ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

شونجى اۋدانىنداعى قاراقولدار سوتتالدى

来源:央广网     |责编:达吾力别克|     发布日期: 2019-11-18 10:31

جۋىقتا شونجى اۋداندىق حالىق سوتى قوعامنىڭ نازارىن اۋدارعان ۋاڭ ۋي باستاعان 29 جاۋاپكەردىڭ قاراكۇشكە ساياتىن ارەكەتىنە 1-سوت تەرگەۋىن جۇرگىزدى. بۇل شونجى اۋدانىندا سۇرقيا، قارا كۇشتەردى الاستاۋ ارناۋلى كۇرەسى ورىستەتىلگەننەن بەرگى قارا كۇشتەرگە ساياتىن دەلولاردىڭ ىشىندەگى شارپىعان ادام سانى ەڭ كوپ بولعان دەلو، ءارى  شونجى اۋداندىق حالىق سوتى تاريحىندا تەرگەلگەن جاۋاپكەر سانى ەڭ كوپ بولعان قىلمىستىق ىستەر دەلوسى ەسەپتەلەدى.

 

شونجى اۋداندىق حالىق سوتى مەكەمەسى زاڭ بويىنشا ۋاڭ ۋي باستاعان 29 جاۋاپكەردىڭ قارا كۇشكە ساياتىن دەلوسىن اشىق تەرگەدى. ۋاڭ ۋي قاراقول سيپاتىندىق ۇيىم قۇرعان، ءارى اتامانى بولعان باس قىلمىستى. سوت ۋاڭ ۋيدىڭ توناۋشىلىق قىلمىسى، قۇمار الاڭىن اشۋ قىلمىسى، قورقىتىپ تارتىپ الۋ قىلمىسى، زورلىقتى ساۋدا قىلمىسى، ءتان ساتۋعا ۇيىمداستىرۋ قىلمىسى، ەسىرتكى ساۋدالاۋ قىلمىسى، باسقالاردىڭ ەسىرتكى تۇتىنۋىنا ورىن ازىرلەپ بەرۋ قىلمىسى، توپتاسىپ توبەلەسۋ قىلمىسى قاتارلى 9 ءتۇرلى قىلمىسىن جيناقتاپ، ۋاڭ ۋيدى 25 جىلدىق مەرزىمدى قاماۋ جازاسىنا كەسۋ، ساياسي ۇقىعىنان 5 جىل ماحۇرىم ەتۋ، بارلىق مال-مۇلكىن ءمۇسادىرالاۋ؛ توپتاعى بەلدى 4 قولشوقپاردى 8 جىلدان 14 جىل ارالىعىندا مەرزىمدى قاماۋ جازاسىنا كەسۋ، ايىپ سالۋ، ساياسي ۇقىعىنان 3 جىل ماحۇرىم ەتۋ؛ توپتىڭ 7 بەلسەندى مۇشەسىن 5 جىلدان جوعارى مەرزىمدى قاماۋ جازاسىنا كەسۋ، ايىپ سالۋ؛ توپتىڭ 9 جاي مۇشەسىن ءبىر جىل 6 ايدان جوعارى مەرزىمدى قاماۋ جازاسىنا كەسۋ، ايىپ سالۋ ۇكىمىن شىعاردى.

ۋاڭ ۋي باستاعان قاراقول سيپاتىندىق ۇيىم ۇزاق ۋاقىتتان بەرى شونجى اۋدانىن شەڭگەلدەپ، ۇيىمدى تۇردە 11 رەت زورلىقتى كۇش قىلمىستىق ارەكەتىن وتكىزەدى، مۇنىڭ ءبىر رەتكىسى توناۋشىلىق، ءۇش رەتكىسى توپتىق توبەلەس، ءتورت رەتكىسى قورقىتىپ تارتىپ الۋ، ەكى رەتكىسى زورلىقتى ساۋدا، سوڭعى ءبىر رەتى قاساقانا ادام جارالاۋ بولعان. بۇل قاراقوعام سيپاتىندىق ۇيىم تاعى مىڭ رەتتەن استام قۇمار الاڭىن اشىپ، 2 رەت ءتان ساتۋعا ۇيىمداستىرىپ، ۇزاق ۋاقىت زاڭسىز قۇمار ويناۋ، كوڭىل اشاۋ ورنىن جانە ەسىرتكى بازارىن اشىپ، قىرۋار زاڭسىز ەكونوميكالىق پايداعا كەنەلگەن، جالپى تۇسىرگەن ارام پايداسى 30 ميلليون يۋانعا جۋىق بولعان.  قاراقوعام سيپاتىندىق ۇيىم قۇرۋ، توناۋشىلىق، توپتاسىپ توبەلەسۋ، قورقىتىپ تارتىپ الۋ، زورلىقتى ساۋدا، قۇمار الاڭىن اشۋ، ءتان ساتۋعا ۇيىمداستىرۋ سياقتى قىلمىستاردى وتكىزىپ، شونجى اۋدانىنىڭ ەكونوميكالىق ءتارتىبى مەن قوعامدىق تۇرمىس ءتارتىبىن اۋىر دارەجەدە ءبۇلدىرىپ، شونجى اۋدانىندا توتەنشە جيىركەنىشتى قوعامدىق ىقپال تۋدىرعان.

 

تانىستىرۋعا قاراعاندا، ۋاي ۋيدىڭ قارا كۇشكە ساياتىن دەلوسى 2018-جىلدان بەرگى سۇرقيا، قارا كۇشتەردى الاستاۋ ارناۋلى كۇرەسى باستالعاننان بەرگى شونجى اۋدانىندا تەكسەرىپ ءبىرجاقتى ەتىلگەن تۇڭعىش رەتكى قارا كۇشكە ساياتىن دەلو بولىپ، قوعام حاۋىپسىزدىگى مينيسترلىگى دەلونىڭ  اتقارىلۋىن ارنايى باقىلاپ، اۆتونوميالى رايون ءتۇيىندى قۋزاۋ سالعان. قوعامنىڭ ءار سالاسى دا بۇل دەلوعا ايىرىقشا نازار اۋدارعان. سانجى گازەتىنىڭ حابارى (ءتىلشى لياۋ دۇڭيۇن، ەرىكتى تىلشىلەر ۋان ليحۇڭ، مياۋ لي حابارلايدى)

 

    中央广播电视总台 央广网 版权所有

    شونجى اۋدانىنداعى قاراقولدار سوتتالدى

    جۋىقتا شونجى اۋداندىق حالىق سوتى قوعامنىڭ نازارىن اۋدارعان ۋاڭ ۋي باستاعان 29 جاۋاپكەردىڭ قاراكۇشكە ساياتىن ارەكەتىنە 1-سوت تەرگەۋىن جۇرگىزدى. بۇل شونجى اۋدانىندا سۇرقيا، قارا كۇشتەردى الاستاۋ ارناۋلى كۇرەسى ورىستەتىلگەننەن بەرگى قارا كۇشتەرگە ساياتىن دەلولاردىڭ ىشىندەگى شارپىعان ادام سانى ەڭ كوپ بولعان دەلو، ءارى شونجى اۋداندىق حالىق سوتى تاريحىندا تەرگەلگەن جاۋاپكەر سانى ەڭ كوپ بولعان قىلمىستىق ىستەر دەلوسى ەسەپتەلەدى.