ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

شي جينپيڭ مەن پۋتين بەينە ەكراندا گاز جەتكىزۋ سالتىنا كۋا بولدى

来源:央广网     |责编:阿依娜|     发布日期: 2019-12-03 15:23

 

 

 

 

ءوز حابارىمىز: مەملەكەت ٴتوراعاسى شي جينپيڭ 12-ايدىڭ 2-كۇنى تۇستەن كەيىن بەيجيڭدە بەينە ەكران ارقىلى رەسەيدىڭ پرەزيدەنتى پۋتينمەن سويلەسىپ، جۇڭگو مەن رەسەيدىڭ شىعىس لەنيا تابيعي گاز قۇبىرىنىڭ وندىرىسكە قوسىلۋ، گاز جەتكىزۋ سالتىنا بىرلىكتە كۋا بولدى. مەملەكەتتىك كەڭەس زۇڭليىنىڭ ورىنباسارى حان جىڭ سالتقا قاتىناستى.

 

شي جينپيڭ مەن سوچيدا جۇرگەن پۋتين بەينە ەكران ارقىلى ٴوزارا سالەم جولدادى.

 

شي جينپيڭ قۇبىردىڭ وندىرىسكە قوسىلعانىن قۋانىشپەن قۇتتىقتاپ، ەكى ەل قۇرىلىسشىلارىنا شىنايى العىس ايتتى. شي جينپيڭ بىلاي دەپ انىق ايتتى: شىعىس لەنيا تابيعي گاز قۇبىرى-جۇڭگو مەن رەسەيدىڭ ەنەرگيا سەلبەستىگىندەگى نىشاندىق نىسان، سونداي-اق ەكى جاقتىڭ ىشكەرىلەي توعىسۋىنىڭ، سەلبەسە ورتاق يگىلىكتەنۋىنىڭ ۇلگىسى. 2014-جىلى پرەزيدەنت پۋتين ەكەۋىمىز ەكى جاقتىڭ نىسان سەلبەستىك حۇجاتىنا قول قويۋىنا كۋا بولدىق. 5 جىلدان استام ۋاقىتتان بەرى، ەكى ەلدىڭ قۇرىلىس ىستەرىنە اتسالىسقان ورىندارى تىعىز سەلبەسىپ، قۇرىلىسشىلار مۇز قۇرسانىپ، قار كەشە جۇمىس ىستەپ، قۇرىلىس مىندەتىن جوعارى دەڭگەيدە، جوعارى ساپامەن ورىنداپ، دۇنيەگە ٴىرى ەل شەبەرلەرىنىڭ ىسىلعان ونەرىن، جۇڭگو مەن رەسەي سەلبەستىگىنىڭ سۇبەلى تابىستارىن ايگىلەدى. قۇبىردىڭ وندىرىسكە قوسىلىپ گاز جەتكىزىلۋى ماڭىزدى كەزەڭدىك ناتيجە بولۋمەن بىرگە، ونان دا ماڭىزدىسى، جاڭا سەلبەستىك باستاماسى. ەكى جاق حاۋىپسىز قۇبىر، جاسىل قۇبىر، دامۋ قۇبىرىن، دوستىق قۇبىر جولىن قۇرىپ، قۇبىر قۇرىلىسى مەن ءوندىرىس اينالىمىنىڭ حاۋىپسىز، سەنىمدى بولۋىنا بار كۇشپەن كەپىلدىك ەتىپ، قۇبىر بويىنداعى وڭىرلەردىڭ ەكونوميكاسىنىڭ، قوعامىنىڭ باياندى دامۋىن جەبەۋ كەرەك.

شي جينپيڭ مىنالاردى باسا دارىپتەدى: بيىل جۇڭگو مەن رەسەيدىڭ ديپلوماتيالىق قاتىناس ورناتقاندىعىنىڭ 70 جىلدىعى، پۋتين پرەزيدەنت ەكەۋىمىز جۇڭگو مەن رەسەيدىڭ جاڭا داۋىردەگى جالپى بەتتىك ستراتەگيالىق سەلبەستىك سەرىكتەستىك قاتىناسىن دامىتاتىندىعىن بىرلىكتە جاريالاپ، جۇڭگو مەن رەسەيدىڭ قاتىناسىن دامىتۋدى ٴوز ەل ديپلوماتياسىندا الدىمەن ەسكەرەتىن باعىت ەتىپ، ەكى ەلدىڭ ستراتەگيالىق سەلبەستىگى مەن ٴار سالاداعى سەلبەستىگىن بۇلجىماستان تەرەڭدەتۋدى ٴبىر اۋىزدان ۇيعاردىق. قازىر جۇڭگو مەن رەسەي مەملەكەت دامۋىنىڭ شەشۋشى كەزەڭىندە تۇر، جۇڭگو مەن رەسەي قاتىناسى جاڭا داۋىرگە قادام تاستادى. ەكى جاقتىڭ جالعاستى قۇلشىنىپ، شىعىس لەنياداعى تابيعي گاز قۇبىرى سياقتى ٴتىپتى دە كوپتەگەن ەگەي نىسانداردى قۇرىپ، ەكى ەلدىڭ دامۋىنا كۇش قوسىپ، ەكى ەل مەن ەكى ەل حالقىنا ٴتىپتى دە زور باقىت جاراتۋدى ٴۇمىت ەتەمىن.

 

پۋتين بىلاي دەدى: رەسەي مەن جۇڭگو ديپلوماتيالىق قاتىناس ورناتقاندىعىنىڭ 70 جىلدىعىن سالتاناتپەن مەرەكەلەپ وتىرعان وسىناۋ ساتتە، رەسەي ـ جۇڭگو تابيعي گاز قۇبىرىنىڭ وندىرىسكە قوسىلىپ، گاز جەتكىزىلۋى كەلەلى تاريحي مانگە يە، ول ەكى ەلدىڭ ستراتەگيالىق سەلبەستىگىن تىڭ دەڭگەيگە كوتەرەدى. 2014-جىلى ٴتوراعا شي جينپيڭمەن بىرگە وسى نىسان سەلبەستىك حۇجاتىنا قول قويۋعا كۋا بولعاننان بەرى، ەكى جاقتىڭ قىزمەت ۇيىرمەسى ەرەكشە جاعدايدا قاجىرلىلىقپەن قىزمەت ىستەپ، قۇرىلىستى ۋاعىندا ورىنداپ بولدى، الداعى 30 جىلدا رەسەي جۇڭگونى ٴبىر تريلليون تەكشە مەتر تابيعي گازبەن قامدايدى، بۇل ٴتوراعا شي جينپيڭ ەكەۋىمىز كەلىسكەن 2024-جىلى رەسەي مەن جۇڭگونىڭ ەكى جاقتى ساۋدا سوماسىن 200 ميلليارد امەريكا دوللارعا جەتكىزۋ سىندى ورتاق تانىمدى تياناقتاندىرۋعا پايدالى. رەسەي جۇڭگومەن بىرگە قۇلشىنىپ، بەلگى سيپاتتى ستراتەگيالىق سەلبەستىك نىساندارىنىڭ ٴساتتى اتقارىلۋىنا كەپىلدىك ەتۋدى قالايدى.

جۇڭگو-رەسەي ۋاكىلدەرى حيحى، اتامانسكايا جانە چايانكين قۇبىر بويىنداعى 3 پۋنكتتە جەكە ـ جەكە ٴسوز سويلەپ، ەكى ەلدىڭ مەملەكەت باسشىلارىنا بىلاي دەپ مالىمەت بەردى: رەسەي جۇڭگو جاققا گاز بەرۋگە، جۇڭگو جاق گاز قابىلداۋعا دايار بولدى. 

 

پۋتين «گازبەن قامداۋعا» بۇيرىق بەردى.

 

شي جينپيڭ گاز قابىلداۋعا بۇيرىق بەردى.

 

تۇتاس مايداندا دۋ قول شاپالاق ٴۇنى كوتەرىلدى.

 

ياڭ جيەچى، ۋاڭ-ي، حى ليفىڭ قاتارلىلار جوعارىداعى قيمىلدارعا قاتىناستى.

 

جۇڭگو-رەسەي شىعىس لەنياسىنداعى تابيعي گاز قۇبىرى رەسەيدىڭ شىعىسىنداعى سىبەريادان باستالىپ، پراگوۆيشينسكي ارقىلى ەلىمىزدىڭ حيلۇڭجياڭ ولكەسىنىڭ حيحى قالاسىنا جەتكىزىلەدى. رەسەي شەكاراسى ىشىندەگى قۇبىردىڭ جالپى ۇزىندىعى شامامەن 3000 كيلومەتر، ەلىمىز شەكاراسى ىشىندەگى بولەگىندە 3371 كيلومەتر قۇبىر جاڭادان ورناتىلىپ، 1740 كيلومەتر بۇرىنعى قۇبىر پايدالانىلادى.  

    中央广播电视总台 央广网 版权所有

    شي جينپيڭ مەن پۋتين بەينە ەكراندا گاز جەتكىزۋ سالتىنا كۋا بولدى

    شي جينپيڭ مەن رەسەي پرەزيدەنتى پۋتين بەينە ەكران ارقىلى جۇڭگو مەن رەسەيدىڭ شىعىس لەنيا تابيعي گاز قۇبىرىنىڭ وندىرىسكە قوسىلۋ، گاز جەتكىزۋ سالتىنا بىرلىكتە كۋا بولدى