ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

جۇڭگو حالىق ساياسي كەڭەسى قۇرىلعاندىعىنىڭ 70 جىلدىعى

来源:央广网     |责编:达吾力别克|     发布日期: 2019-09-21 14:13

شي جينپيڭ ورتالىقتىڭ ساياسي كەڭەس قىزمەتى ماجىلىسىندە جانە جۇڭگو حالىق ساياسي كەڭەسى قۇرىلعاندىعىنىڭ 70 جىلدىعىن قۇتتىقتاۋ جينالىسىندا ماڭىزدى ءسوز سويلەپ، ساياسي جولمەن كەڭەسۋ، دەموكراتيالىق جولمەن باقىلاۋ ورەسىن، ۇكىمەت ىسىنە قاتىناسۋ، كەڭەس بەرۋ ورەسىن جوعارىلاتۋ، ورتاق تانىمدى اناعۇرلىم ويداعىداي ۇيىستىرۋ، حالىق ساياسي كەڭەسى تۇزىمىنە ويداعىداي تاباندى بولۋ، حالىق ساياسي كەڭەسى ىستەرىن ويداعىداي دامىتۋ كەرەك،-دەپ باسا دارىپتەدى، لي كىچياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان ماجىلىسكە قاتىناستى، ۋاڭ ياڭ ءماجىلىستى باسقاردى

 

 

 

ءوز حابارىمىز. ورتالىقتىڭ ساياسي كەڭەس قىزمەتى ءماجىلىسى جانە جۇڭگو حالىق ساياسي ءماسليحات كەڭەسى قۇرىلعاندىعىنىڭ 70 جىلدىعىن قۇتتىقتاۋ جينالىسى 9 ـ ايدىڭ 20 ـ كۇنى تۇستەن بۇرىن بەيجيڭدە اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىسقا قاتىناستى ءارى ماڭىزدى ءسوز سويلەدى. ول مىنانى باسا دارىپتەدى: جاڭا داۋىردە حالىق ساياسي كەڭەسى قىزمەتىن كۇشەيتۋدە جانە جاقسارتۋدا، جۇڭگوشا سوتسياليزمگە تاباندى بولۋدى جانە دامىتۋدى ورتاق يدەيالىق - ساياسي نەگىزدى بەكەمدەۋدىڭ نەگىزگى وزەگى، «قوس 100 جىلدىق» كۇرەس نىساناسىن جۇزەگە اسىرۋدى قىزمەتتىڭ نەگىزگى جەلىسى، يدەيالىق - ساياسي جەتەكشىلىكتى كۇشەيتىپ، كەڭ كولەمدە ورتاق تانىم قالىپتاستىرۋدى وزەكتى بۋىن ەتۋ كەرەك. ىنتىماق پەن دەموكراتيا سىندى ەكى نەگىزگى تاقىرىپقا تاباندى بولۋ؛ ساياسي جولمەن كەڭەسۋ، دەموكراتيالىق جولمەن باقىلاۋ، ۇكىمەت ىسىنە قاتىناسۋ، كەڭەس بەرۋ ورەسىن جوعارىلاتۋ؛ ورتاق تانىمدى اناعۇرلىم ويداعىداي ۇيىستىرۋ؛ حالىق ساياسي كەڭەسى تۇزىمىنە ويداعىداي تاباندى بولۋ؛ حالىق ساياسي كەڭەسى ىستەرىن ويداعىداي دامىتۋ؛ پارتيا ورتالىق كوميتەتىنىڭ شەشىمدەرى مەن ورنالاستىرۋلارىن جانە حالىق ساياسي كەڭەسى قىزمەتىنىڭ تالاپتارىن تياناقتاندىرۋ؛ ەل ءىشى - سىرتىنداعى جۇڭحۋا ۇلاندارىنىڭ اقىل - پاراساتى مەن كۇش - قۋاتىن شوعىرلاندىرۋ سىندى ساياسي جاۋاپكەرشىلىكتى ارقالاۋ؛ جالپى بەتتىك دوڭگەلەك داۋلەتتى قوعام قۇرۋدىڭ شەشۋشى جەڭىسىنە جەتۋ، جالپى بەتتىك سوتسياليستىك وسىزاماندانعان قۇدىرەتتى ەل قۇرۋ جولىندا ۇلەس قوسۋ كەرەك.

ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، ۋاڭ حۋنيڭ، جاۋ لىجي، حان جىڭ، مەملەكەت ءتوراعاسىنىڭ ورىنباسارى ۋاڭ چيشان ماجىلىسكە قاتىناستى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ ءماجىلىستى باسقاردى. 

 

جينالىس ايبىندى مەملەكەت انىمەن باستالدى. دۋ قول شاپالاق ءۇنى ىشىندە شي جينپيڭ ماڭىزدى ءسوز سويلەدى. 

 

شي جينپيڭ بىلاي دەدى: مەن پارتيا ورتالىق كوميتەتى اتىنان جۇڭگو حالىق ساياسي ءماسليحات كەڭەسى قۇرىلعاندىعىنىڭ 70 جىلدىعىن قىزۋ قۇتتىقتايمىن، حالىق ساياسي كەڭەسىنە قاتىناسقان پارتيا ـ توپتارعا، ءار ۇلت، ءار سالا قايراتكەرلەرىنە، شياڭگاڭ ەرەكشە اكىمشىلىك رايونىنداعى باۋىرلاستارعا، اۋمىن ەرەكشە اكىمشىلىك رايونىنداعى باۋىرلاستارعا، تايۋاندىق باۋىرلاستارعا جانە شەتەلدەگى مۇھاجىر باۋىرلاستارعا شىنايى سالەم جولدايمىن. 

شي جينپيڭ مىنالاردى باسا دارىپتەدى: حالىق ساياسي كەڭەسى ـ جۇڭگو كوممۋنيستىك پارتياسىنىڭ ماركسيزم ـ لەنينيزمنىڭ بىرلىكساپ نازارياسىن، ساياسي پارتيا نازارياسىن، دەموكراتيالىق ساياسي نازارياسىن جۇڭگونىڭ ءىس جۇزىندىگىمەن ۇشتاستىرۋىنىڭ ۇلى تابىسى، جۇڭگو كوممۋنيستىك پارتياسىنىڭ دەموكراتيالىق پارتيا ـ توپتارعا، پارتيادا، توپتا جوق قايراتكەرلەرگە، حالىقتىق ۇيىمدارعا جانە ءار ۇلت، ءار سالا قايراتكەرلەرىنە باسشىلىق ەتىپ، ساياسي ءتۇزىم جاعىندا جۇرگىزگەن ۇلى جاسامپازدىعى. 

 

شي جينپيڭ مىنالاردى انىق ايتتى: 70 جىلدان بەرى، جۇڭگو كوممۋنيستىك پارتياسىنىڭ باسشىلىعىندا، حالىق ساياسي كەڭەسى ىنتىماق پەن دەموكراتيا سىندى ەكى ۇلكەن نەگىزگى تاقىرىپقا تاباندى بولىپ، پارتيا مەن مەملەكەتتىڭ وزەكتى مىندەتىنە قىزمەت ەتىپ، جاڭا جۇڭگو جانە سوتسياليستىك توڭكەرىس، قۇرىلىس، رەفورما سىندى ءتۇرلى تاريحي كەزەڭدەردە توتەنشە ماڭىزدى رول اتقاردى. 

 

شي جينپيڭ مىنالاردى انىق ايتتى: جۇڭگوشا سوتسياليزم جاڭا داۋىرگە ءوتتى، پارتيا ورتالىق كوميتەتى حالىق ساياسي كەڭەسى قىزمەتى جونىندە ءبىر قىدىرۋ كەلەلى ورنالاستىرۋلار جاساپ، حالىق ساياسي كەڭەسى قىزمەتىنە ءبىرقىدىرۋ جاڭا تالاپتار قويدى.

 

شي جينپيڭ بىلاي دەدى:

 

ءبىرىنشى، پارتيانىڭ حالىق ساياسي كەڭەسى قىزمەتىنە باسشىلىعىن كۇشەيتۋ؛ 

 

ەكىنشى، حالىق ساياسي كەڭەسىنىڭ سيپاتىن، ورنىن دۇرىس يگەرۋ؛

 

ءۇشىنشى، حالىق ساياسي كەڭەسىنىڭ ارناۋلى كەڭەس قۇرىلىمىندىق رولىن ويداعىداي ساۋلەلەندىرۋ؛

 

ءتورتىنشى، ەلىمىزدىڭ جاڭاشا ساياسي پارتيا تۇزىمىنە تاباندى بولۋ جانە كەمەلدەندىرۋ؛ 

 

بەسىنشى، جۇرت تىلەگى مەن كۇش ـ قۋاتىن كەڭ كولەمدە ۇيىستىرۋ؛

 

التىنشى، نازاردى پارتيا مەن مەملەكەتتىڭ وزەكتى مىندەتىنە، ساياسي كەڭەستىڭ ءتول مىندەتىن، جاۋاپكەرشىلىگىن ادا ەتۋگە شوعىرلاندىرۋ؛

 

جەتىنشى، حالىق ساياسي كەڭەسى حالىق ءۇشىن قىزمەت ەتۋگە تاباندى بولۋ؛ 

 

سەگىزىنشى، مىندەتتى دالمە ءدال ورىنداۋ قابىلەتى قۇرىلىسىن رەفورما، جاڭالىق جاراتۋ رۋحىمەن ىلگەرىلەتۋ كەرەك.

 

70 جىلدىق اماليات حالىق ساياسي ءماسليحات كەڭەسى ءتۇزىمىنىڭ كوپ جاقتىلى ەرەكشە ابزالدىلىققا يە ەكەندىگىن دالەلدەدى. 

 

شي جينپيڭ مىنالاردى باسا دارىپتەدى: حالىق ساياسي كەڭەسى كەڭەسۋ بارىسىندا كەڭ كولەمدى ىنتىماقتىلىقتى جەبەپ، كوپ پارتيا سەلبەستىگىن ىلگەرىلەتىپ، حالىق دەموكراتياسىن امالياتتا ايگىلەپ، ءارى تاريحي داستۇرگە مۇراگەرلىك ەتىپ، ءارى ءداۋىر ەرەكشەلىگىن بەينەلەپ، ەلىمىزدىڭ سوتسياليستىك دەموكراتياسىنىڭ جۇمىس بولسا كوبىرەك اقىلداساتىن، ىسكە جولىققاندا كوبىرەك اقىلداساتىن، جۇمىس ىستەگەندە كوبىرەك اقىلداساتىن ەرەكشەلىگى مەن ابزالدىلىعىن تولىق ايگىلەدى.

 

شي جينپيڭ بىلاي دەدى: پىكىر تىڭداي الاتىن، پىكىر تىڭداۋعا باتىلدىق ەتە الاتىن، اسىرەسە، سىندى قابىلداۋعا باتىل بولىپ، قىزمەتتى جاقسارتا الاتىن بولۋ ـ سەنىمى، كۇش -قۋاتى بار بولۋدىڭ بەينەسى. سوتسياليستىك ءماسليحاتتىق دەموكراتيانى دامىتۋدا دەموكراتيالىق ورتالىقتاندىرۋ ءتۇزىمىنىڭ ابزالدىلىعىنان ويداعىداي پايدالانۋ، «ىنتىماق - سىن - ىنتىماق» سىندى تاڭداۋلى ءداستۇردى ساۋلەلەندىرۋ، ءسوز سويلەۋ ارناسىن كەڭەيتۋ، كوپتىڭ اقىلىن شوعىرلاندىرۋ، تۇرلىشە يدەيالىق كوزقاراستاردىڭ تولىق بەينەلەنۋى مەن ىشكەرىلەي اۋىس - كۇيىسىن جەبەۋ، باسقالارعا زورلاپ تاڭباۋ،، ءوزارا قۇرمەت ەتۋ؛ تەڭ تۇرعىدا كەڭەسۋ كەرەك. ەرەجەگە بويسۇنۋ؛ ءتارتىپتى كەڭەسۋ؛ ءار كىم ءوز ءسوزىن سويلەمەۋ؛ كەشىرىمشىل بولۋ؛ شىن نيەتپەن كەڭەسۋ؛ سىڭار ەزۋلىككە سالىنباۋ؛ ءارى اقتارىلا سويلەپ، ءوز كوزقاراسىن بىلدىرەتىن، ءارى اقىلعا سيىمدى، زاڭدى، ەرەجەگە بويسۇناتىن تاماشا كەڭەس ورتاسىن قالىپتاستىرۋ كەرەك. ءتۇزىم ـ مەحانيزمدى كەمەلدەندىرۋ؛ شەشىم جاساۋدان بۇرىنعى جانە شەشىم جاساۋ بارىسىنداعى تياناقتاندىرۋ مەحانيزمىن كەمەلدەندىرۋ؛ كەڭەسۋگە قاتىناسۋ كولەمى، تالقىلاۋ پرينسيپى، نەگىزگى ءتارتىپ، اۋىس - كۇيىس ءتاسىلى قاتارلىلار جونىندە بەلگىلەمە شىعارۋ كەرەك.

شي جينپيڭ مىنالاردى انىقتاپ ايتتى: جاڭا ءداۋىر شارت ـ جاعدايىندا، ءبىز ۇزدىكسىز العا باسۋ ءۇشىن، ءسوز جوق، بۇكىل ەلدەگى ءار ۇلت حالقىنىڭ ۇلى ىنتىماعىن كۇشەيتۋىمىز، جۇمىلدىرۋعا بولاتىن بارلىق بەلسەندى فاكتورلاردى اتتانىسقا كەلتىرۋىمىز كەرەك. حالىق ساياسي كەڭەسىن ءونىمدى قىزمەت ارقىلى پارتيانىڭ ءتۇرلى قىزمەتكە باسشىلىعىنا تاباندى بولۋدىڭ جانە ونى كۇشەيتۋدىڭ ماڭىزدى شەبىنە؛ پارتيانىڭ جاڭالىق جاراتۋ نازارياسىمەن ءار ۇلت، ءار سالا ۋاكىل قايراتكەرلەرىن ىنتىماقتاستىرۋدىڭ جانە ولارعا جەتەكشىلىك ەتۋدىڭ ماڭىزدى تۇعىرىنا؛ ورتاق يدەيالىق - ساياسي نەگىزدە قايشىلىقتاردى شەشۋدىڭ جانە ورتاق تانىمدى ۇيىستىرۋدىڭ ماڭىزدى ارناسىنا اينالدىرۋ كەرەك. 

 

شي جينپيڭ بىلاي دەدى: بىردەيلىك پەن الۋان تۇرلىلىكتىڭ قاتىناسىن دۇرىس شەشۋ كەرەك. بىردەيلىك ـ ورتاق يدەيالىق ساياسي نەگىزدىڭ بىرلىگى؛ الۋان تۇرلىلىك ـ مۇددە كوپ نەگىزدىلىگىنىڭ، يدەيا الۋان تۇرلىلىگىنىڭ بەينەسى؛ الۋان تۇرلىلىككە قۇرمەت ەتۋ بارىسىندا بىردەيلىككە تالپىنۋ، «كىلەڭ ءبىر ىڭعاي تۇسكە»  اينالدىرماۋ كەرەك. يدەيالىق ـ ساياسي جەتەكشىلىكتى كۇشەيتۋدى ۇنەمىلىك يدەيالىق ـ ساياسي قىزمەتپەن ۇشتاستىرۋ؛ پارىقتاردى قويا تۇرىپ، ورتاقتىققا ۇمتىلۋ، ورتاقتىقتى توپتاپ پارىقتى ارىلتۋ؛ پارتيا ـ توپتار مەن ءار ۇلت، ءار سالا قايراتكەرلەرىنىڭ يدەيالىق جاقتاعى ورتاق العا باسۋىن جەبەۋ كەرەك. حالىق ساياسي ءماسليحات كەڭەسى ءار سالاداعى بۇقارامەن كەڭ كولەمدە بايلانىس جاساۋ جانە اتتانىسقا كەلتىرۋ؛ مۇشەلەردى نەگىزگى ساتىعا، سالالارعا جانە بۇقاراعا ىشكەرىلەي ارالاسۋعا، بۇقارانىڭ پىكىرلەرى مەن ۇسىنىستارىن دەركەزىندە اڭىس ەتۋگە، پارتيا مەن مەملەكەتتىڭ باعىت - ساياساتتارىن ىشكەرىلەي ۇگىتتەۋگە شابىتتاندىرۋ جانە قولداۋ كەرەك. 

 

شي جينپيڭ مىنالاردى باسا دارىپتەدى: حالىق ساياسي كەڭەسىنىڭ جاڭاشا ساياسي پارتيا ءتۇزىمىن اتقارۋدىڭ ماڭىزدى ساياسي فورماسى جانە ۇيىمدىق فورماسى بولۋ رولىن ساۋلەلەندىرىپ، دەموكراتيالىق پارتيا ـ توپتاردىڭ ءوز پارتيا ـ توپتارى اتىنان ساياسي كەڭەستە پىكىر ايتۋى، ۇسىنىس قويۋى جونىندە مەحانيزمدىك ورنالاستىرۋ جاساۋ كەرەك.

شي جينپيڭ بىلاي دەدى: پارتيا سىرتىنداعى زيالىلارمەن، جالپىلىق مەنشىككە جاتپايتىن شارۋاشىلىق قايراتكەرلەرىمەن، جاڭا قوعامدىق جىك قايراتكەرلەرىمەن بايلانىس جاساۋ مەحانيزمىن اقاۋسىزداندىرۋ كەرەك. پارتيانىڭ ۇلت ساياساتىن جانە ءدىن ساياساتىن جالپى بەتتىك دايەكتەندىرۋ كەرەك. شياڭگاڭ، اۋمىندىق ساياسي كەڭەس مۇشەلەرىن ەرەكشە اكىمشىلىك رايون ۇكىمەتى مەن اكىمدەرىنىڭ زاڭ بويىنشا بيلىك جۇرگىزۋىن قولداۋعا جەتەكتەۋ؛ وتاندى، شياڭگاڭدى، اۋمىندى سۇيەتىن كۇشتەردى دامىتۋ، زورايتۋ كەرەك. تايۋاننىڭ ارال ىشىندەگى قاتىستى پارتيا - توپتارىمەن، قوعامدىق ۇيىمدارىمەن، ءار سالا قايراتكەرلەرىمەن بارىس - كەلىستى كەڭەيتىپ، بۇعازدىڭ ەكى جاعالاۋىنىڭ توعىسپالى دامۋىن تەرەڭدەتۋگە دەم بەرۋ كەرەك. مۇھاجىر باۋىرلاستاردىڭ ۋاكىلدەرىن ساياسي ءماسليحات كەڭەسىنىڭ قيمىلدارىنا قاتىناستىرۋ كەرەك. شەتەلدەرمەن بارىس ـ كەلىستى بەلسەنە ورىستەتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە وڭ ەنەرگيا ازىرلەۋ كەرەك. 

شي جينپيڭ مىنالاردى انىقتاپ ايتتى: ساياسي كەڭەس مۇشەلەرى پارتيا ـ توپتاردىڭ، ۇيىمداردىڭ جانە ءار ۇلت، ءار سالانىڭ ۋاكىل قايراتكەرلەرى رەتىندە، ءار جاقتىڭ بايىپتىلىقپەن كەڭەسۋى ارقىلى جارىققا شىعىپ، ءار سالا جۇرتشىلىعى اتىنان مەملەكەت ىسىنە ارالاسىپ، مىندەتىن اتقارادى. بۇل داڭق، ونان دا ماڭىزدىسى، جاۋاپكەرشىلىك بولىپ تابىلادى. 

 

شي جينپيڭ بىلاي دەدى: قالىڭ ساياسي كەڭەس مۇشەلەرى مەملەكەت ءۇشىن مىندەت اتقارۋ، حالىق ءۇشىن بورىشىن وتەۋ نيەتىنەن جاڭىلماي، ءتول قىزمەتتى كوكەيدە ساقتاپ، جاۋاپكەرشىلىكتى ارقالاپ، مۇشەلىك مىندەتىن مۇقيات اتقارىپ، يدەيالىق ورەسى مەن تانىم قابىلەتىن ۇزدىكسىز جوعارىلاتۋ، مىندەت وتەۋ قابىلەتىن جان جاقتى كۇشەيتۋ كەرەك. سوتسياليستىك وزەكتى قۇن كوزقاراسىن بەلسەنە امالياتتا ايگىلەپ، ءمورالدىق ساپانى سومداۋ، پاك، تارتىپشەڭ بولۋ، جاڭا داۋىردەگى ساياسي كەڭەس مۇشەلەرىنىڭ بەينەسىن ۇلگىلى ارەكەت ارقىلى ايگىلەۋ كەرەك. 

 

شي جينپيڭ مىنالاردى باسا دارىپتەدى: ءار دارەجەلى پارتكومدار حالىق ساياسي كەڭەسى قىزمەتىن ماڭىزدى كۇن تارتىپكە ەنگىزۋ؛ ساياسي كەڭەس ۇيىمدارىنىڭ قىزمەت ورىستەتۋىنە ءتيىمدى شارت ـ جاعداي ازىرلەۋ؛ ساياسي كەڭەستىڭ باسشىلىق القاسىنا ۇزدىكتەردى، قابىلەتتىلەردى تاڭداپ قويۋ كەرەك.

شي جينپيڭ بىلاي دەدى: پارتكومداعى نەگىزگى جاۋاپتى جولداستار ساياسي كەڭەستىڭ ماڭىزدى قيمىلدارىنا باستاماشىلدىقپەن قاتىناسۋ، پارتيا سىرتىنداعى دوستارمەن كەڭ كولەمدە ارالاسۋ كەرەك. ساياسي كەڭەس پارتگرۋپپاسى پارتيا ورتالىق كوميتەتىنىڭ كەلەلى باعىت ـ ساياساتتارى مەن شەشىم ـ ورنالاستىرۋلارىنىڭ حالىق ساياسي كەڭەسىندە دايەكتى تياناقتانۋىنا كەپىلدىك ەتۋ، ساياسي كەڭەس جۇيەسىندەگى پارتيا قۇرىلىسىن كۇشەيتۋ كەرەك. 

ۋاڭ ياڭ جينالىستى باسقارعاندا بىلاي دەدى: باس شۋجي شي جينپيڭنىڭ ماڭىزدى سوزىندە پارتيا مەن مەملەكەت ىستەرى دامۋىنىڭ جالپى جاعدايى تۇرعىسىنان، حالىق ساياسي كەڭەسىنىڭ 70 جىلدىق شۇعىلالى بارىسى تەرەڭ تەبىرەنىسپەن ەسكە الىندى؛ حالىق ساياسي كەڭەسىنىڭ جاڭا جۇڭگو جانە سوتسياليستىك توڭكەرىس، قۇرىلىس، رەفورما سىندى ءاربىر تاريحي داۋىردە قوسقان ماڭىزدى ۇلەسى جوعارى باعالاندى؛ پارتيا 18 ـ قۇرىلتايىنان بەرى حالىق ساياسي كەڭەسى قىزمەتىنە قويىلعان ءبىرقىدىرۋ جاڭا تالاپتار جان جاقتى قورىتىندىلاندى؛ جاڭا داۋىردەگى حالىق ساياسي كەڭەسى قىزمەتىنىڭ بورىشى مەن مىندەتى، جالپى تۇلعالىق تالابى، كۇش سالۋ ءتۇيىنى تەرەڭ بايىمدالدى؛ جاڭا داۋىردەگى حالىق ساياسي كەڭەسى ىستەرىنىڭ دامۋىنا اناعۇرلىم ايقىن باعدار كورسەتىلىپ، ءتۇبىرلى ولشەم ازىرلەپ بەرىلدى. ءبىز، ءسوز جوق، مۇقيات ۇيرەنىپ، تەرەڭ ءتۇسىنىپ، يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن سانالى تۇردە بىرلىككە كەلتىرىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، قاجىرلىلىقپەن ىستەپ، ءورىس اشا العا باسىپ، جاڭا داۋىردەگى حالىق ساياسي كەڭەسى ىستەرىن دامىتۋدىڭ تىڭ داستانىن ۇزدىكسىز جازىپ، جاڭا داۋىردەگى پارتيانىڭ تاريحي بورىشىن جۇزەگە اسىرۋعا زەيىن ـ زەردەنى، كۇش ـ قۋاتتى شوعىرلاندىرۋىمىز كەرەك. 

 

ج ك پ ورتالىق كوميتەتى ساياسي بيۋروسىنىڭ بەيجيڭدەگى مۇشەلەرى، شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتى باستىقتارىنىڭ ءىشىنارا ورىنباسارلارى، مەملەكەتتىك كەڭەستىڭ مۇشەلەرى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەس ءتوراعاسىنىڭ ورىنباسارلارى جانە ءوز كەزىندە مەملەكەتتىك ساياسي كەڭەستە باسشىلىق مىندەت وتەگەن ساقا جولداستار جينالىسقا قاتىناستى. 

 

ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ونەركاسىپ ساۋدا بىرلەستىگىنىڭ جاۋاپتىلارى جانە پارتيادا، توپتا جوق قايراتكەرلەردىڭ ۋاكىلدەرى، مەملەكەتتىك ساياسي كەڭەستىڭ بەيجيڭدەگى تۇراقتى مۇشەلەرى، ءىشىنارا مۇشەلەرى، ولكەلىك، اۆتونوميالى رايوندىق، توتە قاراستى قالالىق ساياسي كەڭەستەردىڭ، بىرلىكساپ تاراۋلارىنىڭ جاۋاپتىلارى جانە قاتىستى جاقتاردىڭ ۋاكىلدەرى ماجىلىسكە قاتىناستى.

ەكىلىكتى باسىپ قوسىلىڭىز

    中央广播电视总台 央广网 版权所有