ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

وتكەن كەزەكتى يمپورت كورمەسىندەگى جاڭا ونىمدەر قايدا؟

来源:央广网     |责编:阿依娜|     发布日期: 2019-11-08 17:23

 

 

 

وسى كەزەكتى يمپورت كورمەسىندە تۇڭعىش رەت كورمەگە قويىلعان جاڭا تەحنيكالى ونىمدەر ەرەكشە كوپ بولدى، كورمە اياقتاعاننان كەيىن، وسى جاڭا ونىمدەر قايدا اپارىلادى؟ بۇل ونىمدەردىڭ تۇرمىسىمىزبەن قانداي قاتىسى بار؟ وسى سۇراقتارعا بۇگىن ٴبىز سىزدەرمەن بىرگە كورمە سارايلارىن ارالاي ءجۇرىپ جاۋاپ ىزدەيتىن بولامىز.

جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ سالتىنىڭ بۇقارالىق ءجۇرىس بولىمىندەگى لياۋنيڭ ولكەسىنىڭ اشەكەيلى اۆتوكولىگىندە ءبىر روبوت پەن كىشكەنتاي ەكى بالانىڭ بىرلىكتە پيانينودا «مەن جانە مەنىڭ وتانىم» اتتى ءاندى بىرلىكتە شەرتكەن كورىنىسى ەسىڭىزدە مە؟ ەلىمىزدە وندىرىلگەن «دوكا» دەپ اتالاتىن وسى روبوتتىڭ وزەكتى تەحنيكالىق بولشەگى تۇڭعىش كەزەكتى يمپورت كورمەسىنە قاتىناسقان-گەرمانيا SCHUNK سەرىكتىگى وندىرگەن ۇقساتىلمالى بەس ساۋساقتى مەحانيكا تەحنيكاسى بولاتىن. ال بيىلعى يمپورت كورمەسىندە، «قىزمەت وتەۋ تيپىندەگى روبوتتىڭ SVH بەس ساۋساعى» دەپ اتالاتىن دارەجەسى جوعارىلاتىلعان نۇسقاسى ەپتى ساۋساقتارىمەن كولا قۇمىراسىن ۇستاي الادى، ماشينا رولىن مەڭگەرە الاتىن، ءتىپتى، ينەگە ءجىپ ساباقتاي الاتىن قابىلەتى جۇرت نازارىن اۋداردى. 

بۇدان سىرت، وسى رەتكى يمپورت كورمەسىندە ۇستىنە تەك 4 تە 5 سەكۋند وتىرساڭىز بولعانى، دەنساۋلىق جاعدايىڭىزدىڭ ٴتۇرلى كورسەتكىشتەرىن سول ساتتە تەكسەرىپ انىقتاپ شىعاتىن جاپونيادا وندىرىلگەن دارەت شەلەگى؛ گەرمانيا كاسىپورىندارى جۇڭگو بازارىنا باعىتتاي وندىرگەن، ەۆروپادا جالپى بەتتىك قارسى الۋعا بولەنگەن زەيىندەسكەن شاي جاساۋ ماشيناسى؛ 10 مينۋت قاقتاسا بولعانى جەۋگە بولاتىن سينگاپوردىڭ-قىزىل بۇرىشتى شايانى سىندى ٴتۇرلى جاڭا ونىمدەر، كورمەگە قاتىناسقان ٴار ەل ساۋداگەرلەرىن ەرەكشە تاڭ قالدىردى. ال، وسى ونىمدەردىڭ ىشىندە قايسى ونىمدەردىڭ بيىلعى يمپورت كورمەسىندە جاپپاي قارسى الۋعا يە بولىپ، الارمانى كوپ ٴونىم بولاتىندىعى قازىرگە بەيمالىم. 

يمپورت كورمەسىندەگى وسى جاڭا ونىمدەر كەزەكتە بۇكىل الەم نازارىن اۋدارۋدا، كورمە اياقتاعاننان كەيىن وسى ونىمدەر قايدا جونەلتىلەدى؟ ەندى ءبىز تۇڭعىش كەزەكتى كورمەدەگى ايگىلى ونىمدەردىڭ قازىرگى قايدا بارعانىنا نازار اۋدارىپ كورەلىك.

ا ق ش-نىڭ ەمدەۋ عىلىم-تەحنيكا سەرىكتىگى وندىرگەن تەڭگەدەي عانا ۇلكەندىكتەگى ەلەكتر سىمسىز جۇرەك سوقتىرعىش اسپاب بيىل 6-ايدا ەلىمىزدە بەكىتۋدەن ٴوتىپ بازارعا شىعارىلدى، الدا بۇل جاڭا ٴونىم وسى تۇردەگى ناۋقاستاردى ەمدەۋگە قولدانىلادى. وتكەن جىلى قارسى الۋعا بولەنگەن مالايزيانىڭ اۋىل شارۋاشىلىق ونىمدەرى كەزەكتە ەلىمىزدەگى كوپتەگەن ەرەن بازارلاردا ساتىلا باستادى. ۋكراينانىڭ شەكىلدەۋىك مايى مەن جاڭا زەرلانديانىڭ سيىر ءسۇتىنىڭ ايلىق ساتىلىم مولشەرى كەزەكتە جۇڭگو بازارىندا 1-كەزەكتى يمپورت كورمەسىنەن بۇرىنعى ساتىلىم مولشەرىنەن 36 ەسە ارتتى.

قازىر يمپورت كورمەسىنە قويىلعان توۆارلار ەلىمىزدىڭ جەر-جەرىندەگى دۇكەندەرگە جەتكىزىلىپ قالماستان، تيان-ماۋ، سۋ-نيڭ سىندى ەلەكتروندى ساۋدا تەكشەلەرىندە ساتىلا باستادى. بۇگىنگى تاڭدا يمپورت كورمەسىنە قويىلعان شەتەل ونىمدەرى قاسىمىزدان تابىلاتىن بولدى، بۇل ونىمدەر جۇڭگو تۇتىنۋشىلارىنا ٴتىپتى دە كوپ تاڭداۋ ورايىن جاراتىپ قالماستان، وتە كوپ قولايلىقتار الا كەلدى. كوپ ۇزاماي سىزدە يمپورت كورمەسىنە قويىلعان وسى شەتەل ونىمدەرىن ساتىپ الاتىن بولاسىز!

 

 

 

    中央广播电视总台 央广网 版权所有

    وتكەن كەزەكتى يمپورت كورمەسىندەگى جاڭا ونىمدەر قايدا؟

    وتكەن كەزەكتى يمپورت كورمەسىنە قويىلىپ، جاپپاي قارسى الۋعا يە بولعان جوعارى تەحنيكالى ونىمدەر قازىر قايدا؟