ءوز حابارىمىز. جۇڭگو عىلىم اكادەمياسىنىڭ عىلمي زەرتتەۋ توبى 3 جىل ىشكەرىلەي زەرتتەۋ جۇرگىزۋ جانە قايتا-قايتا دالەلدەۋ ارقىلى تاياۋدا اي شارى توپىراعىنان پايدالانىپ قىرۋار سۋ ءوندىرۋدىڭ شىت جاڭا ءادىسىن ورتاعا قويدى. وسى ادىستەن پايدالانىپ، ءبىر توننا اي شارى توپىراعىنان شامامەن 51 ~ 76 كيلوگرام سۋ شىعارۋعا بولادى، بۇل بولاشاقتاعى اي شارى عىلمي زەرتتەۋ پۋنكتى مەن عارىش بەكەتى قۇرىلىسىن ماڭىزدى جوبالاۋ نەگىزىمەن قامدايدى.

 

جۇڭگو عىلىم اكادەمياسى نيڭبو ماتەريال زەرتتەۋ ورنىنىڭ زەرتتەۋشىسى ۋاڭ جۇنچياڭ تىلشىگە بىلاي دەدى: عىلمي زەرتتەۋ توبى چاڭ-ى 5-ءنومىرلى الەم كەمەسىمەن الىپ قايتقان اي شارى توپىراعىنان باستاپ كىرىسىپ، 5 ءتۇرلى اي شارى توپىراعىنىڭ نەگىزگى مينەرالدىق زاتتارىنىڭ ىشىنەن، تيتان-تەمىر كەنىندە سۋتەگى قۇرامىنىڭ ەڭ جوعارى ەكەنىن بايقادى.

 

ۋاڭ جۇنچياڭ بىلاي دەپ تانىستىردى: تيتان-تەمىر كەنى تيتان-تەمىرى جانە وتتەگىنىڭ ءبىر ءتۇرلى مينەرالى، ءبىز مينەرال كەنىن قىزدىرىپ، 1000 سەلتسي گرادۋستان اسىرعان كەزدە، اي شارى توپىراعى ەريدى، سوڭىنان كوپىرشىك پايدا بولادى، مىنە بۇل سۋدىڭ سۋ بۋى فورماسىندا پايدا بولۋىنىڭ نەگىزى.

 

زەرتتەۋ ۇيىرمەسى بىلاي دەپ تۇراقتاندىردى: ءبىر توننا اي شارى توپىراعىنان شامامەن 51-76 كيلوگرام سۋ الۋعا بولادى، بۇل 500 ميلليليترلىك 100 نەشە قۇمىراداعى سۋ مولشەرىمەن بارابار، 50 ادامنىڭ ءبىر كۇندىك سۋ تۇتىنۋ مولشەرىن نەگىزىنەن قاناعاتتاندىرا الادى. كوپ ءتۇرلى زەرتتەۋ ناتيجەلەرىنە نەگىزدەلىپ، عىلمي زەرتتەۋ ۇيىرمەسى اي شارىنداعى سۋ بايلىعىن العاشقى ورىندا اشۋ جانە پايدالانۋ تاكتيكاسىن ورتاعا قويدى.

 

اۋدارعان: نازار ءارىپ ۇلى