حيلۇڭجياڭ ولكەسىنىڭ حاربين قالاسىندا بەس جۇلدىزدى نارت قىزىل تۋلار جەلبىرەپ، ورتالىق داڭعىلى مەن بينجوۋ تەمىرجول كوپىرىندە كوپتەگەن ساياحاتشىلار سۋرەتكە ءتۇسىپ ەستەلىك قالدىردى. ىشكى موڭعۇلدىڭ حوححوت قالاسىندا ادامدار " جۇڭگو، سەنى سۇيەمىن" اتىنداعى نەگىزگى تاقىرىپتىق كورمە تاقتاسىنىڭ الدىندا ەستەن كەتپەس ساتتەردى ەستەلىككە الدى. چۇڭچيڭدە، گۋاڭجوۋدىڭ ساۋدا شەڭبەرى جاياۋلار كوشەسىندە، نەگىزگى قاتىناس جولدارىندا قىزىل تۋلار جەلبىرەپ، قالانى شات مەرەيگە شومدىردى.

 بارلىق جەر شات - شادىمان، بەرەكەلى دە مەرەكەلى تۇسكە ەندى. شينجياڭنىڭ حوتان قالاسىندا ادامدار دىر-دۋماندى ءان - بيمەن باقىتتى تۇرمىستارىن القادى. گۇيجوۋدىڭ دانجاي از ساندى ۇلتتار قونىستانعان اۋىل- قىستاقتارىندا، جياڭشيدىڭ ۋان - ان جەرىندەگى ديقاندار اۋلالارىندا تۇرعىندار مەملەكەت بايراعىن شىعارىپ ساياحاتشىلارمەن بىرگە مەملەكەت مەرەكەسىن كۇتىپ الدى. يۇننان ولكەسىنىڭ شىپيڭ اۋدانىندا يزۋ بۇقاراسى "كۇرەڭكەي گۇلى" اتىنداعى ءداستۇرلى بيلەرىن بيلەپ، مەرەكە مەرەيىن اسىردى. 

 

اۋدارعان: امانتاي مۇسايىپ ۇلى