ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

شار تاراپتان كەلگەن قوناقتار قارسى الۋعا بولەندى

来源:央广网     |责编:达吾力别克|     发布日期: 2019-11-07 18:24

 

 

 

 

تانىستىرۋعا قاراعاندا، وسى كەزەكتى يمپورت كورمەسىندە 64 مەملەكەت، 3 حالىقارالىق ۇيىم كورمەگە قاتىناسقان. كورمەگە قاتىناسقان 64 ەلدىڭ ىشىندە جۇڭگودان سىرت 24 مەملەكەت تۇڭعىش رەت كورمەگە قاتىناسقان، 39 مەملەكەت كورمەگە ەكىنشى رەت قاتىناستى، بۇل رەتكى يمپورت كولەمىنىڭ دوس شەڭبەرى بەس قۇرلىقتى نەگىزىنەن شارپىدى. ءار ەل سارايلارىنىڭ جوبالانۋى ءوز ەلدەرىنىڭ ەرەكشەلىگىن ايگىلەپ، كورمەگە قويىپ ساتقان ونىمدەرى دە ازىق - تۇلىك، كيىم - كەشەك، تۇتىنۋ بۇيىمدارى قاتارلى كوپتەگەن جاقتارعا سايادى. كەشە باعدارلامامىزدا جۇڭگو سارايى تانىستىرىلعان، بۇگىنگى باعدارلامامىزدا باسقا ەلدەردىڭ مەملەكەت سارايىمەن تانىساسىزدار.

«فرانسيانى تاڭداۋ»- بۇل رەتكى فرانسيا مەملەكەت سارايىنىڭ نەگىزگى تاقىرىبى بولدى. جەر شارىلانعان 17 كاسىپورىن مەن 6 الەۋمەتتىك قۇرىلىمنان قۇرالعان فرانسيا سارايى كورەرمەندەرگە اشىق، وسىزاماندانعان جانە ومىرشەڭدىككە تولى فرانسيا وبرازىن ايگىلەيدى. كورمە اشىلعان كۇنى ءتوراعا شي جينپيڭ فرانسيانىڭ پرەزيدەنتى ماكروننىڭ سەرىك بولۋىندا فرانسيا سارايىن ەكسكۋرسيالادى ءارى فرانسيانىڭ قىزىل اراعىنىڭ ءدامىن تاتىپ، سيىر ەتى قاتارلى ونىمدەردەن اۋىز ءتيدى. فرانسيا كاسىپكەرلەرىمەن پىكىر الماستىرعاندا، شي جينپيڭ بىلاي دەپ اتاپ كورسەتتى: «جۇڭگونىڭ تۇتىنۋ بازارى وتە ۇلكەن، فرانسيا كاسىپكەرلەرىنىڭ ۇزاق بولاشاقتى كوزدەپ، جۇڭگومەن ءوزارا ءتيىمدى سەلبەستىكتى كۇشەيتۋىن ءۇمىت ەتەمىن».

كامبودجا مەملەكەتتىك سارايىنىڭ جوبالانۋى ەرەكشە كەلبەتتى بولىپ، ءوز ەلدەرىنىڭ پاتشا سارايىن يمپورت كورمەسىنە كوشىرىپ كەلگەندەي اسەر بەرەدى. «دۇنيە جۇزىندەگى ەڭ جاقسى كۇرىش» اتانعان كامبودجا كۇرىشى تۇڭعىش كەزەكتى كورمەگە قويىلعاننان كەيىن، جۇڭگوعا ەكسپورت ەتۋ مولشەرى ەسەلەپ ارتتى. بيىل الدىڭعى 9 ايدا كامبودجا جۇڭگوعا 157 مىڭ 800 توننا كۇرىش ەكسپورت ەتىپ، ۇقساس مەزگىلدەگىدەن % 44 ارتتى، كەزەكتە جۇڭگو كامبودجانىڭ كۇرىشتى ەكسپورت ەتۋدەگى ەڭ ۇلكەن بازارىنا اينالدى. وسى كەزەكتى كورمەدە كامبودجا ۇكىمەتى كامبودجانىڭ ءتىپتى دە كوپ اۋىل شارۋاشىلىق ونىمدەرىن جۇڭگونىڭ يمپورت كورمەسى ارقىلى جۇڭگو وتباسىنىڭ اس ۇستەلىنە شىعارۋدى جوسپارلاۋدا.

 

2 ـ كەزەكتى يمپورت كورمەگە قاتىناسقان نەگىزگى قوناق ەل رەتىندە وزبەكستان مەملەكەتتىك كورمە سارايى جالپى بەتتىك قارسى الۋعا بولەندى. وزبەكستان «ءبىر بەلدەۋ، ءبىر جول» دارىپتەمەسىن ەڭ ەرتە قولداعان جانە بەلسەنە ات سالىسقان ەلدەردىڭ ءبىرى. 2018 ـ جىلدان باستاپ وزبەكستاندا وندىرىلگەن شيە ءونىمى جۇڭگو حالقىنىڭ ۇناتىپ جەيتىن جەمىسىنە اينالدى، بۇدان بىلاي وزبەكستاننىڭ ءتىپتى دە كوپ ەرەكشەلىككە يە اۋىل شارۋاشىلىق ونىمدەرى جۇڭگو بازارىنا كىرەتىن بولادى. 

 

قادىرمەندى كورەرمەن قاۋىم، بۇگىنگى بەرىلىمىزدىڭ تولىق مازمۇنى وسىمەن اياقتادى، كوڭىل قويىپ كورگەندەرىمىزگە راحىمەت، ەرتەڭ وسى ۋاقىتتا جۇزدەسكەنشا ساۋ –سالەمەت بولىڭىزدار! 

 

中央广播电视总台 央广网 版权所有