ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

ستۋدەنتتەر تۇگەل ىشتاتتى قىزمەتكە ورنالاستىرىلادى

来源:央广网     |责编:阿依娜|     发布日期: 2020-01-14 14:55

 

بىرنەشە كۇننىڭ الدىندا، وقۋ-اعارتۋ مينيسترلىگى كەڭسە مەڭگەرمەسى 2020-جىلدىق وقۋ-اعارتۋ مينيسترلىگىنە توتە قاراستى پەداگوگيكالىق مەكتەپتەن ۇكىمەت قاراجاتىمەن وقۋ تاۋىسقان ستۋدەنتتتەردى قىزمەتكە ورنالاستىرۋ ۇقتىرۋىن باسىپ تارتىپ، 2020-جىلدىق قاراستى پەداگوگيكالىق مەكتەپتەن ۇكىمەت قاراجاتىمەن وقۋ تاۋىسقان ستۋدەنتتەردى تۇگەلدەي ورتا-باستاۋىش مەكتەپتىڭ وقىتۋشىلىق قىزمەتىنە ورنالاستىراتىن بولدى.

«ۇقتىرۋدا» مىناۋ انىق اتاپ كورسەتىلدى: ءارقايسى ولكە دارەجەلى وقۋ-اعارتۋ اكىمشىلىك تاراۋلارى بوس ىشتاتتى الدىمەن پايدالانىپ قابىلداۋ سياقتى ادىستەردەن پايدالانىپ، كاسىپتەندىرۋ شارتىنا ۇيلەسەتىن ۇكىمەت قاراجاتىمەن پەداگوگيكا وقىعان ستۋدەنتتەردىڭ ىشتاتى، ورنى بار بولۋىنا كەپىلدىك ەتۋ كەرەك، «ىشتات بولا تۇرا، تولىقتاماۋعا» قاتاڭ تيىم سالىنادى.

 

تۇگەلدەي مەكتەپكە وقىتۋشى بولۋىن تياناقتاندىرۋ

 

ۇقتىرۋدا مىنالار تالاپ ەتىلدى: 2020-جىلى 5-ايدىڭ سوڭىنان بۇرىن %90 ۇكىمەت قاراجاتىمەن پەداگوگيكا وقىعان ستۋدەنتتەردى قوس باعىتتا تاڭداپ مەكتەپكە وقىتۋشى بولۋىن تياناقتاندىرىپ بولۋ كەرەك. 2020-جىلى 6-ايدىڭ سوڭىنا دەيىن ۇكىمەت قاراجاتىمەن  پەداگوگيكا وقىعانداردان ورنالاسپاعانى بولماۋ، ولاردىڭ ارحيۆى، نوپوسى سياقتىلاردى جوتكەۋدە تۋعان جەرىندەگى ولكە دارەجەلى وقۋ-اعارتۋ اكىمشىلىك تاراۋلارى جاۋاپتى بولادى، ءارقايسى ولكە دارەجەلى اكىمشىلىك تاراۋلارى قاتىستى تاراۋلارمەن بىرگە ءبىرتۇتاس ورنالاستىرۋ جاساپ، وقىتۋشى جەتىسپەيتىن رايوندارداعى ورتا-باستاۋىش مەكتەپكە وقىتۋشى رەتىندە قابىلدايدى، ۇكىمەت قاراجاتىمەن پەداگوگيكا وقىعاندار مەكتەپ بىتىرۋدەن بۇرىن ءسوزسىز تۇگەلدەي مەكتەپ وقىتۋشىلىعىنا قابىلدانۋدى تياناقتاندىرۋ كەرەك.

 

باسقارۋدى قاتاڭ اتقارۋ

 

ۇكىمەت قاراجاتىمەن پەداگوگيكا وقىعاندار ەرەكشە جاعداي سەبەبىنەن كەلىسىمدى اتقارا المايتىن بولسا، ءسوزسىز ءوزى تۋعان جەرىندەگى ولكە دارەجەلى وقۋ-اعارتۋ اكىمشىلىك تاراۋلارىنىڭ رۇحساتىن الۋى، سونداي-اق بەلگىلەمە بويىنشا يگىلىكتەنگەن ۇكىمەت قامداعان وقۋ قاراجاتىن قايتارىپ بەرۋى، كەلىسىمگە قيعاشتىق جاساۋ اقىسىن تولەۋى، پەداگوگيكا وقۋشىلارىن ۇكىمەت قاراجاتىمەن تاربيەلەۋ كەلىسىمىن كۇشىنەن قالدىرىپ، قايتادان جۇمىسقا ورنالاستىرۋ؛ ەمتيحانسىز تولىق كۋرسكە جاتپايتىن ماگسترلىك  تاربيەلەۋ مەكتەبى كۇشىنەن قالدىرادى كاسىپتىك اتاق العانداردى، تاربيەلەگەن مەكتەبى عىلمي اتاعىن كۇشىنەن قالدىرۋى كەرەك. 

 

ۇكىمەت قاراجاتىمەن پەداگوگيكالىق مەكتەپ وقىعان وقۋشىلار دەگەندى تۇسىنەسىز بە؟

 

2018-جىلى 8-ايدا مەملەكەتتىك كەڭەستىڭ كەڭسە مەڭگەرمەسى ۇقتىرۋ باسىپ تاراتىپ، وقۋ-اعارتۋ مينيسترلىگى سياقتى تاراۋلار جالعاپ تاراتقان «وقۋ-اعارتۋ مينيسترلىگىنە تىكە قاراستى پەداگوگيكالىق مەكتەپ وقۋشىلارىن ۇكىمەت قاراجاتىمەن وقىتۋدى اتقارۋ ءادىسى» (مەملەكەتتىك كەڭەستىڭ كەڭسە مەڭگەرمەسى تاراتقان 〔2018〕75-ءنومىرلى قۇجاتى، تومەندە قىسقارتىپ «ءادىس» دەلىنەدى). باسىپ تاراتىلعان كۇننەن باستاپ اتقارىلدى.

«ادىستە» ايتىلعان پەداگوگيكالىق مەكتەپتە ۇكىمەت قاراجاتىمەن وقيتىن وقۋشىلار دەگەنىمىز بەيجيڭ پەداگوگيكا ۋنيۆەرسيتەتى، حۋادۇڭ پەداگوگيكا ۋنيۆەرسيتەتى، دۇڭبەي پەداگوگيكا ۋنيۆەرسيتەتى، حۋابەي پەداگوگيكا ۋنيۆەرسيتەتى، حۋاجۇڭ پەداگوگيكا ۋنيۆەرسيتەتى، شانشي پەداگوگيكا ۋنيۆەرسيتەتى جانە شي-نان ۋنيۆەرسيتەتى سياقتى وقۋ-اعارتۋ مينيسترلىگىنە توتە قاراستى پەداگوگيكالىق ۋنيۆەرسيتەتتەردەگى پەداگوگيكا كاسىپتىك تولىق كۋرس وقۋشىسىنا باعىتتالىپ اتقارىلعان، ورتالىق قازىنا مەكتەپ وقۋ مەزگىلىندەگى وقۋ قارجاتى، جاتاق قاراجاتى، سونداي-اق تۇرمىستىق تولىقتاما قاراجاتىمەن قامداپ تاربيەلەپ-باسقارۋ ءتۇزىمى.

 

ۇكىمەت قاراجاتىمەن پەداگوگيكا وقىعانداردىڭ كەلسىم اتقارۋ مەزگىلى 6 جىلعا تەڭشەلدى

 

«ءادىس» بەلگىلەمەسىندە بۇل ءادىس كۇشكە يە بولۋدان بۇرىن «پەداگوگيكا وقۋشىلارىن تاربيەلەۋ كەلىسىمىنە» قول قويىلادى جانە كەلىسىم بويىنشا وقىتۋشىلىق كاسىبىن تەگىن وقىپ، بۇكىلدەي ۇكىمەت قاراجاتىمەن پەداگوگيكا كاسىبىن وقۋ ساياساتىمەن باسقارىلادى؛

 

2007-جىلى باسىپ تاراتقان «وقۋ-اعارتۋ مينيسترلىگىنە توتە قاراستى پەداگوگيكالىق مەكتەپ وقىعان وقۋشىلاردى تەگىن وقىتۋدى اتقارۋ ءادىسى (سىناق رەتىندە اتقارىلعان) جانە 2012-جىلى باسىپ تاراتقان «پەداگوگيكا وقۋشىلارىن تەگىن وقىتۋدى كەمەلدەندىرۋ جانە ىلگەرىلەتۋ جونىندەگى پىكىر» بىردەي كۇشىنەن قالدىرىلدى.

 

وسىنىڭ الدىندا، تەگىن پەداگوگيكا وقىعان وقۋشىلار مەكتەپ بىتىرگەننەن كەيىن ون جىلدىڭ ۇستىندە ورتا-باستاۋىش مەكتەپ وقىتۋشىسى بولۋعا ۋادە بەرەتىن.

 

«وقۋ-اعارتۋ مينيسترلىگىنە توتە قاراستى پەداگوگيكالىق ۋنيۆەرسيتەت وقۋشىلاردى ۇكىمەت قاراجاتىمەن وقىتۋدى اتقارۋ ءادىسى» بويىنشا، مەملەكەت ۇكىمەت قاراجاتىمەن پەداگوگيكا وقىعانداردى وقۋ اقسى، جاتاق اقىسىمەن تەگىن قامداپ، تۇرمىستىق قوسىمشا قاراجات بەرۋ ساياساتىنان يگىلىكتەندىرەدى، قوس باعىتتاعى تاڭداۋ سياقتى تاسىلدەر ارقىلى ءاربىر مەكتەپ بىتىرگەن ۇكىمەت قاراجاتىمەن وقىعان ستۋدەنتتتەردىڭ مەكتەپكە وقىتۋشى بولۋى مەن ىشتاتى تياناقتاندىرىلادى.

 

ۇكىمەت قاراجاتىمەن پەداگوگيكا وقىعان وقۋشىلار مەكتەپ بىتىرگەننەن كەيىن ادەتتە تۋعان ولكەسىندەگى ورتا-باستاۋىش مەكتەپتەردىڭ بىرىنە وقىتۋشى بولىپ ورنالاسادى، سونداي-اق، ورتا-باستاۋىش مەكتەپ وقىتۋشىلىق قىزمەتىمەن 6 جىلدىڭ ۇستىندە شۇعىلدانۋعا ۋادە بەرەدى. قالا-قالاشىق مەكتەپ قىزمەتىنە ورنالاسقان ۇكىمەت قاراجاتىمەن وقىعان پەداگوكتار اۋىل-قىستاقتاعى مىندەتتى وقۋ-اعارتۋ مەكتەپتەرىنە بارىپ كەم دەگەندە ءبىر جىل وقىتۋشىلىق قىزمەت اتقارۋى كەرەك. مەملەكەت ۇكىمەت قاراجاتىمەن وقىعان پەداگوكتاردى ۇزاق ۋاقىت وقىتۋشىلىقپەن شۇعىلدانۋعا، ءومىر بويى وقىتۋشىلىقپەن شۇعىلدانۋعا شابىتتاندىرىپ وتىرادى.

 

وقۋ-اعارتۋ مينيسترلىگىنىڭ قاتىستى جاۋاپتىسى بىلاي دەپ قارايدى: «پەداگوگيكا وقىعانداردى تەگىن وقىتۋ ساياساتى» «پەداگوگيكا وقىعانداردى ۇكىمەت قاراجاتىمەن وقىتۋ ساياساتىنا» وزگەرتىلدى، مەملەكەت ۇكىمەت قارجاتىمەن پەداگوگيكا وقىعانداردىڭ وقۋ اقىسى، جاتاق اقىسى تەگىن بولۋمەن بىرگە تۇرمىستىق تولىقتاما قاراجات بەرۋ سىندى «ەكى تەگىن، ءبىر تولىقتامادان» يگىلىكتەندىرىپ، ۇكىمەت قاراجاتىمەن تاربيەلەيدى، سونداي-اق مەكتەپ بىتىرگەننەن كەيىن قىزمەتكە ورنالاستىرۋ جانە ىشتاتقا كىرگىزۋگە كەپىلدىك ەتۋ سياقتى ءتيىمدى ساياساتتارمەن پەداگوگيكا وقىعان وقۋشىلاردى مەكتەپ بىتىرگەننەن كەيىن وقىتۋشى بولامىن دەيتىن ماقتانىش سەزىمىن كۇشەيتەدى.

 

پەداگوگيكا وقىعاندار مەملەكەتتىڭ ۇكىمەت قاراجاتىمەن وقىتۋشىلىققا تاربيەلەۋدەگى بورىشتىلىق جانە داڭق سەزىمىنە بولەنەدى. 

ۇكىمەت قاراجاتىمەن وقىعانداردىڭ وقىتۋشىلىق كاسىبىمەن شۇعىلدانۋ جىل شەگى 6 جىلدان جوعارى بولىپ تەڭشەلدى، وقىتۋشى بولعان 6 جىلدا باستاۋىشتىڭ 6 جىلدىعىن وقىتۋ، ورتالاۋ نەمەسە ورتا مەكتەپتىڭ ءبىر كەزەگىن تامامداۋ سىندى وقىتۋ قىزمەتىن تولىق اياقتايدى، بۇل ۇكىمەت قاراجاتىمەن وقىعانداردىڭ دامۋىنا پايدلى كەڭىستىك جاراتىپ، ساياساتتىڭ «ومىرشەڭدىك كۇشى» ونان ارى ساۋلەلەنەدى.

中央广播电视总台 央广网 版权所有

ستۋدەنتتەر تۇگەل ىشتاتتى قىزمەتكە ورنالاستىرىلادى

وقۋ-اعارتۋ مينيسترلىگى: ستۋدەنتتەر تۇگەل ىشتاتتى قىزمەتكە ورنالاستىرىلادى!