ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

شي جينپيڭ فرانسيانىڭ پرەزيدەنتى ماكرونمەن كەڭەس وتكىزدى

来源:央广网     |责编:阿依娜|     发布日期: 2019-11-07 15:21

 

 

 

 

 

ءوز حابارىمىز: مەملەكەت ٴتوراعاسى شي جينپيڭ 11-ايدىڭ 6-كۇنى حالىق سارايىندا فرانسيانىڭ پرەزيدەنتى ماكرونمەن كەڭەس وتكىزدى. 

 

شي جينپيڭ بىلاي دەدى: كەشە ەكەۋىمىز شاڭحايدا 2 ـ كەزەكتى جۇڭگو حالىقارالىق يمپورت كورمەسىنىڭ اشىلۋ سالتىنا قاتىناستىق، ٴبىز سوندا سويلەگەن سوزىمىزدە دۇنيە جۇزىنە كوپ جاقتىلىق پەن ەركىن ساۋدانى باتىل قورعاۋ، اشىق ۇستالعان دۇنيە ەكونوميكاسىن قۇرۋ جايلى كۇشتى اڭىس بەردىك. سونىمەن بىرگە، كوپتەگەن ورتاق كوڭىل ٴبولىپ وتىرعان تاقىرىپتار جونىندە بۇكپەسىز، ىشكەرىلەي، ٴونىمدى اۋىس-كۇيىس جاساپ، ٴوزارا تۇسىنىستىك مەن سەنىمدىلىكتى ارتتىردىق. بۇگىنگى دۇنيەدە ٴجۇز جىلدان بەرى بولماعان زور وزگەرىستەر تۋىلۋدا. جۇڭگو مەن فرانسيا ب م ۇ حاۋىپسىزدىك القالار كەڭەسىنە تۇراقتى القا ەل جانە شىعىس پەن باتىس وركەنيەتىنىڭ ۋاكىلى رەتىندە، ستراتەگيالىق سۇحپاتتاسۋدى كۇشەيتۋ، ٴتىپتى دە كوپتەگەن جاۋاپكەرشىلىك ارقالاپ،ٴىرى ەلدەر جاۋاپكەرلىگىن ايگىلەۋ كەرەك. مەن سىزبەن بىرلىكتە دۇنيە ٴجۇزىن، بولاشاقتى، حالىقتى بەتكە الىپ، جۇڭگو مەن فرانسيانىڭ جالپى بەتتىك ستراتەگيالىق سەرىكتەستىك قاتىناسىنىڭ تىڭ ساتىعا كوتەرىلۋىن ىلگەرىلەتىپ، ٴىرى ەلدەر قاتىناسىنىڭ الدىڭعى لەگىندە ۇزدىكسىز جۇرۋگە ۇلەس قوسۋدى قالايمىن. 

شي جينپيڭ مىنالاردى باسا دارىپتەدى: قازىر جۇڭگو مەن فرانسيا قاتىناسىندا كۇشتى دامۋ اۋقىمى جارىققا شىقتى. 3-ايدا فرانسيادا ٴساتتى مەملەكەتتىك ساپاردا بولعاننان بەرى، ٴبىز كەلىسكەن ورتاق تانىمدار بەلسەندى تياناقتانۋدا. تايشان يادرو ەلەكتر ستانسياسىنىڭ 1- جانە 2-ٴنومىرلى گەناراتور گرۋپپاسى سالىنىپ بولىپ، ساۋدا اينالىمىنا قاتىناسىپ، بۇكىل جەر شارىنداعى ٴۇشىنشى ۇرپاق يادرو ەلەكتر ستانسياسى قۇرىلىسىندا ٴساتتى ۇلگى بولدى. ەكى ەل جۇڭگو-فرانسيا ونەركاسىپ سەلبەستىگىنەن ۇلگى كورسەتۋ نىساندارىنىڭ 2-توپتاعى تىزىمدىگىن بىرلىكتە جاريالادى. جۇڭگو ۇكىمەتى پاريجدا ٴتورت ميلليارد ەۆرو يەلىك ۇقىق زايومىن ٴساتتى تاراتتى. جۇڭگو مەن فرانسيا تاعى دا جۇڭگو مەن ەۆروپانىڭ جاعراپيالىق بەلگى كەلىسىمى كەلىسسوزىن اياقتاتۋدى ورتاق جەبەۋدە. جۇڭگو فرانسيامەن التىٴىرى نىساناعا نازار شوعىرلاندىرىپ، اۋىس-كۇيىس پەن سەلبەستىكتىڭ جالپى بەتتىك، ىشكەرىلەي دامۋىن ىلگەرىلەتىپ، ٴتىپتى دە كوپ ناقتى جەتىستىكتەرگە قول جەتكىزۋدى قالايدى.

 

ٴبىرىنشى، ساياسي سەنىمدىلىكتى قورعاۋ جانە كۇشەيتۋ كەرەك. ٴوزارا قۇرمەت ەتىپ، ٴبىر-ٴبىرىنىڭ يەلىك ۇقىعىنا، تەرريتوريا تۇتاستىعىنا، وزەكتى مۇددەسىنە، نازار اۋدارىپ وتىرعان كەلەلى ىستەرىنە قۇرمەت ەتۋ بەينەسىن ارەكەتتە تياناقتاندىرۋ كەرەك. زاڭ شىعارۋ ورگاندارى، ساياسي پارتيالار، ارميالار اۋىس-كۇيىس سەلبەستىگىن كۇشەيتىپ، ورتالىق پەن جەرلىك ورىنداردىڭ، تاراۋلاردىڭ بارىس-كەلىسىن كۇشەيتۋىنە قولداۋ كورسەتۋ جانە دەم بەرۋ، ينتەرنەت حاۋىپسىزدىگى مەن تەررورلىققا قارسى تۇرۋ سەلبەستىگىن كۇشەيتۋ كەرەك.

ەكىنشى، ٴىرى نىساندار سەلبەستىگىن ۇزدىكسىز ىلگەرىلەتۋ كەرەك. جۇڭگو جاق فرانسيا جاقپەن يادرو ەنەرگياسى جالپى كاسىپ تىزبەگى سەلبەستىگىن تەرەڭدەتۋگە كۇش سالادى، جۇڭگو كاسىپورىندارىن فرانسيا جاقپەن جۇڭگو-فرانسيا، ٴۇشىنشى جاق بازارلارىندا جاڭا سەلبەستىك ورىستەتىپ، يادرو ەنەرگياسى نەگىزىن جانە جوعارى، جاڭا تەحنيكانى بىرلەسىپ زەرتتەپ تاپقىرلاۋدى كۇشەيتۋگە شابىتتاندىرادى جانە ونى قولدايدى. اۆياتسيا، عارىشكەرلىك قاتارلى سالالاردا كەلىسكەن تىڭ سەلبەستىكتى ويداعىداي تياناقتاندىرۋ كەرەك. 

 

ٴۇشىنشى، قوس باعىتتا بازاردى اشىق ۇستاۋدى كەڭەيتۋ كەرەك. جۇڭگو فرانسيامەن ەكى جاقتى ساۋدا مەن قارجى قوسۋدى كەڭەيتۋدى؛ ساۋدا مەن قارجى قوسۋدىڭ ەركىن، قولايلى بولۋ دارەجەسىن جوعارىلاتۋدى؛ بازار ەرەجەسى مەن ٴادىل باسەكە پرينسيپىن ورتاق قورعاۋدى قالايدى. فرانسيانىڭ جۇڭگوعا قاراتا كەمسىتۋ سيپاتىنداعى ساياسات جۇرگىزبەۋدى شىنايى تياناقتاندىرۋىن ٴۇمىت ەتەدى. جۇڭگو بازار قاجەتىنە ساي، اناعۇرلىم كوپ،ساپالى، حاۋىپسىز فرانسيا اۋىل شارۋاشىلىق ونىمدەرىن يمپورت ەتىپ، اۋىل شارۋاشىلىقتاعى جان-جاقتىلى سەلبەستىكتى ورىستەتۋدى قالايدى. ٴبىلىم مەنشىك ۇقىعى سالاسىنداعى اۋىس-كۇيىس پەن سەلبەستىكتى كۇشەيتىپ، جۇڭگو مەن ەۆروپانىڭ قارجى قوسۋ جونىندەگى اسقاق مۇراتقا تولى جانە تەڭ دارەجەلى كەلىسىمگە تەزىرەك قول قويۋعا قولداۋ كورسەتۋ كەرەك. 

 

ٴتورتىنشى، «ٴبىر بەلدەۋ، ٴبىر جولدى» ورتاق قۇرۋ دارىپتەمەسىنىڭ ەۆروپا وداعى جانە ەۆروپا-ازيا ٴوزارا بايلانىس جاساۋ ستراتەگياسىمەن ۇشتاسۋىن ىلگەرىلەتۋ كەرەك. بەلگىلەنگەن ۇلگى نىساندار تىزىمدىگىن تياناقتاندىرۋدى مىقتى يگەرۋمەن بىرگە، ٴتىپتى دە كوپتەگەن كاسىپورىنداردىڭ 3-جاق بازار سەلبەستىگىنە قاتىناسۋىن بەلسەنە ىلگەرىلەتىپ، «ٴبىر بەلدەۋ، ٴبىر جولدى» ورتاق قۇرۋدى جاسىل دامىتۋدى ىلگەرىلەتۋ كەرەك. 

بەسىنشى، جاڭالىق جاراتۋ سەلبەستىگىن تەرەڭدەتىپ، باياندى دامۋدى ورتاق جۇزەگە اسىرۋ كەرەك. جۇڭگو مەن فرانسيانىڭ عىلىم-تەحنيكا سەلبەستىگىنىڭ ىشكەرىلەي دامۋىن ىلگەرىلەتۋ، ورگانيزمدەردىڭ الۋان تۇرلىلىگىن قورعاۋ قاتارلى سالالارداعى سەلبەستىكتى كۇشەيتۋ كەرەك. اناعۇرلىم كوپتەگەن فرانسيا كاسىپورىندارىنىڭ جۇڭگو-فرانسيا ـ ۋحان ەكولوگيالىق ۇلگى قالا قۇرىلىسىنا ات سالىسۋىن قارسى الامىز. جاڭا ەنەرگيالى اۆتوموبيل، زەيىندەسكەن توراپقا جالعانعان اۆتوموبيل، جاساندى زەيىن قاتارلى سالالارداعى ناقتى سەلبەستىكتى كەڭەيتۋ كەرەك.

التىنشى، وركەنيەت اۋىس-كۇيىسىن، ٴوزارا ۇلگى الۋدى جەبەۋ كەرەك. 2021-جىلى جۇڭگو ـ فرانسيا مادەنيەت-ساياحات جىلىن بىرلىكتە ويداعىداي باسقارىپ، مۇراجاي جانە مادەنيەت مۇرالاردى قورعاۋ قاتارلى سالالارداعى سەلبەستىكتى كۇشەيتۋ كەرەك.

 

شي جينپيڭ مىنالاردى باسا دارىپتەدى: جۇڭگو فرانسيامەن ب م ۇ، جيىرما ەل توبى قاتارلى كوپ جاقتى مەحانيزمدەگى سەلبەستىكتى كۇشەيتىپ، ب م ۇ ـ ىن ۇيتقى ەتكەن حالىقارالىق جۇيەنى، حالىقارالىق زاڭدى نەگىز ەتكەن حالىقارالىق ٴتارتىپتى، دۇنيە ساۋدا ۇيىمىنىڭ ەرەجەسىن نەگىز ەتكەن كوپ جاقتى ساۋدا ٴتۇزىلىسىن باتىل قورعاۋدى، دۇنيە ساۋدا ۇيىمى رەفورماسىنىڭ كەڭەسىپ بىرلىككە كەلۋ تاسىلىمەن دۇرىس باعىتقا قاراي دامۋىن، اسىرەسە، وركەندەپ كەلە جاتقان ەلدەردىڭ دامۋ ۇقىق-مۇددەسىن قامتاماسىز ەتۋدى قالايدى. ورتاق ٴارى پارىقتى جاۋاپكەرشىلىك پرينسيپىنە تاباندى بولىپ، ٴتىپتى دە كوپتەگەن ەلدەردىڭ كليمات وزگەرىسىنە توتەپ بەرۋ حالىقارالىق سەلبەستىگىنە قاتىناسۋىن جەبەپ، «پاريج كەلىسىمىن» جالپى بەتتىك ىشكەرىلەي تياناقتاندىرۋ كەرەك. 

ماكرون بىلاي دەدى: فرانسيا مەن جۇڭگونىڭ ديپلوماتيالىق قاتىناس ورناتقاندىعىنىڭ ەلۋ بەس جىلدىعى قارساڭىندا تاعى دا جۇڭگوعا ساپارلاي كەلگەنىمە توتەنشە قۋانىشتىمىن، ٴتوراعا شي جينپيڭمەن ٴجيى بارىس-كەلىس جاساپ، فرانسيا مەن جۇڭگونىڭ دوستىعى مەن ساياسي ٴوزارا سەنىمدىلىگى تەرەڭدەپ، ناقتى سەلبەستىك پارمەندى ىلگەرىلەتىلدى. مەن ٴتوراعا شي جينپيڭنىڭ فرانسيا-جۇڭگو سەلبەستىگىن تەرەڭدەتۋ جونىندەگى كوزقاراسىن تولىق قۇپتايمىن. فرانسيا مەن جۇڭگونىڭ كوپتەگەن كەلەلى حالىقارالىق ماسەلەلەردەگى ۇستانعان مايدانى ۇقسايدى، كوز الداعى حالىقارالىق جاعدايدا، فرانسيا مەن جۇڭگو ەكى ءىرى ەل رەتىندە، ەرەكشە ماڭىزدى جاۋاپكەرشىلىك اراقالاپ وتىر. فرانسيا مەن جۇڭگونىڭ سۇحپاتتاسۋى مەن سەلبەستىگىن كۇشەيتۋ ماڭىزدى ۇلگى كورسەتۋ رولىن اتقارادى. ەكى جاقتىڭ اراسىنداعى كەيبىر الاۋىزدىقتاردى فرانسيا ٴوزارا قۇرمەت ەتۋ رۋحى بويىنشا ۇيلەسىمدى ٴبىر جاقتى ەتۋدى قالايدى. فرانسيا كاسىپورىندارى جۇڭگونىڭ سىرتقا ەسىكتى ايقارا اشۋ ورايىن مىقتى يگەرىپ، جۇڭگو بازارىنا ونان ارى قادام تاستاپ، جۇڭگوعا اۋىل شارۋاشىلىق ونىمدەرىن ەكسپورت ەتۋدى كەڭەيتىپ، اۆياتسيا، عارىشكەرلىك، حالىقتىق يادرو ەنەرگياسى قاتارلى ٴداستۇرلى سالالارداعى سەلبەستىكتى كۇشەيتىپ، عىلىم-تەحنيكادا جاڭالىق جاراتۋ، فينانىس قاتارلى سالالارداعى سەلبەستىكتى كەڭەيتۋدى شىنايى ٴۇمىت ەتەدى. جۇڭگونىڭ فرانسيادا ەۆرو زايومىن تاراتۋى فرانسيا جونىنەن كەلەلى ماڭىز الادى.فرانسيا جۇڭگو كاسىپورىندارىنىڭ فرانسياعا بارىپ سەلبەستىك ورىستەتۋىنە اشىق ۇستاۋ پوزيتسياسىن قولدانادى، جۇڭگو كاسىپورىندارىنا فرانسيانىڭ بازار قاقپاسى جابىلمايدى. فرانسيا «ٴبىر بەلدەۋ، ٴبىر جولدى» ەۆروپا وداعى مەن ەۆروپا ـ ازيا ٴوزارا بايلانىس جاساۋ ستراتەگياسىمەن ۇشتاستىرۋدى ىلگەرىلەتىپ، جاسىل «ٴبىر بەلدەۋ، ٴبىر جولدى» ورتاق قۇرۋدى قالايدى. فرانسيا مەن جۇڭگو گۋمانيتارلىق اۋىس-كۇيىستى كەڭەيتىپ، وركەنيەتتە ٴوزارا ۇلگى الۋدى جەبەۋ كەرەك. فرانسيا مەن جۇڭگو كوپ جاقتىلىقتى ورتاق قورعاپ، تەرورلىققا قارسى تۇرۋ، يران يادرو كەلىسىمى قاتارلى ماسەلەلەردە ستراتەگيالىق سۇحپاتتاسۋدى، سايكەسۋدى كۇشەيتىپ، دۇنيە ساۋدا ۇيىمى رەفورماسىنىڭ ەرتەرەك ىلگەرىلەۋىن جەبەۋ كەرەك. فرانسيا مەن جۇڭگو «فرانسيا مەن جۇڭگونىڭ ورگانيزىمدەردىڭ الۋان تۇرلىلىگىن قورعاۋ جانە كىليمات وزگەرىسىنە توتەپ بەرۋ بەيجيڭ دارىپتەمەسىن» بىرلىكتە جاريالايدى، ەكى ەل وسى ماڭىزدى ماسەلەلەردە جەتەكشىلىك رول اتقارا الادى. كەزەكتە دۇنيە جۇزىندە تۇراقسىز فاكتورلار كوبەيگەن جاعدايدا ەۆروپا وداعىنىڭ جۇڭگومەن سەلبەستىكتى تەرەڭدەتۋى توتەنشە ماڭىزدى، فرانسيا ەۆروپا-جۇڭگو قاتىناسىنىڭ ىشكەرىلەي دامۋىن ىلگەرىلەتۋدى، ەۆروپا-جۇڭگو قارجى قوسۋ كەلىسىمى كەلىسسوزىنىڭ اياق الىسىن جەدەلدەتۋدى قالايدى.

 

كەڭەستەن كەيىن، ەكى ەل باسشىلارى اۆياتسيا، عارىشكەرلىك، يادرو ەنەرگياسى، شۇعىل جاعدايعا توتەپ بەرۋ، باسقارۋ، مادەني مۇرالار، اۋىل شارۋاشىلىعى، ونەركاسىپ، تابيعاتتى قورعاۋ، فينانىس، 3-جاق سەلبەستىگى قاتارلى سالالارداعى سەلبەستىك حۇجاتتارعا قول قويۋعا كۋا بولدى.

 

ەكى ەل باسشىلارى جۇڭگو-شەتەل تىلشىلەرىمەن كەزدەستى ٴارى جۇڭگو مەن ەۆروپا وداعىنىڭ «جۇڭحۋا حالىق رەسپۋبليكاسى ۇكىمەتى مەن ەۆروپا وداعىنىڭ جاعراپيا بەلگىسىن قورعاۋ جانە سەلبەستىك كەلىسىمى كەلىسسوزىن اياقتاتۋ جونىندەگى بىرلەسكەن مالىمدەمەگە» قول قويۋىنا كۋا بولدى. 

 

ەكى ەل «جۇڭگو-فرانسيا قاتىناسىنىڭ ارەكەت جوسپارىن» جانە «جۇڭگو مەن فرانسيانىڭ ورگانيزمدەرىنىڭ الۋاندىلىعىن قورعاۋ جانە كليمات وزگەرىسى جونىندەگى بەيجيڭ دارىپتەمەسىن» بىرلىكتە جاريالادى.

 

ماكروننىڭ كۋا بولۋىندا، شي جينپيڭ فرانسيانىڭ جۇڭگودا تۇراتىن جاڭادان تاعايىندالعان باس ەلشىسى لولياڭنىڭ مەملەكەت حاتىن تاپسىرىپ الدى. 

 

كەڭەستەن بۇرىن شي جينپيڭ حالىق سارايىنىڭ شىعىس قاقپاسىنىڭ الدىنداعى الاڭدا ماكروندى قارسى الۋ سالتىن وتكىزدى. پىڭ لييۋان، ياڭ جيەچى، حۋ چۇنحۋا، ساۋ جيانميڭ، ۋاڭ يي، شيا باۋلۇڭ، حى ليفىڭ قاتارلىلار قيمىلعا قاتىناستى. 

 

 

中央广播电视总台 央广网 版权所有