ءوز حابارىمىز. پارتيا 20-كەزەكتى ورتالىق كوميتەتىنىڭ ءۇشىنشى جالپى ماجىلىسىندە بىلاي دەپ اتاپ كورسەتىلدى: كومىرتەگىن تومەندەتۋدى، لاستانۋدى ازايتۋدى، جاسىل اۋماقتى كەڭەيتۋدى، ارتۋدى سايكەستى ىلگەرىلەتىپ، كليمات وزگەرىسىنە بەلسەنە توتەپ بەرۋ كەرەك. بۇكىل ەل بويىنشا تۇڭعىش توپتاعى لاستانۋدى ازايتىپ، كومىرتەگىن تومەندەتۋدە سەلبەسىپ جاڭالىق اشۋ سىناق ءتۇيىن قالاسى رەتىندە، فۋجيان ولكەسىنىڭ شيامىن قالاسى سوڭعى جىلداردان بەرى قالا-اۋىل قۇرىلىسى، قاتىناس-تاسىمال سياقتى ءتۇيىندى سالالارعا نازار اۋدارىپ، جاسىل، تومەن كومىرتەكتى دامۋدى جەدەل ىلگەرىلەتتى.

 

تۇرمىستىق قوقىر-قوقسىقتاردى تۇرگە ايىرىپ ءبىر جاقتى ەتۋ قالا مەن اۋىلدىڭ جاسىل، تومەن كومىرتەكتى دامۋىن ىلگەرىلەتۋدىڭ ماڭىزدى ءتاسىلى. 2017-جىلى شيامىن قالاسى تۇرمىستىق قوقىر-قوقسىقتاردى تۇرگە ايىرۋدى جاپپاي جالپىلاستىرىپ، تۋ باستان سوڭىنا دەيىنگى تۇرگە ايىرىپ سالۋ، جيناۋ، تاسىمالداۋ، ءبىر جاقتى ەتۋدىڭ تۇتاس تىزبەكتى ءبىر جاقتى ەتۋ ۇلگىسىن بىرتىندەپ قالىپتاستىردى. الايدا، تاياۋ جىلداردان بەرى، جەدەل زاكاز، جەدەل جەتكىزۋ كاسىبىنىڭ قارىشتاپ دامۋىنا ىلەسە، ءبىر رەتتىك اس قورابى، سۋلياۋ ستاكان، سيىر ءسۇتى قورابى، جەدەل جەتكىزۋ قورابى سياقتى جاراقسىز سۋلياۋ، جاراقسىز اينەك سياقتىلار كۇن سايىن قاۋىرت كوبەيدى، جيناپ الۋدىڭ پايدا مولشەرى تومەن، قايتالاي پايدالانۋ جۇمىس ءتارتىبى كۇردەلى بولۋ سياقتى سەبەپتەردەن ولار جيناپ الۋ قيىن بولۋ ماسەلەسىنە ءدوپ كەلدى، سونداي-اق بۇل «تومەن قۇندى جيناپ الۋعا بولاتىن زات» دەپ تە اتالدى.

 

2022-جىلدىڭ سوڭىندا شيامىن قالاسى تۇرمىستىق قوقىر-قوقسىقتاردى «ناقتىلاپ تۇرگە ايىرۋ» نەگىزىندە، مەملەكەت بويىنشا تۇڭعىش تومەن قۇندى جيناپ الۋعا بولاتىن زاتتاردى سۇرىپتاۋ ورتالىعىن جاسامپازدىقپەن قۇرىپ، تۇرعىنداردىڭ تۇرمىسىنداعى ەلەۋسىز جاراقسىز زاتتاردى كادەگە جاراتا وتىرىپ ءبىر جاقتى ەتتى، كەيبىرەۋلەرىنەن سۋلياۋ كيىم سورەسى، قاعاز قالتا، ورتا قورعاۋ قالتاسى قاتارلىلار جاسالدى. سونىمەن بىرگە، ەسەپتەۋگە قاراعاندا، جيناپ الۋعا بولاتىن ءار توننا تومەن قۇندى زات 1.66 توننا كومىرتەگى قوس توتىعىن ازايتادى. شيامىن قالاسى جيمي رايونىندا 2023-جىلى جيناپ الىنعان تومەن قۇندى زاتتار 2450 توننا كومىرتەگىنىڭ شىعارىلۋىن ازايتتى، بۇل ساۋدا شيامىن قالالىق مال-مۇلىك ۇقىعى ساۋدا ورتالىعىندا ورىندالدى. بۇل ەلىمىزدىڭ تۇڭعىش تۇرعىندار شاعىن رايونىنىڭ تومەن قۇندى جيناپ الۋعا بولاتىن زاتتاردى تۇرگە ايىرۋ كومىرتەگىن ازايتۋ ساۋدا نىسانى سانالادى.

 

اۋدارعان: كۇلان ىرىسباي قىزى