ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

حۋ حۋايباڭ زاڭعا اۋىر قايشىلىق جاساعاندىقتان پارتيادان ايدالدى

来源:央广网     |责编:阿依娜|     发布日期: 2020-01-14 14:50

 

تاياۋدا ج ك پ ورتالىق كوميتەتىنىڭ بەكىتۋىمەن ورتالىق ءتارتىپ تەكسەرۋ كوميتەتى، مەملەكەتتىك باقىلاۋ كوميتەتى مەملەكەتتىك دامۋ بانكەسى پارتكومىنىڭ بۇرىنعى شۋجيى، باس جوراسى حۋ حۋايباڭنىڭ تارتىپكە، زاڭعا اۋىر قايشىلىق جاساۋ ماسەلەسىنە دەلو تۇرعىزىپ تەكسەرۋ جۇرگىزدى.

 

تەكسەرۋ ارقىلى مىنالار انىقتالدى: حۋ حۋايباڭ مۇرات ـ سەنىمىنەن ايىرىلعان،  «ءتورت تانىم» كەمشىل بولعان، اۋەلگى ماقساتتان تايىپ، مىندەت جاۋاپكەرشىلىگىنەن بەزگەن، پارتيا ورتالىق كوميتەتىنىڭ كەلەلى شەشىمدەرىنە، ورنالاستىرۋلارىنا كورىنىستە بويسۇنعانسىپ، كومەسكىدە قايشىلىق جاساعان، ورتالىقتىڭ شارلاۋ رەتتەۋ-تۇزەتۋ تالاپتارىن تياناقتاندىرماعان، پارتيانى جاپپاي قاتاڭ جونگە سالۋ سۋبيەكتتىك جاۋاپكەرشىلىگىن پارمەندى اتقارماعان، ۇيىمنىڭ تەكسەرۋىنە قارسى تۇرعان؛ ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشىلىق جاساعان، ەرەجەگە قايشى تۇردە جەكە كوڭىل اشۋ ورىندارىنا بارعان؛ جەكە باسىنا قاتىستى ىستەردى بەلگىلەمە بويىنشا مالىمدەمەگەن، قىزمەت قولايلىلىعىنان پايدالانىپ كادرلاردى مىندەتكە تاعايىنداۋ سياقتى جاقتاردا بەلگىلەمەگە قايشىلىق جاساپ، باسقالارعا زاڭسىز پايدا جەتكىزگەن؛ ۇقىعىنان بەتالدى پايدالانىپ، زاڭسىز ساۋداگەرلەرمەن جاسىرىن استاسىپ، ۇقىق-اقشا ساۋداسىنا سالىنعان؛ وتباسى سالتى بۇرىس جولعا تۇسكەن، وتباسى تاربيەسى قاتاڭ بولماعان، سەميا ادامدارىنىڭ زاڭسىز تۇردە بەيبەرەكەت مال-مۇلىك جيناۋىنا وراي تۋدىرعان. 

 

حۋ حۋايباڭ پارتيانىڭ ساياسي تارتىبىنە، ۇيىمدىق تارتىبىنە، پاكتىك تارتىبىنە جانە تۇرمىس تارتىبىنە اۋىر دارەجەدە قايشىلىق جاساپ، مىندەت جاۋاپكەرلىگىنە اۋىر دارەجەدە قايشىلىق جاساپ، پارا الۋ قىلمىسىن وتكىزگەن، پارتيا 18-قۇرىلتايىنان كەيىن قولىن تارتپاعان، بۇل ساياسي ماسەلە مەن ەكونوميكالىق ماسەلە ارالاسقان ءىرىپ-ءشىرۋدىڭ تيپتىك مىسالى، سيپاتى اۋىر، ىقپالى جيىركەنىشتى، سوندىقتان قاتاڭ باسقارىپ ءبىر جاقتى ەتۋ كەرەك. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ-تەكسەرۋ زاڭى» قاتارلى قاتىستى بەلگىلەمەلەرگە ساي، ورتالىق ءتارتىپ تەكسەرۋ كوميتەتى تۇراقتى كوميتەتىنىڭ ماجىلىسىندە اقىلداسۋ جانە ج ك پ ورتالىق كوميتەتىنىڭ بەكىتۋىمەن حۋ حۋايباڭعا پارتيادان ايداۋ شاراسىن بەرۋدى ۇيعاردى؛ يگىلىكتەنگەن مامىلەسىن بەلگىلەمە بويىنشا كۇشىنەن قالدىردى؛ پارتيا 19 ـ قۇرىلتايىنىڭ ۋاكىلدىك تولىمدىلىعىن توقتاتتى؛ تارتىپكە، زاڭعا قايشى تابىسى ءمۇسادىرالاندى؛ قىلمىس كۇمانىنا ساياتىن ماسەلەلەرى پروكۋراتۋرا ورگاندارىنىڭ زاڭ بويىنشا تەكسەرىپ ايىپتاۋىنا وتكىزىلدى، دەلوعا ساياتىن مال-مۇلىكتى دەلومەن بىرگە وتكىزىپ بەرىلدى.

中央广播电视总台 央广网 版权所有

حۋ حۋايباڭ زاڭعا اۋىر قايشىلىق جاساعاندىقتان پارتيادان ايدالدى

مەملەكەتتىك دامۋ بانكەسى پارتكومىنىڭ بۇرىنعى شۋجيى، باس جوراسى حۋ حۋايباڭ تارتىپكە، زاڭعا اۋىر قايشىلىق جاساعاندىقتان پارتيادان ايدالدى