ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

بەيقۇت ءۇي «بەينەت ءۇي» بولدى، ۋادە نەگە ورىندالمايدى

来源:央广网     |责编:达吾力别克|     发布日期: 2019-12-02 10:05

جۋىقتا گانسۋ مينشان اۋدانىنىڭ تۇرعىندارى «جۇڭگو ءۇنى» سايىتىنا اڭىس ءبىلدىرىپ، نەشە جىلدىڭ الدىندا مينشان اۋدانى ۇيلەرىن بۇزىپ، قونىستارىن جوتكەپ رۇنچىڭجيايۋان الەۋمەتتىك اۋماعىنا ءبىر تۇتاس ورنالاستىرعاندىعىن، كەيىن بۇل بەيقۇت ۇيلەر «ەرەجەگە قايشى قۇرىلىس» بولعاندىقتان تۇراقتى مۇلىك كۋالىگىن بىتىرە الماعاندىقتارىن، وعان قوسا الەۋمەتتىك اۋماقتاعى تۇرعىنداردىڭ بۇرىن ءۇي، جەر كۋالىگى بولسادا، ءبىراق تۇراقتى مۇلىكتى تىزىمدەگەندە ۇيلەرى «ەرەجەگە قايشى قۇرىلىس» ەسەبىنە جاتقىزىلعانىن ايتىپ، بۇل بەيقۇت ءۇي قالايشا ەرەجەگە قايشى قۇرىلىسقا اينالىپ قالاتىنى جونىندە سۇراۋ تاستادى.

اۋداندىق جاراتىلىستىق بايلىق مەكەمەسى: قوراجاي اشۋ ساۋداگەرلەرى جەردى ارتىق يەلەپ العان، يەلەپ العان جەردىڭ اقىسىن تولىقتاپ تاپسىرماسا كۋالىك بەرىلمەيدى


گانسۋ مينشان اۋدانى رۇنچىڭجيايۋان الەۋمەتتىك اۋماعىنىڭ تۇرعىنى لي مىرزا تىلشىگە بىلاي دەيدى: 2015-جىلى ساتىپ العان ءۇيىمنىڭ ءۇي-مۇلىك كۋالىگى تولىق بولاتىن، 2017-جىلدان كەيىن تۇرعىنداردىڭ اۋزىنان ءۇي-مۇلىك كۋالىگىن كەپىلگە قويىپ قارىز الۋعا بانكەنىڭ باس تارتقاندىعىن ەستىدىم. ءۇي-مۇلىك باسقارۋ تاراۋلارىنا بارىپ ۇعىسساق، الەۋمەتتىك اۋماقتىڭ مال-مۇلىك ۇقىعىندا ماسەلە بار دەيدى، سەبەبى قۇرىلىس سالىنعان ۋاقىتتا 700 شارشى مەتردەن استام جەردى ارتىق يەلەگەن بولىپ شىقتى.

تاۋار ءۇي ساتىپ العان تۇرعىنداردىڭ ءوزى تۇراقتى مۇلىك كۋالىگىنە تىزىمدەتە الماۋدان سىرت، الەۋمەتتىك اۋماقتاعى كوپ ساندى تۇرعىندار ءۇي كۋلىگىن دە الا الماعان. الەۋمەتتىك اۋماق تۇرعىنى لاڭ مىرزا بىرنەشە وتباسىنىڭ ءۇيى بۇزىلىپ، قونىس جوتكەگەندە مينشان اۋداندىق تۇرعىن ءۇي-قۇرىلىس مەكەمەسى جاعىنان رۇنچىڭجيايۋان شاعىن رايونىنا ءبىر تۇتاس ورنالاستىرىلىپ، وزدەرىنىڭ زاڭدى ءۇيى شاعىلىپ، «زاڭسىز ۇيگە» كوشىپ كىرگەندىگىن اسا كەيىستىكپەن باياندادى.

مينشان اۋداندىق جاراتىلىستىق بايلىق مەكەمەسىنىڭ ءبىر جاۋاپتىسى بىلاي دەپ تۇسىنىك جاسادى: 2018-جىلدىڭ الدى-ارتىندا، مينشان اۋدانى ءۇي-مۇلىك كۋالىگىن تۇراقتى مۇلىك كۋالىگىنە وزگەرتتى، كۋالىك تاراتۋ قۇرىلىمى دا ءۇي-جاي باسقارۋ مەكەمەسىنەن جاراتىلىستىق بايلىق مەكەمەسىنە وزگەردى، رۇنچىڭجيايۋان الەۋمەتتىك اۋماعىن تىزىمدەۋ بارىسىندا، جاراتىلىستىق بايلىق مەكەمەسى الەۋمەتتىك اۋماقتاعى 4 / 5 / 6 عيماراتىنىڭ قۇرىلىس ورنى كەزىندە ەرەجەگە قايشىلىق جاساپ، ارتىق يەمدەنىپ الىنعان جەرگە سالىنعاندىقتان، تۇراقتى مۇلىك كۋالىگىن بىتىرۋگە امالسىز بولدىق، 2018-جىلعى تۇراقتى مۇلىك رەفورماسىندا ءۇي، جەردىڭ ينفورماتسياسى بۇل كۋالىكتە تولىق قامتىلاتىندىقتان، كەيىنگى ناقتىلى ولشەۋ بارىسىندا 4 -، 5 -، 6 - عيماراتتاردىڭ ۇشتەن ءبىرى ارتىق يەلەگەن جەرگە سالىنعان، قوراجاي اشۋ ساۋداگەرلەرى بۇل جەردى ءوز بەتىنشە ارتىق يەلەپ العان ەكەن. تۇراقتى مۇلىك كۋالىگىن بىتىرۋگە شارتى تولمايتىندىقتان، ەڭ سوڭىندا قوراجاي اشۋ ساۋداگەرلەرىنە ارتىق جەردىڭ اقىسىن تولىقتاپ بەرۋىن تالاپ ەتتىك، بۇلاي ىستەمەسە مەملەكەت مەنشىگىندەگى مال-مۇلىك زايا بولعالى تۇر،-دەيدى.

جوسپار جاساعاندا جانە تەكسەرىپ وتكىزىپ العاندا نەلىكتەن ماسەلە بايقالمادى ؟


اۋداندىق جاراتىلىستىق بايلىق مەكەمەسى نەگە سىرعاقتاپ جاۋاپ بەرمەيدى؟


اۋداندىق جاراتىلىستىق بايلىق مەكەمەسىنىڭ ءبىر جاۋاپتىسىنىڭ ايتۋىنشا، ولار ماسەلەنى بايقاعاننان كەيىن كوپ رەت جوعارى دارەجەلى تاراۋلارعا دوكلاد ەتىپ، كوپ رەت سايكەستىرۋ ارقىلى اقىرى شەشۋ جوباسىن جاساعان، كەزەكتە قازىرگى باعامەن ارتىق جەردىڭ نارقىنا ساراپتاۋ جۇرگىزۋدەمىز، قوراجاي اشۋ ساۋداگەرى جەر باعاسى بويىنشا ارتىق جەردىڭ اقىسىن تولىقتاپ تاپسىرسا بولدى تۇرعىندار كۋالىك بىتىرۋىنە بولادى. ال كەزىندە جوبالاعاندا، قۇرىلىس سالعاندا، ءتىپتى تەكسەرىپ وتكىزىپ العان كەزدە بۇل ماسەلە نەگە بايقالمايدى دەگەن بۇقارانىڭ كۇدىكتى سۇراۋىنا كەلگەندە بۇل جاۋاپتى سىرعاقتاپ جاۋاپ بەرە المادى:«قازىر جەر كولەمى ەسەپتەلىپ شىققاننان كەيىن ساراپتاۋ جۇرگىزىلەدى، قوراجاي اشۋ ساۋداگەرى سول بويىنشا اقشاسىن تولىقتاپ تولەيدى، ەگەر ول تولەمەسە زاڭعا قايشىلىق جاساعان بولادى، تەك ول تولەسە بولدى ءبىز دەرەۋ بۇقارانىڭ كۋالىگىن ءبىتىرىپ بەرەمىز. بۇل جەردى ۇرلاپ يەلەپ العاندىق قوي، بۇكىل ەل كولەمىندە ونداي جەرلەر وتە كوپ، بۇرىن كۋالىك ءبىتىرۋ قيىن بولۋ ماسەلەلەرىنىڭ ءبارى وسىعان تىرەلەدى، بۇرىن جەر مەن ءۇيدى ايىرىم باسقاراتىندىقتان، ءۇي باسقارۋ ورنى جەردى باسقارمايتىن، ال قازىر ەكى كۋالىك قوسىلىپ كەتتى دە، بىرەۋى تۋرا كەلمەسە بىتىرۋگە كەلمەي قالدى»،-دەيدى.

رۇنچىڭجيايۋاندى اشقان كاسىپورىن گانسۋ رۇنيۋي قوراجاي اشۋ توبىنىڭ دەرەكتورى ۋاڭ پيڭ تىلشىگە 12-ايدا جەردىڭ قۇنى باعالانعاننان كەيىن دەرەۋ تولىقتاپ تاپسىراتىندىقتارىن ايتتى. ال بۇرىن نە ءۇشىن ەرەجەگە قايشىلىق جاساپ جەردى يەلەپ العاندارى جونىندە سۇراعانىمىزدا ول جاۋاپ بەرۋدەن قاشقالاقتادى.

تۇرعىنداردىڭ ايتۋىنشا، وتكەن جىلى ولار بۇل ماسەلەنى كوتەرگەن كەزدە دە وسىنداي شەشۋ جوباسى ايتىلعان، سودان بەرى ءبىر جىل وتكەن ەكەن. بۇل جولى ولار ۋادەسىندە تۇرا ما؟ سوڭىندا ءۇي كۋالىگىن بۇقارا بىتىرە الا ما؟ بۇنى جۇڭگو ءۇنى سايىتى ءوز قاداعالاۋىنا الاتىن بولادى.

中央广播电视总台 央广网 版权所有

بەيقۇت ءۇي «بەينەت ءۇي» بولدى، ۋادە نەگە ورىندالمايدى

جۋىقتا گانسۋ مينشان اۋدانىنىڭ تۇرعىندارى «جۇڭگو ءۇنى» سايىتىنا اڭىس ءبىلدىرىپ، نەشە جىلدىڭ الدىندا مينشان اۋدانى ۇيلەرىن بۇزىپ، قونىستارىن جوتكەپ رۇنچىڭجيايۋان الەۋمەتتىك اۋماعىنا ءبىر تۇتاس ورنالاستىرعاندىعىن،