىق حاۋىپسىزدىك قالتقىسىن بەكەمدەۋگە كۇش سالامىز.

 

كۇرەس تاريحتى جاراتادى، ناقتى ىستەۋ بولاشاققا جەتكىزەدى. كوپشىلىك مىنانى ءبىلدىردى: قىزمەت ورنىمىزدى تياناق ەتىپ ۇلەس قوسىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە تاسقىنداعان كۇش-قۋات توپتايمىز.

لياۋنيڭ ولكەسى شىنياڭ قالالىق مادەنيەت، ساياحات جانە راديو-تەلەۆيزيا مەكەمەسى پارتگرۋپپاسىنىڭ شۋجيى، مەكەمە باستىعى ليۋ كىبين بىلاي دەدى: ءبىز مادەنيەت قىزمەت وتەۋى مەن مادەنيەت ونىمدەرىمەن قامداۋ مەحانيزمىن ۇزدىكسىز ساپالاندىرىپ، حالىق بۇقاراسىنىڭ بارعان سايىن ارتىپ وتىرعان رۋحاني مادەنيەت قاجەتىن قاناعاتتاندىرۋعا كۇش سالامىز؛ سونىمەن بىرگە ءبىز يدەولوگيالىق قىزمەت جاۋاپكەرلىك ءتۇزىمىن ونان ارى كەمەلدەندىرىپ، توراپتى ۋنيۆەرسال باسقارۋدى كۇشەيتىپ، اناعۇرلىم ءونىمدى حالىقارالىق تاراتىلىم جۇيەسىن ورناتىپ، دۇنيە جۇزىنە جۇڭحۋا مادەنيەتىنىڭ وزگەشە باۋراعىشتىعى مەن جۇڭگونىڭ وسىزاماندانۋىنىڭ شىت جاڭا بەينەسىن ايگىلەۋگە قۇلشىنامىز.

 

حۋاجۇڭ عىلىم-تەحنيكا داشۋەسى پارتكومىنىڭ شۋجيى، جۇڭگو ينجەنەريا اكادەمياسىنىڭ اكادەميگى جاڭ گۋاڭجۇن بىلاي دەدى: حۋاجوڭ عىلىم-تەحنيكا داشۋەسى جوعارى دەڭگەيلى زەرتتەۋ سيپاتىنداعى داشۇە رەتىندە، ءتۇزىلىس-مەحانيزم رەفورماسىن، جاڭالىق جاراتۋدى ءتۇبىرلى جول ەتىپ، وقۋ-اعارتۋ، عىلىم-تەحنيكا، دارىندىلار سىندى ءۇش جاق ءبىر تۇلعالانعان باسىمدىقتى تولىق ساۋلەلەندىرىپ، ءتىپتى دە زور جاۋاپكەرشىلىك جانە تىڭ ناتيجەلەر ارقىلى جۇڭگو ۇلگىسىندەگى وسىزامانداندىرۋدىڭ ايبىندى بولاشاعىن قۇرۋ جولىندا قايراتتانا العا ۇمتىلادى. 

 

اۋدارعان: قاناتبەك جۇماباي ۇلى

 

 

 

 

​