ناچار ئۇچۇرلارنى پاش قىلىش: mzjubao@cnr.cn

ٴتۇيىندى تۇعىر

اسىمىزدى ءىشىپ، اۋىزىنا كەلگەنىن كوكىگەن مورەي جۇمىستان كەتسىن

来源:央广网     |责编:阿依娜|     发布日期: 2019-10-08 08:25

حيۆستون روككەتس ديرەكتورى مورەي شياڭگاڭ جايلى جايىنداعى ورىنسىز سوزدەردى تاراتىپ، ستانسيامىزدىڭ قاتاڭ سوگىسىنە ۇشىرادى

حابار جۇرگىزۋشىسى  كاڭ حۇي: مورەي سەن «قاعيداعا قايشىلىق جاسادىڭ»!

 

10-ايدىڭ 6-كۇنى مەملەكەت مەرەكەسى دەمالىس كۇندەرى، جۇرگىزۋشى كاڭ حۇيدىڭ مەملەكەتتىك حاباردا ايتقان ءسوزىن ەستىدىك.

 

ورتالىق راديو-تەلەۆيزيا باس ستانسياسى ورتالىق تەلەۆيزيا دەنە-تاربيە ارناسىندا مالىمدەمە جاريالادى، جالپى مازمۇنى تومەندەگىدەي:

 

ورتالىق راديو-تەلەۆيزيا باس ستانسياسى ورتالىق تەلەۆيزيا دەنە-تاربيە ارناسىنىڭ مالىمدەمەسى

 

ا ق ش NBA حيۆستون روككەتس (火箭) كلوبىنىڭ باس ديرەكتورى مورەي شياڭگاڭ جايىنداعى ورىنسىز سوزدەردى تاراتقاندىعىنا، ءبىز قاتتى نارازىلىق بىلدىرەمىز، سونداي-اق، بۇل ءىس تۋىلعاننان باستاپ بۇل كلوبتىڭ جارىستارىن تاراتۋ سياقتى بارلىق ىستەستىكتى توقتاتامىز.

 

حاباردىڭ ارتقى كورىنىسى:

 

حيۆستون  روككەتس كومانداسى جۇڭگولىقتار ەڭ جاقسى كورەتىن باسكەتبول كومانداسىنىڭ ءبىرى. دەگەنمەن 10-ايدىڭ 5-كۇنى تۇستەن بۇرىن روككەتس كومانداسىنىڭ باس ديرەكتورى مورەي «شياڭگاڭدى بولشەكتەۋگە» قاتىستى ورىنسىز سوزدەر تاراتقان، مازمۇنى بىرنەشە ايدان بەرگى شياڭگاڭداعى زورلىقتى كۇش ەلەمەتتەرىنىڭ ۇرانىنا اينالعان: ەركىندىك ءۇشىن شايقاسايىق، شياڭگاڭمەن بىرگە بولامىز! (Fight for freedom, Stand with Hongkong) 

روككەتس كومانداسى ءوز مايدانىندا «جۇڭحۋا حالىق رەسپۋبليكاسىنىڭ 70 جىلدىعىن قۇتتىقتايمىز» دەگەن جازبانى شىعارىپ بولا سالىپ، مورەي جەلىدە اشىق لەبىز قالدىرىپ، شياڭگاڭنىڭ زورلىقتى كۇش ەلەمەنتتەرىن قولدايتىندىعىن ءبىلدىردى. مۇنداي ەكى جۇزدىلىككە جۇڭگونىڭ باسكەتبول اۋەسكەرلەرى قاتتى نارازىلىق ءبىلدىردى. «جۇڭگونىڭ سىنىق سۇيەم توپىراعىن دا بولشەكتەۋگە قارسىمىز»، «ياۋ ميڭ داۋىرىنەن كەيىن روككەتس كومانداسىن جاقسى كورىپ، جاقىن قابىلداعان بولساق تا، ءبىراق مەملەكەتىمىزگە قارسى سويلەسەڭ، سەن بىزدەن الىسسىڭ!»، «مورەي جۇمىستان قۋىلمايىنشا  روككەتس كومانداسىنىڭ جارىسىن مۇلدە كورمەيمىن، مەن ۋادە بەرەمىن».

 

كوپ وتپەي مورەيدىڭ الەۋمەتتىك جەلىدەگى قاتىستى ايتقان سوزدەرى وشىرىلگەن. مورەيدىڭ سوزىنە قاراتا روككەتس كومانداسىنىڭ قوجايىنى فەرتيتتا 5-كۇنى الەۋمەتتىك جەلىدە شۇعىل لەبىز قالدىرىپ «تىڭدا ... مورەي حيۆستون روككەتس كومانداسىنا ۋكىلدىك ەتە المايدى» دەسە، ىلە-شالا تاعى ءبىر لەبىز قالدىرىپ «مورەي جاقسى ديرەكتور، باسكەتبول مەن ساياسيدىڭ قاتىسى جوق» دەپ جالت بەرەدى. 

 

جۇڭگونىڭ يتەرنەت جەلى پايدلانۋشىلارى قۇرعاق سوزگە الدانا سالعان جوق، قايتا روككەتس كومانداسى رەسمي كەشىرىم سۇراۋ كەرەكتىگىن قاتاڭ تالاپ ەتتى. «روككەتستىڭ قوجايىنى ىستىك تە، توستىك تە كۇيمەيتىن ءسوز سويلەدى! كوماندانىڭ پوزەتسياسىن انىق بىلدىرگەن جوق!»، «ەگەر ونى قىزمەتتەن بوساتپاسا، روككەتس كومانداسى كەشىرىم سۇراماسا، جۇڭگو سەرىكتىگى روككەتس كومانداسىمەن ىستەستىگىن ماڭگىلىككە توقتاتادى». تاعى ءبىر توپ ينتەرنەت جەلى پايدالانۋشىلارى لەبىز قالدىرىپ: «روككەتس جۇڭگونىڭ بازارىنان شىعىپ كەتكىڭ كەلە مە؟»، «مەملەكەت الدىندا جان كۇيەرلىگىڭدى ايتپا، وتاننىڭ مۇددەسى بارلىعىنان جوعارى! روككەتس جۇڭگو بازارىنان جەرىگىسى كەلمەسە، ءسوزسىز ونى جۇمىستان بوساتۋى قاجەت!»

 

    中央广播电视总台 央广网 版权所有