ءوز حابارىمىز. مەملەكەتتىك دامۋ جانە رەفورمالاۋ كوميتەتى 9-ايدىڭ 24-كۇنى ارناۋلى اقپارات جاريالاۋ ءماجىلىسىن اشىپ، جابدىقتاردى جاڭالاۋ ارەكەتىنىڭ اياق الىسى مەن تيپتىك ادىستەرىن تانىستىردى. بيىل زايوم قارجىسىمەن سۇيەمەلدەنەتىن جابدىقتاردى جاڭالاۋ نىسانىنا جالپى 800 ميلليارد يۋانعا جۋىق قارجى قوسىلادى، 2 ميلليوننان استام ءتۇرلى جابدىقتار جاڭالانىپ، جىلىنا شامامەن 25 ميلليون توننا ولشەمدى كومىر ۇنەمدەلەدى.

 

مەملەكەتتىك دامۋ جانە رەفورمالاۋ كوميتەتى بايلىقتى ۇنەمدەۋ جانە ورتانى قورعاۋ مەڭگەرمەسىنىڭ باستىعى ليۋ دىچۇن بىلاي دەپ تانىستىردى: ءتۇيىندى سالالارداعى جابدىقتاردى جاڭالاۋ قىزمەتىندە بەلسەندى ىلگەرىلەۋشىلىككە قول جەتىپ، ارتۋدى ورنىقتىرۋ، تيپىن وزگەرتۋدى جەبەۋ رولى ۇزدىكسىز كورنەكتىلەندى.

 

ليۋ دىچۇن بىلاي دەدى: بيىل 1-ايدان 8-ايعا دەيىن قالالارداعى الەۋمەتتىك اۆتوبۋزداردى ەلەكترلى اۆتوبۋزعا الماستىرۋ، كونە تاسىمال جۇك اۆتوموبيلدەرىن جاڭالاۋ، كونە تاسىمال كەمەلەرىن جاڭالاۋ مولشەرى زور مولشەردە ارتتى؛ بۇكىل ەل بويىنشا جاراقسىز اۆتوموبيلدەردىڭ جيناپ الىنۋ مولشەرى 4 ميلليون 210 مىڭ بولىپ، وتكەن جىلدىڭ ۇقساس مەزگىلىندەگىدەن %42.4 ارتىپ، وتكەن جىلعى تۇتاس جىلداعى جاراقسىز اۆتوموبيل مولشەرىنىڭ %90 تەن استامىنا جەتتى.

 

تۇرعىن ءۇي جانە قالا-اۋىل قۇرىلىسى مينيسترلىگى قالا قۇرىلىسى مەڭگەرمەسىنىڭ 1-دارەجەلى شارلاۋشىسى شيڭ حايفىڭ بىلاي دەپ تانىستىردى: قازىرگە دەيىن تۇرعىن ءۇيدىڭ كونە ليفتىن جاڭالاۋ، لاس سۋدى ءبىر جاقتى ەتۋ، ورتا تازالىعى قۇرىلعى-جابدىقتارىن جاڭالاۋ جانە تۇرمىستىق ينجەنەريانىڭ سايكەستى جابدىقتارىن جاڭالاۋ سياقتى ءتۇيىندى مىندەتتەر ۇزاق ۋاقىتتىق زايوم قارجىسىنىڭ قولداۋىنا يە بولدى. 2024-جىلى ەرەكشە زايوم قارجىسى ارقىلى جەر-جەردىڭ 15 جىلدان استام ۋاقىت پايدالانعان 40 مىڭنان استام تۇرعىن ءۇيدىڭ كونە ليفتىن جاڭالاۋىنا قولداۋ كورسەتىلەدى.

 

شيڭ حايفىڭ بىلاي دەدى: بۇكىل ەل بويىنشا 6400 دەن استام سۋمەن قامداۋ زاۆودى، لاس سۋدى ءبىر جاقتى ەتۋ زاۆودى، جىلۋ اۋىستىرۋ پۋنكتى، سۇيىلتىلعان گاز تولتىرۋ پۋنكتى، قوقىر-قوقسىقتى ءبىر جاقتى ەتۋ پۋنكتى سياقتى قۇرىلعىلارعا قاتىستى جابدىقتار جاڭالاندى؛ تۇرعىن ۇيلەردىڭ كونە ليفتى، سۋمەن قامداۋ، سۋ ىعىستىرۋ جابدىقتارى، ورتا تازالىعى جابدىقتارى، قۇرىلىس جۇرگىزۋ جابدىقتارى، تۇرمىس ينجەنەرياسى سياقتى جاقتاردا 21 ميلليون دانا جابدىق جاڭالاندى؛ قۇرىلىستىڭ ەنەرگيا ۇنەمدەۋ كولەمى 22 ميلليون شارشى مەترگە جەتتى.

 

2023-جىلى بۇكىل ەل بويىنشا ونەركاسىپ سالاسىنداعى جابدىقتارعا قوسىلعان قارجى شامامەن 4 تريلليون 400 ميلليارد يۋان بولىپ، تۇتاس قوعامدىق جابدىقتارعا قوسىلعان قارجىنىڭ %70 تەن استامىن ۇستادى. ونەركاسىپ جانە ينفورماتسيالاندىرۋ مينيسترلىگى جوبا مەڭگەرمەسىنىڭ ورىنباسار باستىعى جاڭ جيانحۋا بىلاي دەدى: ونەركاسىپ سالاسىنداعى جابدىقتاردى جاڭالاۋ قىزمەتى ورنىقتى ىلگەرىلەپ، كاسىپورىنداردى تەحنيكالىق جاقتان قايتا قۇرۋ اياق الىسى تەزدەدى.

 

جاڭ جيانحۋا بىلاي دەدى: بيىل 1-ايدان 8-ايعا دەيىن بۇكىل ەل بويىنشا ونەركاسىپ جابدىقتارىنا قوسىلعان قارجى %11.1 ارتىپ، تەحنيكالىق جاقتان قايتا قۇرۋعا قوسىلعان قارجى %10.6 ارتىپ، ارتۋ قارقىنى 2023-جىلعى تۇتاس جىلداعىدان جەكە-جەكە 2.4 پايىز جانە 5.9 پايىز جوعارى بولدى.

 

اۋدارعان: شالقار قازەز ۇلى