ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

شي جينپيڭ ميكرونەزيا فەدەراتسياسىنىڭ پرەزيدەنتىمەن كەڭەس وتكىزدى

来源:جۇڭگو قازاق راديو تورابى     |责编:达吾力别克 |     发布日期: 2019-12-14 10:13

 

 

 

 

 

ءوز حابارىمىز. مەملەكەت ءتوراعاسى شي جينپيڭ 12 ـ ايدىڭ 13 ـ كۇنى حالىق سارايىندا ميكرونەزيا فەدەراتسياسىنىڭ پرەزيدەنتى پانۋەللومەن كەڭەس وتكىزدى.


كەڭەستەن بۇرىن مەملەكەت ءتوراعاسى شي جينپيڭ حالىق سارايىنىڭ سولتۇستىك زالىندا سالت وتكىزىپ، ميكرونەزيا فەدەراتسياسىنىڭ پرەزيدەنتى دەۆي پانۋەللونىڭ ەلىمىزدە مەملەكەتتىك ساپاردا بولۋىن قارسى الدى.


تيان - انمىن الاڭىندا 21 رەت ساليۋت اتىلدى. اسكەري وركەستر جۇڭگو مەن مۇكرونەزيانىڭ مەملەكەت ءانىن ورىندادى. پانۋەللو شي جينپيڭنىڭ سەرىك بولۋىندا جۇڭگو حالىق ازاتتىق ارمياسىنىڭ قۇرمەت قاراۋىلىن كوزدەن كەشىردى.


ءتوراعا شي جينپيڭنىڭ حانىمى پىڭ لييۋان، ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق سىرتقى ىستەر قىزمەت كوميتەت كەڭسەسىنىڭ مەڭگەرۋشىسى ياڭ جيەچى، مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى ۋاڭ دۇڭميڭ، مەملەكەتتىك كەڭەستىڭ مۇشەسى ۋاڭ يي، مەملەكەتتىك ساياسي كەڭەس ءتوراعاسىنىڭ ورىنباسارى ياڭ چۋانتاڭ، حى ليفىڭ قاتارلىلار قارسى الۋ سالتىنا قاتىناستى.


پانۋەللومەن بىرگە جۇڭگوعا ساپارلاي كەلگەندەردەن ەدۆين حانىم، پارلامەنت باستىعىنىڭ ورىنباسارى قاتارلىلار بار. پانۋەللو شي جينپيڭنىڭ ۇسىنىسىمەن ەلىمىزدە مەملەكەتتىك ساپاردا بولدى.


قارسى الۋ سالتىنان كەيىن، ءتوراعا شي جينپيڭ حالىق سارايىندا پانۋەللو پرەزيدەنتپەن كەڭەس وتكىزدى.


شي جينپيڭ پانۋەللونىڭ ەكى ەلدىڭ ديپلوماتيالىق قاتىناس ورناتقاندىعىنىڭ 30 جىلدىعى قارساڭىندا جۇڭگوعا ساپارلاي كەلگەنىن قارسى الىپ، ونىڭ مىندەتكە وتىرعاننان بەرى جۇڭگومەن قاتىناستى دامىتۋعا بەلسەنە كۇش سالىپ، ءبىر جۇڭگو پرينسيبىنە تاباندى بولعاندىعىن القادى. شي جينپيڭ مىنالاردى انىق ايتتى: جۇڭگو بەيبىت دامۋ جولىمەن جۇرۋگە، ۇلكەندى ـ كىشىلى ەلدەردىڭ تەرەزەسى تەڭ بولۋعا تاباندى بولىپ، سىڭار جاقتىلىق پەن زورەكەرلىككە باتىل قارسى تۇرىپ، ءار ەلدىڭ ادامزاتتىڭ تاعدىرلاس ورتاق تۇلعاسىن ورتاق قۇرۋىن بەلسەنە دارىپتەپ كەلەدى.

 


شي جينپيڭ بىلاي دەدى: پرەزيدەنت مىرزانىڭ وسى جولعى ساپارى ەكى ەلدىڭ ديپلوماتيالىق قاتىناس ورناتقاندىعىنىڭ 30 جىلدىعى قارساڭىنا تۋرا كەلىپ وتىر. 30 جىلدان بەرى ەكى ەل ءوزارا قۇرمەت ەتىپ، ءبىر ـ بىرىنە سەنىپ، ءبىرىن ـ ءبىرى قولداپ، تەڭدىك، ءوزارا تيىمدىلىك نەگىزىندە ناقتى سەلبەستىك ورىستەتىپ، ەكى ەل قاتىناسىنىڭ باياندى دامۋىن ىلگەرىلەتىپ، ەكى ەل حالقىنا ناقتى پايدا جەتكىزدى. جۇڭگو ەكى ەل قاتىناسىنا ايرىقشا ءمان بەرەدى، ميكرونەزيامەن بىرلىكتە قۇلشىنىپ، ديپلوماتيالىق قاتىناس ورناعاندىعىنىڭ 30 جىلدىعىن وراي ەتىپ، ءوزارا سەنىمدىلىكتى ارتتىرىپ، سەلبەستىكتى كەڭەيتىپ، اۋىس ـ كۇيىستى ۇلعايتىپ، ەكى ەل حالقىنا ءتىپتى دە زور باقىت جاراتۋدى قالايدى.


شي جينپيڭ مىنالاردى باسا دارىپتەدى: ەكى ەل ءار دارەجەلى بارىس ـ كەلىستى ساقتاۋ، ەكى ەلدىڭ ۇكىمەت تاراۋلارىنىڭ، زاڭ شىعارۋ قۇرىلىمدارىنىڭ اۋىس ـ كۇيىسىن كەڭەيتۋ، ساياسي سەنىمدىلىكتى كۇشەيتۋ كەرەك. جۇڭگو ميكرونەزيانىڭ ءوز مەملەكەت جاعدايىنا ۇيلەسەتىن دامۋ جولىمەن جۇرۋىنە بۇرىنعىداي قۇرمەت ەتەدى، ميكرونەزيانىڭ مەملەكەتتىڭ تاۋەلسىزدىگىن قورعاۋ، مەملەكەتتىڭ دامۋىن جەبەۋ جولىنداعى قۇلشىنىسىن قولدايدى. ەكى جاق ابزالدىلىقتارىمەن ءبىرىن ـ ءبىرى تولىقتاپ، « ءبىر بەلدەۋ، ءبىر جولدى » ورتاق قۇرۋ جۇلگەسىندەگى ساۋداعا قارجى قوسۋ، اۋىل شارۋاشىلىعى، بالىق شارۋاشىلىعى، نەگىزدىك قۇرىلعى قۇرىلىسى، ساياحات قاتارلى سالالارداعى سەلبەستىكتى بەلسەنە كەڭەيتۋ كەرەك. جۇڭگو ميكرونەزيانىڭ جۇڭگوعا ءتىپتى دە كوپتەپ تۋنەتىس بالىق سياقتى ابزال ونىمدەردى ەكسپورت ەتۋىن، جۇڭگو جاريالاعان ارال ەلدەرىمەن سەلبەسۋدىڭ جانە ارال ەلدەرىنىڭ دامۋىنا قولداۋ كورسەتۋدىڭ ءتۇرلى ساياساتتىق شارالارىنان تولىق پايدالانىپ، حالىق تۇرمىسىنا ءتيىمدى ءتىپتى دە كوپ ناقتى سەلبەستىك نىساندارىن ورىستەتۋىن قارسى الادى. جۇڭگو جاق ميكرونەزياعا ەكونوميكالىق، تەحنيكالىق كومەك بەرۋگە كۇش سالا كىرىسەدى. ەكى جاق گۋمانيتارلىق جانە جەرلىك ورىندار اۋىس ـ كۇيىسىن جەبەۋ، وسى رەت ءوزارا ديپلوماتيالىق ىستەر، ۇكىمەتتىك ىستەر، الەۋمەتتىك ىستەر ادەتتەگى پاسپورتتى قىزمەتكەرلەردىڭ بارىس ـ كەلىسىن قولداۋ جونىندەگى ۆيزا كەلىسىمىنە قول قويۋدى وراي ەتىپ، ەكى جاقتى ادامدار ارا بارىس ـ كەلىسىن كۇشەيتۋ؛ حالىقتار ءداستۇرلى دوستىعىن تەرەڭدەتۋ؛ جۇڭگونىڭ گۋاڭدۇڭ ولكەسىنىڭ، حاينان ولكەسىنىڭ ميكرونەزيا فەدەراتسياسىمەن سەلبەستىگىندە اناعۇرلىم كوپ ناقتى تابىستارعا قول جەتكىزۋىن جەبەۋ كەرەك. تىعىز سايكەسىپ، كليمات وزگەرىسى، تەڭىز - مۇحيت ىستەرى قاتارلى كەلەلى ماسەلەلەر جونىندە ۇزدىكسىز سايكەسۋدى كۇشەيتۋ كەرەك.


پانۋەللو جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتادى. ول بىلاي دەدى: مەن وسى رەتكى ساپار كەزىندە جۇڭگونىڭ ۇزاق تاريحي مادەنيەتى مەن وسى زامانعى دامۋ جەتىستىكتەرىنىڭ توعىسقانىن شىنايى سەزىندىم. جۇڭگونىڭ ادال دوسى رەتىندە، جۇڭگونىڭ قول جەتكىزگەن ۇلى دامۋ جەتىستىكتەرىنە شىن جۇرەكتەن قۋاندىم، جۇڭگونىڭ بولاشاقتا اناعۇرلىم زور تابىسقا قول جەتكىزەتىندىگىنە سەنەمىن. ميكرونەزيا جاق ءتوراعا شي جينپيڭ العا قويعان ادامزاتتىڭ تاعدىرلاس ورتاق تۇلعاسىن قۇرۋ دارىپتەمەسىن، سونداي ـ اق جۇڭگونىڭ دۇنيە ءجۇزىنىڭ بەيبىتشىلىگى مەن ورنىقتىلىعىن جەبەۋدە اتقارعان ماڭىزدى رولىن ايرىقشا القايدى. ميكرونەزيا فەدەراتسياسى شاعىن مەملەكەت بولعانىمەن، جۇڭگونىڭ باستان اياق تەڭ تۇرعىدا مامىلە جاساپ جانە قۇرمەتتەپ كەلگەندىگىن تەرەڭ سەىنۋدە. جۇڭگو ەڭ ەرتەدە ميكرونەزيانىڭ ۇلت ازاتتىق قوزعالىسىنا قولداۋ كورسەتتى، سونداي ـ اق ميكرونەزيانىڭ مەملەكەتتى دامىتۋىنا كومەك كورسەتتى، ميكرونەزيا مەن جۇڭگو ديپلوماتيالىق قاتىناس ورناتقان 30 جىلدان بەرى، ەكى ەلدىڭ سەلبەستىگى ميكرونەزيا مەملەكەتى مەن حالىقىنا ناقتى پايدا جەتكىزدى. مەن مىنانى قايتالاي دارىپتەيمىن: ميكرونەزيا ءبىر جۇڭگو پرينسيپىنە تاباندى بولادى. شياڭگاڭ، شينجياڭ، شيزاڭ قاتارلى ماسەلەلەر بۇكىلدەي جۇڭگونىڭ ىشكى ىسىنە جاتادى، بۇعان شەتەل كيلىكپەۋ كەرەك. جۇڭگو حالىقارالىق يمپورت كورمەسىن ءساتتى وتكىزدى، بۇل جۇڭگونىڭ دۇنيە جۇزىندەگى ءار ەلمەن ءوزارا ءتيىمدى سەلبەستىك پەن ورتاق گۇلدەنۋدى جۇزەگە اسىرۋعا كۇش سالاتىندىعىن ايگىلەدى. ميكرونەزيا ەكى ەلدىڭ ەكونوميكا ـ ساۋدا، نەگىزدىك قۇرىلعى قۇرىلىسى، اۋىل شارۋاشىلىعى، وقۋ ـ اعارتۋ قاتارلى سالالارداعى سەلبەستىگىن ونان ارى كەڭەيتۋدى، «ءبىر بەلدەۋ، ءبىر جولدى» ورتاق قۇرۋعا بەلسەنە ات سالىسۋدى ءۇمىت ەتەدى، ەكى ەل قاتىناسىنىڭ بولاشاعى ءتىپتى دە جارقىن بولاتىندىعىنا سەنەدى. ميكرونەزيا جۇڭگونىڭ كليمات وزگەرىسى قاتارلى الەمدىك ماسەلەلەرگە توتەپ بەرۋدە اتقارعان ماڭىزدى رولىن القايدى، جۇڭگومەن سەلبەستىكتى ۇزدىكسىز كۇشەيتۋدى ءۇمىت ەتەدى. ميكرونەزيا تىنىق مۇحيتتاعى ارال ەلدەرى مەن جۇڭگونىڭ قاتىناسىن دامىتۋدا ۇزدىكسىز بەلسەندى رول اتقارۋدى قالايدى.


كەڭەستەن كەيىن، ەكى ەل باسشىلارى كوپ ءتۇرلى ەكى جاقتى سەلبەستىك حۇجاتتارىنا قول قويۋعا بىرلىكتە كۋا بولدى.


قاناتبەك جۇماباي ۇلىنىڭ اۋدارماسى

جاۋاپتى رەداكتور: داۋىل قادىلبەك ۇلى

 
 
 
 
 
 

中央广播电视总台 央广网 版权所有

شي جينپيڭ ميكرونەزيا فەدەراتسياسىنىڭ پرەزيدەنتىمەن كەڭەس وتكىزدى

ءوز حابارىمىز. مەملەكەت ءتوراعاسى شي جينپيڭ 12 ـ ايدىڭ 13 ـ كۇنى حالىق سارايىندا ميكرونەزيا فەدەراتسياسىنىڭ پرەزيدەنتى پانۋەللومەن كەڭەس وتكىزدى.