ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

ەرلانبەك تاعى دا مەملەكەتتىك اعا جۇلدەگەرلىكتى جەڭىپ الدى

来源:央广网     |责编:努丽霞提|     发布日期: 2019-10-10 09:25

 

 

 جاڭا گانسۋ كليەنتىنىڭ 10-ايدىڭ 8-كۇنى لانجوۋدان بەرگەن حابارى (جاڭا گانسۋ. گانسۋ گازەتىنىڭ ءتىلشىسى لي مانفۋ، اۋدارعان: مارالبەك ابدىكارىم ۇلى). كەشە وتكىزىلگەن 2019-جىلعى مەملەكەتتىك حالىقارالىق كۇرەس ءتۇرىنىڭ اعا جۇلدەگەرلىك جارىسىندا، گانسۋ شەبەرى ەرلانبەك كاتەي ۇلى باياعىسىنان تانبادى. 65 كيلوگرام سالماقتاعىلاردىڭ ەركىن كۇرەس جارىسىندا، وسى جىلعى ءوزىنىڭ تۇڭعىش رەتكى مەملەكەتتىك اعا جۇلدەگەرلىگىن جەڭىپ الىپ، گانسۋ كومانداسىنا داڭق اكەلدى. 

 

 وسى رەتكى مەملەكەتتىك اعا جۇلدەگەرلىك جارىسىندا ءارقايسى ولكە جانە كاسىپتىك دەنە تاربيە قوعامىنان كەلگەن 137 كومانداداعى 1120 دان استام سپورتشى 9 كۇن ىشىندە ەرلەردىڭ ەركىن، كلاسسيكالىق كۇرەسى جانە ايەلدەردىڭ ەركىن كۇرەسى بويىنشا 10 دارەجە بويىنشا اعا جۇلدەگەرلىككە تالاسۋعا بەلدەسكەن بولاتىن. 


بەس رەتكى بەلدەسۋدى باستان وتكەرگەن ەرلانبەك ءتىپتى دە توسەلە ءتۇستى

 

 الدىمەن وتكىزىلگەن ەرلەر ەركىن كۇرەس جارىسىندا، ەكى كەزەكتى مەملەكەتتىك دەنە تاربيە   جارىسىنىڭ التىن مەدالىن جەڭىپ العان گانسۋ شەبەرى ە ر لانبەك كاتەي ۇلى 65 كيلوگرام سالماقتاعىلاردىڭ بەلدەسۋىنە تۇسكەن. ودان تومەن سالماقتاعىلارعا تىزىمدەلگەن شەبەرلەر كوپ بولعاندىقتان،بىرتىندەپ دارەجە يەلەۋدە تاماشا ونەر مەن دەنە قۋاتى بولۋ كەرەك ەدى، ءبىر مەزەت جارالانىپ، اۋرۋ ازابى مازالاسادا جۇلدەلى جارىستادا، اعا جۇلدەگەرلىك جارىسىندادا اعا جۇلدەگەرلىكتى بەرمەگەن ەرلانبەك تاعى داجىگەر-قايراتىن مۇقالتپادى، توسەنىشتىڭ ۇستىندە كۇرەسكە ابدەن توسەلگەن ەرلانبەك كۇش-قايراتىن تاسقىنداتىپ، تولىمدىلىق جارىسىنان تارتىپ، ەڭ سوڭعى ەكشەۋ جارىسىنا دەيىنگى بەس سايىستا 5 رەت جەڭىسكە جەتىپ، ءوز ارمانىن ورىندادى. 

 

 2009-جىلى مەملەكەتتىك دەنە-تاربيە جارىسىنا تۇڭعىش رەت قاتىناسقان ەرلانبەك گانسۋ ۋاكىلدەر ۇيىرمەسىنىڭ قورجىنىنا قولا مەدال سيلاعان بولاتىن. ال وسىدان كەيىنگى ەكى كەزەكتى مەملەكەتتىك دەنە تاربيە جارىسىندا، وسى ءبىر قازاق ازاماتى التىن مەدالدى جەڭىپ الىپ، سىرڭگۇلىننان كەيىنگى گانسۋ ولكەسىنىڭ بالۋاندار سالاسىنداعى تاعى ءبىر ساڭلاققا اينالعان. ول ءۇرتىس نەشە جىلدىق مەملەكەتتىك جۇلدەلى جارىستارمەن مەملەكەتتىك اعا جۇلدەگەرلىك جارىسىنىڭ باس جۇلدەگەرلىگىن بەرمەگەن «قوس جۇلدەنىڭ» يەگەرى. 


ەرلانبەك كاتەي ۇلى جانە جاتتىقتىرۋشى ۇستازى سىرڭگۇلىن

 

中央广播电视总台 央广网 版权所有