ءوز حابارىمىز: پاريج وليمپياداسى باستالعاننان كەيىنگى 5 ـ جارىس كۇنى بەيجيڭ ۋاقىتى 8-ايدىڭ 1-كۇنى تاڭەرتەڭ اياقتادى، جۇڭگو شەبەرلەرى 3 التىن مەدال الدى. پان جانلى ءوزى ساقتاعان دۇنيە جۇزىلىك رەكوردتى جاڭالاپ، اعا جۇلدەگەر بولىپ، جۇڭگو مالتاۋ كومانداسىنا وسى كەزەكتى وليمپيادانىڭ تۇڭعىش التىن مەدالىن الىپ بەردى. جۇڭگونىڭ ايگىلى مالتاۋ شەبەرى پان جانلى 8-ايدىڭ 1-كۇنى تاڭ اتا اياقتاعان پاريج وليمپياداسىنىڭ ەرلەردىڭ 100 مەترلىك ەركىن مالتاۋ شەشۋشى جارىسىندا 46 سەكۋند 40 تاقىلدىق ناتيجەمەن دۇنيە جۇزىلىك رەكوردتى جاڭالادىءارى اعا جۇلدەگەر بولدى.

پاريج وليمپياداسىنىڭ ايەلدەردىڭ ەركىن دوڭگەلەكتى اربا باقشا جارىسىنىڭ شەشۋشى جارىسىندا، 18 جاستاعى جۇڭگو شەبەرى دىڭ ياۆىن 92.60 نومىرمەن جۇڭگو كومانداسىنىڭ وسى تۇردەگى تۇڭعىش التىن مەدالىن الدى. ايەلدەردىڭ قوس ادامدىق 10 مەترلىك تەكشەدەن سۋعا سەكىرۋ شەشۋشى جارىسىندا جۇڭگو قۇراماسىنداعى چىن يۇشي مەن چۋان حۇڭچان قارا ۇزىپ العا اشىپ، مۇلدە باسىمدىلىقپەن التىن مەدال الدى. تور دوپ جارىس الاڭىندا جۇڭگو دوپشىسى جىڭ چينۋىن ءۇش رەت جاپالى شايقاس جاساپ، كەزىندە دۇنيە ءجۇزى بويىنشا ءبىرىنشى ورىنعا شىققان گەرمانيانىڭ ايگىلى شەبەرى كەربەردى جەڭىپ ءتورت مىقتى قاتارىنا ەندى. ول لي-نادان كەيىن ، ولمپيادا جارىسىنڭ ءتۇرت مىقتى قاتارىنان ورىن العان تاعى ءبىر جۇڭگو تور دوپ شەبەرى بولدى . جاڭ جىجىن مەن ۋاڭ شينيۇي تور دوپ ارالاس قۇراماسى 4 مىقتىنىڭ قاتارىنا كىردى.ەرلەردىڭ جەكە گيمناستيكا جالپىلىق ونەر كورسەتۋ شەشۋشى جارىسىندا جۇڭگو شەبەرى جاڭ بوحىڭ مەن شياۋ روتىڭ جەكە - جەكە كۇمىس مەدال جانە مىس مەدال الدى.

ەرلەردىڭ ءۇش ادامدىق باسكەتبول گرۋپپاعا ءبولىنۋ اينالمالى جارىسىندا جۇڭگو كومانداسى ءبىرىنشى ورىندا تۇرعان سەربيا كومانداسىن جەڭدى. وليمپيادا باستالعاننان كەيىنگى 6 ـ جارىس كۇنى جۇڭگو كومانداسى نىسانا اتۋ، جەڭىل اتلەتيكا سياقتى تۇردە التىن مەدالعا تالاسادى. 

 

اۋدارعان: كۇلان ىرىسباي قىزى